Celebrando o Día Internacional dos Dereitos Humanos no IES Valga

Día Internacional dos Dereitos Humanos Día Internacional dos Dereitos Humanos O departamento de Filosofía celebrou o Día Internacional dos Dereitos Humanos e explica nas seguintes liñas a actividade que realizou para conmemorar esta data: "Hoxe quedou aberto no IES de Valga, para todo o mundo que queira visitalo, o PASEO DOS DEREITOS HUMANOS. Non é gran cousa, certamente. Lastras. Non hai máis. Tampouco esperedes que o pasee Luther King ou Gandhi, que bastante terán con darlle conversa aos anxos. Mais, quen nos di que non o poidan pasear adolescentes de Valga hoxe e futuros Mandela ou Gandhi mañá?. Tamén eles foron rapaces nun tempo. Quizais algún do alumnado da ESO, de Ciclo Formativo ou da FP Básica, que berraron os dereitos humanos hoxe na biblioteca?

En fin, mellor non aspiremos a tanto, conformémonos con que durante unha semana, mentres o PASEO permaneza aberto, ningún insulte, nin berre, nin maltrate, nin humille... tampouco é tanto pedir. Logo, xa veremos.

Aos expositores do paseo contribuíu moito alumnado -teñen placa conmemorativa nel- mais quero dar as grazas especialmente a Noa Carrera, que carretou lastras, a Rosalía García, porque fixo de todo, e a Mar Tejero. Grazas a todos e a todas."

 
   

Teatro por un mundo sen fronteiras para o alumnado do 1º Ciclo da ESO

Alumnado do 1º Ciclo da ESO no teatro    O mércores 5 de decembro o alumnado de 1º ciclo de ESO acudiu ao Auditorio de Valga para  asistir a un espectáculo baseado na obra teatral "O Valo" de Carlos Labraña, gañadora  do IX premio Manuel María de Literatura Dramática Infantil. A obra, que foi representada pola compañía Xoré Teatro, é unha homenaxe aos máis de cinco millóns de persoas que tiveron que aboandonar o seu fogar a causa da guerra de Siria e buscar refuxio noutros lugares. A actividade foi organizada polo Equipo de Dinamización da Lingua Galega.

 
   

Charla-coloquio co escritor Pere Tobaruela arredor do seu libro "Poñente"

Alumnado de 4º ESO co escritor Pere Tobaruela   Alumnado de 4º ESO co escritor Pere Tobaruela                             

O martes 4 de decembro, o alumnado de 4º ESO asisitiu, na Biblioteca do centro, a unha charla-coloquio co escritor Pere Tobaruela. O alumnado tivo  unha explicación do seu libro "Poñente", dende o punto de vista histórico e literario. Tamén puido descubrir outras facetas relacionadas coa tarefa de escribir e o mundo da literatura en xeral.

 
   

O IES Valga no GaliciaSkills 2018

O IES Valga no GaliciaSkills de Soldadura 2018 O IES Valga no GaliciaSkills de Soldadura 2018    No recinto da Semana Verde de Silleda celebrouse, desde o mércores 28 ata o venres 30 de novembro, unha nova edición das Olimpíadas da Formación Profesional, as Galicia Skills.

Este ano, na especialidade de Soldadura, participou Sara Iglesias, alumna do Ciclo Superior de Construcións Metálicas do IES de Valga, e que acadou un meritorio posto a piques de acadar unha medalla. Agradecémoslle a Sara a súa participación e enviamoslle os parabéns de todo o centro. 

 
   

Visita do alumnado de 4º ESO ao Museo de Pontevedra

Alumnado de 4º ESO no Museo de Pontevedra VisitamuseoPontevedra4º ESO291120182 

O alumnado de 4º ESO visitou o Museo de Pontevedra o xoves 29 de novembro. Realizaron unha visita guiada a diferentes salas do Sexto Edificio relacionadas coa pintura galega dos séculos XVIII e XIX, finalizando nas salas dedicadas á figura de Castelao. Estiveron acompañados polo profesorado Noa Carrera e Xoán Carlos Montejano. A actividade foi organizada polos departamentos de Lingua e Literatura Galega e Xeografía e Histoira. 

 
   

Powered by Drupal - Design by artinet