IES de Valga

ESO - Bacharelato
CS Construcións Metálicas - CM Soldadura e Caldeiraría - FP Básica
Contacto: +34 886 151 980 - ies.valga@edu.xunta.gal

Campaña de recollida de "Tapóns solidarios" no IES Valga

Lun, 10/02/2020 - 13:39 — IES de Valga

O IES Valga únese á campaña de recollida de tapóns solidarios co fin de axudar a Hugo un neno de 6 anos de Brión ao que lle diagnosticaron a enfermidade de Dent, unha doencia xenética que afecta ás funcións habituais dos riles. Trátase dunha enfermidade rara e está dentro das accións que ten en marcha a Asociación da Enfermidade de Dent (Asdent). Para tal fin, no vestíbulo do Centro hai un espazo habilitado para a recollida dos tapóns.

Dende o IES Valga esperamos a colaboración de toda a comunidade educativa para que esta campaña teña unha ampla repercusión.

Alumnado de Bacharelato no Campus da USC

Ven, 07/02/2020 - 13:37 — IES de Valga

O xoves 6 de febreiro, o alumnado de 1º e 2º Bacharelato realizou unha visita ao Campus universitario da Universidade de Santiago de Compostela dentro do Programa “A Ponte entre o Ensino Medio e a USC”. Foron acompañados polo profesorado Esther de Andrés, Sara Brea, Sabela Sanromán e Víctor González. A actividade foi organizada polo departamento de Orientación.

Cine Forum no IES Valga

Mér, 05/02/2020 - 14:01 — IES de Valga

Este xoves, 6 de febreiro chega a Biblioteca do IES de Valga, Anthony Quinn, o famoso actor; nesta ocasión caracterizado como "Zorba el griego", película baseada na obra homónima de Nikos Katzanzakis. Vos veredes, pero compartir tarde con Zorba non está ao alcance de calquera, súa risa, vitalidade, filosofía, todo unha forma de vivir. Bailar, reir, soñar, pode haber mellor xeito de pasar a tarde? En fin, podedes quedarvos na casa vendo culebróns, durmindo... Anthony Quinn non ten pensado pasar de novo por Valga, que se saiba. Zorba sí, a Zorba o atoparedes en calquera momento, alí onde haxa unha gargallada chea de vida. Empezamos as catro e media, na biblioteca do IES.

Concurso Cartel Día Internacional da Muller

Mar, 04/02/2020 - 21:38 — IES de Valga

Convocatoria do III Concurso de carteis do 8 de marzo de 2020, Día Internacional da Muller

A Dirección Xeral de Educación, Formación Profesional e Innovación Educativa e a Secretaría Xeral de Igualdade convocan un concurso para o deseño do cartel do día 8 de marzo co gallo da celebración do Día Internacional da Muller. Poderá participar no concurso calquera centro educativo de ensino non universitario que oferte ensinanzas de infantil, primaria, secundaria e formación profesional da Comunidade Autónoma de Galicia en tres categorías:
· 1a Categoría.- Alumnado de 1º, 2º, 3º e 4º de educación primaria.
· 2a Categoría.- Alumnado 5º e 6º de educación primaria e 1º, 2º de educación secundaria obrigatoria (ESO).
· 3a Categoría.- Alumnado de 3º e 4º de educación secundaria obrigatoria (ESO) e 1º e 2º de bacharelato, de FP básica, de ciclos de grao medio e de ciclos de grao superior.

O prazo de presentación conclúe o 20 de febreiro de 2020. Non serán admitidos os traballos que sexan recibidos con posterioridade a esa data. As obras remitiranse por correo ordinario en sobre pechado ao seguinte enderezo: Secretaría Xeral da Igualdade, Edificio administrativo San Lázaro s/n 15781- Santiago de Compostela, facendo constar nel “III Concurso de carteis 8 marzo”
As bases do concurso pódense consulta no seguinte enlace:

https://igualdade.xunta.gal/gl/actualidade/convocatoria-do-iii-concurso-de-carteis-do-8-de-marzo-de-2020-dia-internacional-da

Para obter máis información pódense realizar consultas nos seguintes teléfonos: Servizo de Promoción e Cooperación Institucional (Secretaría Xeral de Igualdade): 981 545 360- 981545312.

Alumnado de Ciclos, 4º ESO e Bacharelato da materia de Economía asisten a unha charla sobre Emprendemento

Mar, 04/02/2020 - 12:36 — IES de Valga

O mércores 22 de xaneiro e na Aula de Audiovisuais, alumnado de 2º Ciclo Medio de Soldadura e Calderaría, 2º Ciclo Superior de Construcións Metálicas, 4º de ESO e 1º e 2º de Bacharelato da materia de Economía, asisitiron á charla "Emprendemento e visibilidade na Internet. Da marca ás redes sociais." Esta interesante charla enmarcarse dentro do programa "A Ponte" e foi impartida polo profesor da área de Comunicación Audiovisual e Publicidade da Facultade de Ciencias da Comunicación da USC, José Sixto García, o cal contou, nunha amena e didáctica conferencia, a importancia da visibilidade da marca na internet. A actividade foi organizada polo departamento de FOL coa colaboración do departamento de Economía.