Mobilidades PicassoMob
PicassoMob é un programa de intercambio recíproco entre alumnado galego e francés promovido pola Consellería de Educación e financiado pola Unión Europea a través do programa Erasmus+.
O obxectivo do programa é mellorar as competencias en linguas estranxeiras, a inmersión noutro sistema educativo e noutra cultura, ofrecer unha experiencia de aprendizaxe máis autónoma e responsable, e en definitiva, contribuir á mellora educativa do centro a través da apertura a Europa.
Os alumnos seleccionados viaxarán a Francia durante catro semanas, serán acollidos na familia do seu correspondente francés, e asistirán a clases nun centro educativo da rexión de Borgoña/Franco Condado. En contrapartida, os alumnos correspondentes franceses viaxarán ao seu tempo a Galicia, sendo acollidos na familia do alumnado galego, e asistirán as clases do IES de Rodeira durante catro semanas.
Quén pode acceder ao programa?
O Programa PicassoMob está dirixido a alumnado de 1o de bacharelato/Première que curse francés como lingua estranxeira e que teña estudado francés durante a ESO ou teña un nivel B1 desta lingua.
Requisitos:
• Estar matriculado en 1o de Bacharelato no ano académico 2023/2024 e cursar Francés Primeira ou Segunda Lingua Estranxeira.
• Ter superadas todas as materias de 4o ESO e cunha nota media mínima de 7 no
expediente da ESO.
• Ter unha nota mínima de 7 na materia de Francés en 4o de ESO e ter cursado Francés lingua estranxeira alomenos durante catro cursos ao longo da súa escolaridade e/ou estar en posesión dunha certificación B1 en lingua francesa.
• Documentación en vigor (DNI, NIE oi pasaporte), tarxeta sanitaria europea (TSE) ou un seguro de saúde con cobertura en Francia.
• Autorización familiar e declaración asinada de permiso de viaxe fóra do territorio nacional.
• Contar cos informes favorables do titor, profesor de lingua estranxeira e dirección.
• Aceptar expresamente os acordos, compromisos e condicións de participación segundo as bases desta convocatoria.
Solicita información ás túas profesoras do Departamento de Francés para facilitarche os formularios!
Máis info neste documento
