Skip to Content

Recuperando topónimos das aldeas do concello de Valga polo alumnado de Paisaxe de 2º ESO

Inauguración de O Quinteiro, Bronllo

Alumnado da materia de Paisaxe e Sustentabilidade de 2º da ESO participou, o mércores 20 de xuño, na inauguración do sinal O Quinteiro que na aldea de Bronllo quedará como símbolo da recuperación da toponimia dalgúns dos lugares das aldeas do concello de Valga. Esta actividade contou co apoio de informantes de Cerneira, Bronllo e Pontevalga, do Concello, do alumnado e profesorado do Ciclo de Fabricación Mecánica. A todos eles o noso máis profundo agradecemento.

Inauguración de O Quinteiro, Bronllo

Alumnado de Tecnoloxía de 2º ESO presenta os seus proxectos na Biblioteca

Proxectos Tecnoloxía 2º ESO

Alumnado de 2º ESO da materia de Tecnoloxía expoñen estes días na Biblioteca do noso Centro os proxectos realizados co asesoramento da súa profesora Loli Omil ao longo deste trimestre e que se corresponden con construcións con circuitos eléctricos e mecanismos.

Proxectos Tecnoloxía 2º ESO

Visita de profesorado do Lycée Eric Tabarly dentro do programa Erasmus+

Profesorado de Ciclos do IES Valga e do Lycée Eric Tabarly

Estes días tivemos a visita de Antoine NOËL e David POIRON, dous profesores franceses do Lycée Eric Tabarly. Acompañados do profesorado de Ciclos visitaron as instalacións do noso Centro, sendo tamén recibidos polo alcalde do concello de Valga.

A visita enmárcase dentro do programa Erasmus+. No vindeiro mes de setembro haberá unha devolución da visita por parte de profesorado de Ciclos do noso Centro e continuará co intercambio de alumnado para prácticas e visitas.

 

Visita de profesorado do Lycée Eric Tabarly dentro do programa Erasmus+

Proxecto Premio INNOVA 2019

Os días 17 e 18 de xuño, luns e martes, o IES de Valga recibirá a visita de Antoine NOËL e David POIRON, dous profesores franceses do Lycée Eric Tabarly, que é unha escola profesional (equivalente á nosa Formación Profesional) situada na vila de Olonne-sur-Mer, na rexión de Países do Loira, pertencente ao distrito costeiro de Les Sables-d'Olonne, aproximadamente a 100 km ao sur de Nantes.

Este centro está interesado en colaborar co noso para levar a cabo un proxecto común dentro do programa Erasmus+, como por exemplo intercambio de alumnado para prácticas e visitas, realización de traballos en conxunto, visitas do profesorado, etc.

Distribuir contido


by Dr. Radut