Skip to Content

Intercambio cultural con alumnado do IES Eduardo Pondal de Santiago de Compostela

Intercambio cultural co IES Eduardo Pondal de Santiago

Hoxe recibimos a visita dun grupo de alumnos e alumnas de 1º de Bacharelato do IES Eduardo Pondal, que acudiron  ao noso centro acompañados de dúas profesoras, para participar dun encontro co noso alumnado de 1º Bacharelato. Esta actividade forma parte dun proxecto que estamos desenvolvendo ao longo  deste curso os Equipos de Dinamización da Lingua Galega de ambos os dous centros e que ten como finalidadeo achegamento de dous centros con realidades sociais, culturais e lingüísticas diferentes: no caso do IES de Valga, rural e galegofalante; urbano e castelanfalante, no caso do IES Eduardo Pondal.
Nesta segunda fase do proxecto (a primeira consistiu nun intercambio de cartas entre o alumnado) realizamos conxuntamente unha actividade cultural e curricular que consistiu nunha visita á Casa Museo de Rosalía de Castro onde ademais de achegarnos á súa vida e obra tivemos a oportunidade de asistir a unha charla sobre esta autora impartida por un dos mellores coñecedores da súa figura , o profesor Anxo Angueira que é ademais o presidente do Patronato Rosalía de Castro. Unha vez no IES ensínamoslles aos nosos convidados as instalacións do centro. No taller de Soldadura  tiveron oportunidade de experimentar actividades coas que non están familiarizados ,  e no laboratorio de Física e Química o alumnado de Química fíxeronlles uns divertidos experimentos.
Foi unha estupenda xornada de convivencia que esperamos repetir no 3º trimestre cando lles devolvamos a visita.

  Intercambio cultural co IES Eduardo Pondal de Santiago 



page | by Dr. Radut