Alumnado de 2º ESO da materia de Paisaxe no Museo da Historia de Valga

Alumnado de Paisaxe de 2º ESO no Museo da Historia de Valga Alumnado de Paisaxe de 2º ESO no Museo da Historia de Valga  O martes, 20 de novembro, o alumnado da materia de Paisaxe de 2º ESO realizou unha visita ao Museo da Historia de Valga onde guiados polo responsable do Museo, Santiago Chenlo, puideron reflexionar sobre o que é a paisaxe, localizar espazos paisaxísticos e visionar os espazos naturais máis representativos do concello de Valga.  Foron acompañados polos profesores Felipe Ben e Juan Carlos Montejano. A actividade foi organizada polo departamento de Xeografía e Historia.

  
   

I Concurso de adornos matemáticos de Nadal do IES Valga

 I concurso adorno nadal 2018 O departamento de Matemáticas do IES Valga organiza o I Concurso de adornos de Nadal. Nas súas bases contémplase que se realizará por grupos de alumado dun máximo de catro membros da mesma clase da ESO ou FP Básica. Cada grupo que desexe participar confeccionará un motivo matemático como adorno de Nadal, acompañado dun pequeno cartel. O concurso constará de dúas fases, tendo que presentarse un boceto, xunto cunha proposta de material para a construción, antes do próximo 30 de Novembro. No arquivo anexado pódense consultar as bases deste concurso. Animádevos a participar!!!.                                                                                                                                                                                                 

  
   

Celebración do Magosto no IES Valga

Magosto no IES Valga Magosto 2018 no IES Valga O venres 16 de novembro tivo lugar no IES de Valga a celebración dun magosto. A degustación de castañas xunto cun campionato de brilé centraron as actividades dunha xornada de diversión da comunidade educativa do Centro. Tamén houbo acompañamento de música tradicional galega a cargo dun grupo de profesorado e alumnado. A acividade foi organizada por Vicedirección, o Equipo de Dinamización Lingüística e os Departamentos de Educación Física e Fabricación Mecánica. Mención especial ao profesorado de taller e alumnado de 2º  de Ciclo Medio que diseñaron e fabricaron os recipentes para asar as castañas. Contempla un vídeo desta actividade picando neste enlace.  
   

Exposición na Biblioteca para conmemorar o Día Mundial da Filosofía

posición na Biblioteca para conmemorar o Día Mundial da Filosofía  posición na Biblioteca para conmemorar o Día Mundial da Filosofía Filósofos todos. Quedades convocados na Biblioteca do IES de Valga para festexar o DÍA MUNDIAL DA FILOSOFÍA que celebraremos o 16 de novembro. Descartes, Aristóteles, Sócrates, Kant e outros xa pasean por alí esperando a vosa visita. Non vos sintades acobardados, son xente normal, de carne e óso; en calquera caso, se se poñen a falar entre eles, prestade  atención. Sempre se aprende algo desta xente; se che preguntan: cala... escoita... mellor, síguelles o conto, dialoga con eles, sen medo porque, ben pensado, quen non é tamén un pouco filósofo?. A exposición foi realizada polo responsable do Departamento de Filosofía, Víctor González con alumnado de 1º Bacharelato A.  
   

VI Concurso de Fotografía

VI Concurso de Fotografía do EDL O Equipo de Dinamización da Lingua Galega do IES de Valga convoca o VI Concurso de Fotografía. O tema nesta edición será libre. Poderán participar alumnado, profesorado e persoal non docente do IES de Valga. A data límite de entrega será o 15 de decembro.                                                                                                                                    

  
   

Powered by Drupal - Design by artinet