IES de VALGA

   A Consellería de Educación convoca anualmente uns premios a proxectos de innovación na FP. Este ano o IES de Valga participa, como centro coordinador, nesta convocatoria de premios cun proxecto titulado "Construción dunha maqueta de nave industrial mediante impresión 3D", no que colabora a empresa Gama e Hijos como centro de traballo asociado. Na ligazón http://www.edu.xunta.es/fp/webfm_send/7410 atópase a relación de tódolos proxectos presentados, na que o proxecto do noso centro aparece como admitido.

     O alumnado de 4º ESO e 1º Bacharelato, que realizou unha viaxe a Grecia, regresa hoxe martes 6 de marzo despois de pasar os dous últimos días na capital grega, onde puido disfrutar de lugares emblemáticos da Atenas clásica como o Museo da Acrópole ou o espazo da Ágora, con edificios como o Hefesteion. 

                                                                                                                                       Alumnado de 4º ESO e 1º Bacharelato prosegue coas actividades programadas do seu viaxe a Grecia e trala súa estancia en Atenas, estes días pasados visitou os lugares máis salientables da illa de Santorini, ao sureste de Grecia, tales coma o xacemento arqueolóxico de Akrotiri, a Read beach ou os distintos espazos volcánicos da illa. Esta viaxe foi organizada polo departamento de Latín e Grego, estando acompañados polos profesores Raúl Gómez e Julia Menéndez.

   O alumnado de Economía de 1º e 2º de Bacharelato participou os días 28 de febreiro e 1 de marzo  a dúas charlas formativas dentro do Programa Finanzas para Mortais coa colaboración do Banco Santander.