Skip to Content

Novas

Fondo solidario de libros de texto (ESO) - Listaxe provisional

Listaxes definitivas do fondo solidario de libros de texto para o curso 2017/2018:

 Solicitudes admitidas

Solicitudes excluídas

 

 

+ Información sobre libros de texto:

http://www.edu.xunta.gal/centros/iesdemugardos/?q=node/1566

 

EXAMES DE SETEMBRO

 

 

Libros de texto, 2017-2018

RELACIÓN DE LIBROS DE TEXTO E MATERIAL DIDÁCTICO PARA O CURSO 2107-2018
1.º ESO  

 IMPORTANTE: Non comprar ningún libro de 1.º e 2.º. ESO

Estes grupos incorporaranse ao programa Educación Dixital (E-DIXGAL)
+Información

 

2.º ESO
3.º ESO

 

 

4.º ESO
 
1.º BAC
2.º BAC

Ampliación da oferta educativa: CICLO DE FP BÁSICA

O Diario Oficial de Galicia publica no día de hoxe a ORDE do 14 de xuño de 2017 pola que se actualiza a oferta de formación profesional do sistema educativo, polo réxime ordinario, en centros públicos da Comunidade Autónoma de Galicia para o curso académico 2017/18 na que se recolle a ampliación da oferta educativa do IES de Mugardos coa autorización para impartir un ciclo formatito de Formación Profesional Básica de "Agroxardinaría e composicións florais" en réxime de estudos presenciais.

Desde a dirección do centro queremos manifestar o noso recoñecemento á Consellería de Educación pola aprobación desta demanda do noso Consello Escolar. Asemade, de xeito especial, agradecemos o apoio constante e colaboración imprescindible do Concello de Mugardos e Grupos Municipais para a tramitación e consecución deste proxecto.

Agroxardinaría e composicións florais

Que se aprende a facer?
Elaborar composicións con flores e plantas e realizar operacións auxiliares en cultivos, en produción de planta en invernadoiros ou en centros de xardinaría, colaborando na preparación do terreo e na implantación e o mantemento de xardíns, parques e zonas verdes, operando coa calidade indicada, cumprindo as normas de prevención de riscos laborais e protección ambiental correspondentes, e comunicándose oralmente e por escrito en linguas galega e castelá, así como nalgunha lingua estranxeira.

En que ámbitos se traballa?
Traballos auxiliares na elaboración de composicións con flores e plantas en empresas dedicadas á ornamentación floral e/ou decoración de espazos e eventos. Tamén desenvolven a súa actividade profesional na área de produción e/ou na área de ambiente en grandes, medianas e pequenas empresas, tanto públicas como privadas, dedicadas ao cultivo agrícola, á produción de plantas e á instalación e o mantemento de xardíns e zonas verdes.

Están, ademais, capacitadas para realizar tratamentos praguicidas de nivel básico, segundo a actividade regulada pola normativa correspondente.

Que ocupacións desempeñan?
Peón agrícola; peón agropecuario; peón en horticultura; peón en fruticultura; peón en cultivos herbáceos; peón en cultivos de flor cortada; peón de xardinaría; peón de viveiro; peón de centros de xardinaría; peón de campos deportivos; peón de floraría; auxiliar de floraría; auxiliar de almacén de flores.

 

Máis información

Aviso sobre a folga de transporte do 20 e 21 de xuño

Mañá está convocada unha folga xeral de carácter indefinido para os martes e mércores de cada semana no sector do transporte de viaxeiros por estrada. Esta folga ten incidencia no sector educativo os días 20 e 21 da semana en curso.Os servizos mínimos que foron aprobados a última hora do pasado venres e hoxe foron publicados no diario oficial de Galicia quedan así:

Servizos regulares de uso especial para transporte de escolares:

Manteranse como esenciais os servizos de entrada aos centros desde ás 7.30 ata as 10.30 horas e os de saída desde das 13.30 ás 19.00 horas nos itinerarios de transporte escolar de estudantes de niveis de ensino obrigatorio, cuxa lonxitude total sexa superior a 4 km.

Espérase, polo tanto, o funcionamento dos servizos mínimos nos dous itinerarios do transporte escolar polo concello de Mugardos.

Polo contrario, non está garantido o funcionamento do autobús de Ares.

De non realizarse algún dos servicios de transporte escolar, poderá comunicar a incidencia á dirección do centro no teléfono 881 93 82 00.

Máis información:
   Portal da Consellería: http://www.edu.xunta.gal/portal/node/22526

Club de lectura (adultos). Visita á casa-museo de Wenceslao Fernández Flórez

    

O club de lectura de adultos, formado por nais de alumnos, profesores e persoal non docente, realizou a última sesión na Casa-Museo de Wenceslao Fernández Flórez. A visita non sería o mesmo sen a recepción de Alicia, a anfitrioa da casa, que nos recibiu e acompañou cunha magnífica exposición sobre o escritor e a súa obra. Á sombra da "fraga-xardín" de vila Florentina en Cecebre (Cambre), a conversa amena e distentida xirou arredor da obra El bosque animado.

O club retomará as súas actividades o próximo outono coa obra Volvoreta, agasallo da Fundación WFF. Grazás!!!

Graduación 2.º Bacharelato, promoción 2015-2017

 Este martes, 23 de maio, celebramos a tradicional graduación de 2.º bacharelato correspondente á promoción 2015-2017. O propio alumnado organizou e amenizou o acto con visionado das imaxes do seu paso polo centro e excursións realizadas. Contou coa intervención das profesores titoras Chelo Gundín e Verónica P. Rouco que ademais encargáronse de entregar os boletíns académicos. 

Finalmente, salientamos a mención das dúas matrículas de honor aos alumnos Pablo Javier Rañales e Alba Brage nas modalidades de bacharelato de humanidades e ciencias, respectivamente.

Moita sorte, bachareis. Parabéns!!!

Distribuir contido


by Dr. Radut