Skip to Content

Logo gañador do concurso "escolla logo da Biblioteca"

Logo gañador da Biblioteca

Xa temos o logo gañador para a Biblioteca do noso centro. Cun total de 36 votos, a imaxe que acompaña esta nova, é a ilustración gañadora do concurso que se mantivo aberto durante todo  o mes de febreiro. A alumna Rosalía Muíño Cotón de 3º ESO A foi a gañadora e será obsequiada cun vale por valor 30 euros para consumir na nosa cafetaría. Noraboa á gañadora e grazas a todo o alumnado que participou neste concurso.

Tamén queremos recordar que o venres 5 de marzo acaba o prazo para presentar as fotografías ao concurso “Nós, as mulleres”. No ficheiro anexado a esta nova pódense consultar as bases deste concurso.

 

Último día do prazo de inscrición para as probas de acceso a Ciclos de Grao Superior

probas de acceso CS 2021

Lembramos que o mércores 3 de marzo finaliza o prazo de inscrición para as probas de acceso a Ciclos de Grao Superior que comezara o pasado 18 de febreiro.

Tamén queremos recordar que o prazo de inscrición para as probas de acceso a Ciclos de Grao Medio será do 15 ao 26 de marzo.

Para máis información sobre estas probas (prazos, datas de exames, temarios, probas de anos anteriores...) no enlace á páxina xunta fp/probas ou premendo na imaxe.

Concurso: As Mulleres Filósofas

As mulleres filósofas 2021

O departamento de Filosofía convoca, un ano máis, o concurso "As Mulleres Fiflósofas", coincidindo coa conmemoración do 8 de marzo, "Día Internacional da Muller". En palabras do profesor responsable do concurso, Víctor González Zúñiga: "de novo chega ao IES de Valga, o celebérrimo concurso sobre as MULLERES FILÓSOFAS. Non é novo, xa ten percorrido os mellores escenarios en televisións de medio mundo, da África Austral ao Polo Norte, das televisións de Miami a Tele 5 en España. Non hai concurso con máis recoñecementos, máis aínda que o SABER E GAÑAR de Jordi Hurtado, que aínda pode desfrutarse na 2 da TVE. Tras arduas negociacións coa vicedirección, o departamento de Filosofía, organizador, conseguiu "arrancarlle" suculentos premios, para o corpo e para o espírito, como di o lema do Día Mundial da Filosofía, para quen resolva o encrucillado.
Toda a información na Aula Virtual da Biblioteca. Outros concursos, igual de interesantes, están alí tamén en marcha. Participade, participade...."
Animamos a todo o alumnado a participar na resolución do encrucillado e, de paso, aprender sobre a vida e obra dalgunhas das mulleres máis representativas da Historia da Filosofía.

Exposición de maquetas sobre as células polo alumnado de 1º ESO

Exposición de maquetas sobre as células polo alumnado de 1º ESO

O alumnado de Bioloxía e Xeoloxía de 1º de ESO, coordinado pola profesora Lara García, elaborou unhas maquetas sobre a célula nos seres vivos; están expostas nas vitrinas do corredor da planta baixa do noso centro.

Exposición de maquetas sobre as células polo alumnado de 1º ESO

Exposición de maquetas sobre as células polo alumnado de 1º ESO

Xuntanza do Clube de Lectura do alumnado

Alumnado Clube de Lectura curso 2020-2021

O pasado luns 22 de febreiro, celebrouse a xuntanza do club de lectura do alumnado do IES de Valga. Foi a primeira deste ano, pois a pandemia impediu que se celebrara cando estaba inicialmente previsto, a finais de xaneiro.

En palabras do profesor coordinador deste clube de lectura, Víctor González Zúñiga: "en fin, houbo tertulia, no patio, pois o tempo acompañou, tertulia animada e alegre. Versou sobre o libro "Mentiras" de Care Santos, e gustoulles bastante. Recoñeceron que teñen moito coidado co uso que fan das redes sociais, que é un dos temas que vertebra o libro, ademais da amistade e de como hai rapaces xenerosos que, por un amigo, son capaces ata de ir a cárcere".

 

Distribuir contido


by Dr. Radut