Un ano máis o 8 de marzo é unha data para celebrar, por un lado polos avances conseguidos , mais tamén é unha data reivindicativa posto que non podemos “baixar a garda”, sobre todo por algunhas ideoloxías emerxentes que a estas alturas do XXI cuestionan o concepto de FEMINISMO.

Debemos agradecer o papel desempeñado por aquelas pioneiras  que nos abriron o camiño para que neste momento poidamos estar presentes en  todos os ámbitos, aínda que non en todos en igualdade de condicións.

Temos tamén que aproveitar esta data para  cambiar actitudes e tentar introducir o concepto de NOVAS MASCULINIDADES, posto que a sociedade patriarcal non só impón estereotipos de muller , senón tamén de home.