Skip to Content

Práctica de corte con plasma polo alumnado do Ciclo Superior

práctica corte de plasma

Picando sobre a imaxe, pódese ollar a práctica de corte con plasma realizada polo alumnado do primeiro curso do Ciclo Superior de Construcións Metálicas, na materia "Procesos de Mecanizado".

Alumnado de Relixión de 3º e 4º ESO visita diferentes espazos relixiosos en Santiago

Alumnado de 3º e 4º ESO de Relixión en Santiago Alumnado de 3º e 4º ESO da materia de Relixión realizou, na mañá do mércores 23 de outubro, unha visita a diferentes espazos relixiosos na cidade de Santiago de Compostela. En concreto, estiveron no albergue de San Francisco, no Museo da Terra Santa e no convento das Carmelitas. Neste último lugar realizaron unha entrevista a unha das monxas de clausura que se atopa neste convento. A actividade foi organizada polo departamento de Relixión e o alumnado estivo acompañado das profesoras Teresa Barreiro, Carmen Pedreira e Aurora Vázquez.

Alumnado de 3º e 4º ESO de Relixión en Santiago

 

Alumnado de Bacharelato asiste a unha conferencia sobre o alzheimer

Charla sobre o alzheimer en La Salle, Santiago

 

Alumnado de 1º e 2º Bacharelato do noso centro asisitiu no colexio La Salle de Santiago, na mañá do martes 22 de outubro, a unha conferencia titulada: "coñecer mellor a enfermidade do alzheimer" dentro do programa Red Paraugas Alzheimer.

O noso compañeiro de Filosofía, Víctor González sinala o seguinte: "quen isto escribe sabe pouco do alzheimer, non son especialista, si un curioso, por iso a charla á que asistimos en Santiago no colexio La Salle. É verdade, non son experto pero imaxínome que a imaxe que mellor reflicte o alzheimer é o silencio. Todo é silencio arredor dun doente de alzheimer, porque non é nada, é a nada, o oposto ao ser. Non ten lembranzas, non ten identidade. Nada. Silencio pois...". 

A actividade foi organizada polo departamento de Filosofía e tamén asisitiu como profesorado acompañante: Silvia Fernández, Brais De Esteban e Chus Polo.

Alumnado de Bacharelato na charla sobre o alzheimer en La Salle

Acto de inauguración do Clube de Lectura 2019/2020

libro Rosa Montero

 

 

 

 

 

Este xoves, 17 de outubro comezan as actividades deste curso 2019-2020, dentro do Clube de Lectura da Biblioteca do IES de Valga. Será a partir das 16:30 horas cando se manteña un encontro arredor do libro da escritora Rosa Montero e a súa obra "La ridícula idea de no volver a verte", Premio Nacional das Letras. Esperamos a vosa presenza. 

Distribuir contido


by Dr. Radut