Skip to Content

Ciclo Medio

Charla sobre o programa Erasmus+ para alumnado de Ciclo Medio

Charla sobre o programa Erasmus+ para alumnado de Ciclo Medio

Visita ao noso centro de Fernando Camoiras, antigo alumno do Ciclo Medio de Soldadura e Caldeirería, que explicou a súa experiencia profesional en Holanda, particularmente na empresa Allseas, aos alumnos de Ciclo Medio. Esta é unha actividade programada dentro do proxecto Eramus+, para fomentar a participación do alumnado de formación profesional do IES Valga neste proxecto da UE.

Charla sobre o programa Erasmus para alumnado de Ciclo Medio

Charla Erasmus alumnado Ciclo Medio

 

O alumnado de Ciclo Medio de Soldadura e Caldereiría asistiu este luns 16 de xaneiro a unha charla informativa sobre o programa Erasmus+ de mobilidade que permite ao alumnado realizar prácticas en empresas de diferentes países da Unión Europea. O Xefe de Departamento de Fabricación Mecánica, Antonio Mirás foi o encargado de darlle información sobre este programa, mentres que o antigo alumno de Ciclo Medio, Darío Gómez explicoulle a súa experiencia na empresa Erma Sport, sita na cidade holandesa de Almelo. Darío valorou moi positivamente a súa participación neste programa e a súa experiencia laboral nos Paíse Baixos, animando a todo ao alumnado presente a participar neste proxecto da UE.

Entrega do Premio Eduemprende Idea 2018 ao alumnado do noso Centro Sara Iglesias e Juan Mariño

entrega do Premio Eduemprende Idea 2018 ao alumnado do noso Centro Sara Iglesias e Juan Mariño  entrega do Premio Eduemprende Idea 2018 á alumna do noso Centro Sara Iglesias  O pasado 12 de decembro a Cidade da Cultura acolleu a entrega do Premio Eduemprende Idea 2018, no que resultaron gañadores do 1º premio na modalidade de ciclos medios o alumnado do noso centro, Sara Iglesias e Juan Mariño, do Ciclo Medio de Soldadura e Caldeiraría, polo seu proxecto empresarial SUEVIA, Mantemento e Restauracións Metálicas, SL. Deixámosvos unhas fotos do acto.  
   

Premio "Eduemprende Idea 2018" para dous alumnos do IES Valga

proxectoSuevia O alumnado de Empresa e Iniciativa Emprendedora (EIE) do CM de Soldadura e Caldeiraría, Sara Iglesias Rodríguez e Juan Lago Mariño, gañou o primeiro premio do concurso Eduemprende Idea 2018 na modalidade de Ciclos Medios (DOG do 24 de outubro de 2018), co traballo que leva por título "SUEVIA, Mantemento e Restauracións Metálicas, S.L."  O concurso Eduemprende Idea pretende potenciar a realización de proxectos empresariais polo alumnado das ensinanzas de formación profesional. 

Parabéns!! ao alumnado e tamén para a profesora Rosalía García Seijo, quen os asesorou e os acompañou na elaboración do seu proxecto gañador.

           
   

WELDCUP 2107

Julián Fernández Souto cuarto posto na Weldcup 2017 O noso recentemente alumno titulado de 2º Ciclo Medio de Soldadura e Caldereiría, Julián Fernández Souto, gañador do GaliciaSkills 2016 na especialidade de soldadura e medalla de bronce no SpainSkills 2017, acadou un cuarto posto na WELDCUP 2017, Competición Internacional Europea para mozos soldadores, celebrada en Düsseldorf (Alemaña). Parabens.   
   
Distribuir contido


by Dr. Radut