Titoría entre Iguais no IES Valga

Titoría entre iguais       Titoría entre iguais

   Este curso académico estase levando á práctica no noso Centro a experiencia de "Titoría entre iguais" co alumnado de 1º e 3º da ESO. A primeira actividade, o 4 de novembro, foi unha charla formativa por parte da orientadora co alumnado de 3º ESO para instruílos na súa labor como titores. A continuación, entregáronselles os carnets de titores así como os diplomas acreditativos. Unha segunda actividade, o 17 de novembro, coa participación do alumnado de ámbolosdous niveis, foi a presentación das parellas asignadas e diferentes actividades lúdicas para ter un primeiro contacto que terá a súa continuación en futuras actividades.

 
   

Charla sobre educación vial

Charla de educación vial           Charla de educación vial

   O Departamento de Orientación en colaboración coa Garda Civil de Tráfico organizou unha charla sobre Educación Vial para alumnado de FP Básica e Ciclo Formativo da especialidade de Calderería e Soldadura que se imparte no noso Centro. Foi unha charla a carga de membros da Garda Civil de Tráfico que estiveron durante dúas horas explicando e orientando sobre como mellorar o comportamento nas estradas e evitar percances nelas.

 
   

Exposición de cogumelos no IES Valga

semana dos cogumelos no IES Valga     semana dos cogumelos no IES Valga  

    O Departamento de Bioloxía e Xeoloxía organizou a "Semana dos Cogumelos", unha exposición na que alumnado do Centro colaborou coa achega de diversos exemplares deste produto do outono galego. 

 
   

Ler por Ler na Biblioteca do IES Valga

       Alumnado de 2º ESO C en Ler por Ler 

 O Departamento de Ed. Plástica en colaboración cos distintos departamentos de Lingua e a Biblioteca do noso Centro, celebra por segundo ano e tódolos venres a actividade "Ler por Ler", centrada neste curso escolar en diferentes temáticas. Os venres 22 de outubro e 12 de novembro, alumnado de 2º  e 3º ESO leu diferentes textos, en castelán e galego, arredor dun nexo común: "Historias de medo e terror".     

Powered by Drupal - Design by artinet