Teléfono
 
881 938200

Correo electrónico
 
ies.mugardos@edu.xunta.gal

Enderezo
 
Rúa do Cristo s/n

  15620 Mugardos (A Coruña)

 

                  

PLATAFORMAS E AULAS VIRTUAIS
        EDIXGAL MOODLE ABALAR  
           
  RADIO  REDES   VIDEOCONFERENCIA 
 

   

        

Novas

Punto de recollida de alimentos non perecedeiros

Durante este mes de maio permanecerá instalado no corredor do instituto un punto de recollida de alimentos non perecedeiros para colaborar coa campaña de Cáritas. Todas as doazóns serán destinadas ás familias en emerxencia social do concello de Mugardos.

Agradecemento polo resultado do III Rastro Solidario

O IES de Mugardos quere facer público o seu agradecento a todas as persoas que dun ou doutro xeito colaboraron no III Rastro Solidario.  Ás familias que doaron materiais, ao alumnado que atendeu o comercio, ao profesorado e persoal non docente e, en xeral a todos os veciños de Mugardos que se sumaron á iniciativa coas súas visitas, doazóns, compras e palabras de ánimo, moitas grazas! En especial, agradecemos ao Concello a cesión desinterada do local da Palmeira onde esperamos repetir a experiencia o vindeiro ano. 

Sen a participación de todos non sería posible acadar o éxito que tivo a edición deste ano que supón a súa consolidación na programación do centro grazas ao impulso e boa organización de Leticia. Consideramos plenamente cumpridos os obxectivos educativos e satisfeitos polo resultado económico. Nos catro días que estivo aberto o rastro, triplicouse a cantidade do ano pasado. Recadáronse 1092 euros que xa foron enviados integramente á construción da escola en Oldonyo Sambu (Tanzania). 

gif generatorFotos na Galería

Despedida de Aida

   Grazas, Aida, por todos estes anos de xenerosa dedicación ao ensino. Para toda a comunidade educativa do IES Mugardos foi un inmenso pracer aprender de ti e traballar contigo. Desexamos que a xubilación che traia unha nova xeira de xúbilo en compaña da túa familia.

    

    Saúde e xúbilo, mestra.

   

    Fotos na Galería

In memoriam Alberto Cintio

   Este martes recibimos a triste nova do falecemento de don Alberto Cintio. Grazas á sabedoría e xenerosidade deste sacerdote italiano, matemático e grande experto en astronomía, debemos o reloxio de sol da fachada oriental do noso instituto e, asemade, outros nas igrexas de Mugardos e Ares. 
   Na súa lembraza deixamos aquí as imaxes das varias visitas con que nos honrou. Padre Cintio, requiescat in pace. 

Preme na imaxe para avanzar

Exposición sobre os irmáns Suárez Picallo

Ata o día 11 de abril, no local de mariores de Mugardos, pode visitarse esta exposición dedicada á figura destacada do galeguismo Ramón Suárez Picallo, deputado nas Cortes da República, impulsor do Estatuto de Autonomía, xornalista e reputado orador xunto co seu irmán Antón,  represaliado e asasinado en 1936. 
(Máis información; http://www.blogoteca.com/acsuarezpicallo/)

Entroido, 2012

Gran entroidada inaugural
do Ano Olímpico

Concurso de Repostería:

1º. Premio: 1ºESO-B                          Galería de imaxes
2º. Premio: 3ºESO-B 

 

Concursos do Concello de Mugardos

O Concello de Mugardos anuncia os concursos artísticos que se fallarán nos próximos meses. A maioría deles está aberto aos menores de 18 anos. Consulta as bases:

application/msword icon V Concurso de Poesía Concello de Mugardos - Día da Poesía (21 de marzo)

application/msword iconXV Concurso de carteis da Festa do Polbo

application/msword icon XXII Concurso de Pintura Bello Piñeiro e Piñeiro Pose

application/msword iconX Certame de relato curto en galego

Recollida de tapóns solidarios

 O Concello de Mugardos en colaboración con AS.PA.NE.MI (Asociación de Pais de Nenos con Minusvalía) convida a toda a comunidade educativa do IES Mugardos a colaborar na campaña de recollida solidaria de tapóns de plástico para axudar a Sonia, unha nena ferrolá de dez anos que padece Ataxia Telangiectasia.

Máis información.

  A cafetería do IES de Mugardos tamén colabora na recollida de tapóns solidarios.

Vía Deportiva. Didáctica para pais

Educación en valores a través do baloncesto

Charla-coloquio dirigida a pais e técnicos impartida por FERNANDO ROMAY e JOSÉ MANUEL BEIRÁN

 

  • DÍA: Venres, 17 de febreiro
  • HORA: De 20:00 a 21:30 horas
  • LUGAR: Santiago de Compostela. No Hotel NH Obradoiro

Confirmación de asistencia en didacticaparapadres@feb.es

Máis información en
www.fundacion-feg.org 

Homenaxe a Amada García

A Asociación Memoria Histórica Democrática organiza este venres unha homenaxe á figura da mugardesa Amada García en lembraza de todas as mulleres represaliadas durante a Guerra Civil. O acto terá lugar no Castelo de San Filipe, o 27 de xaneiro, ás 17:00 horas.

Máis información

Currículo 4º ESO

4º ESO 

No impreso da matrícula deben facerse constar as seguintes opcións: 

***Cultura Clásica e Taller de Inciciativas Empresariais, só cando xa se cursou en 3º ESO  

MATERIAS Horas
semanais
  • Matemáticas A
  • Matemáticas B 
 3
Lingua Galega e Lit.  3
Lingua Castelá e Lit.  3
Inglés  3
Ciencias Sociais  3
Educación Física  2
OPTATIVAS
  • Tecnoloxías
  • Latín 
 3
  • Física e Química
  • Música
 3
  • Bioloxía
  • Educación Plástica 
2
  • 2ª Lingua - Francés
  • Informática
  • Cultura Clásica 
  • Taller de Inic. Emprendedoras 
2
Relixión Católica ou
Alternativa á relixión
2
Titoría 1
 

CANTIGUEANDO POLO NADAL

 

CANTIGUEANDO POLO NADAL. CONCURSO DE CANCIÓNS POPULARES E PANXOLIÑAS

Animádevos a participar!

 

Bases do concurso:

Participarase por grupos. Cada aula debe escoller unha canción popular ou unha panxoliña en galego. Se non coñecedes ningunha, no arquivo que se achega podedes ver unha pequena selección de cancións. As panxoliñas podedes buscalas en internet nos seguintes enlaces: http://www.mundogaliza.com/todomusica/index.php/2008/10/23/panxolinas-en-youtube/ e http://vello.vieiros.com/nadal2001/panxolinhas.html 

Debe participar toda a clase.

A elección da canción ou panxoliña, unha vez realizada na clase,  comunicarase ó Equipo de Dinamización Lingüística, a través do delegado, nunha reunión que terá lugar o venres 9 de decembro durante o primeiro recreo no salón de actos.

Cada canción das propostas leva un enlace para poder escoitalas, por se non coñecedes a música, pero poden interpretarse dese xeito ou facer unha versión, por exemplo rapeada.

O concurso terá lugar no salón de actos, o día 21 de decembro ó final da mañá.

A aula que non participe deberá asistir á clase da materia correspondente.

Equipo de Dinamización Lingüística

Programa para a mellora do éxito escolar

O PROGRAMA DE MELLORA DO ÉXITO ESCOLAR do IES Mugardos está dirixido aos rapaces e rapazas de 2º e 3º de ESO e ten os seguintes obxectivos: 

  • Estimulalo e apoiar o seu gusto por aprender e as súas actitudes positivas.
  • Contribuír a desenvolver ao máximo as súas capacidades. 
  • Ampliar a súa formación con temas interesantes, motivadores e que non formen parte do currículo escolar.
  • Acrecentar e consolidar o seu afán de curiosidade e o coñecemento e posta en práctica de distintos métodos, técnicas e procedementos de traballo intelectuais.
  • Aumentar a súa implicación nas actividades do centro.
  • Mellorar o seu rendemento escolar.

O programa consiste esencialmente no desenvolvemento de obradoiros e actividades formativas que se impartirán as tardes dos luns lectivos dende xaneiro de 2012 ata xuño do mesmo ano en horario de 16:15 a 18:00. 

Estas actividades ou obradoiros serán impartidos por un equipo formado por doce profesores e profesoras do centro, organizados de xeito que como mínimo dous serán os encargados de realizar conxuntamente a actividade. 

Folleto informativo (inclúe o calendario de actividades e o equipo de profesores/as) 

how to make an avatar

Clases sen fume (2º ESO)

CLASES SEN FUME é un concurso europeo para mozos e mozas da túa idade (12-14 anos).

Ten como fin evitar que comeces a fumar ou ben, se xa o fixeches, que deixes o tabaco antes de que te enganche. Moitos rapaces empezan a fumar aos 11 anos e aos 14 xa son adictos.

Durante o concurso realizaredes unha serie de actividades que aumentarán os vosos coñecementos sobre o tema do tabaquismo ao tempo que vos divertides e podedes gañar grandes premios.

¿Que tes que facer para participar?

Comprometerte, xunto cos teus compañeiros da clase, a non fumar durante polo menos 6 meses, dende o 15 de novembro ata abril, incluíndo as fins de semana e as vacacións. 

Axudarvos entre vós cando alguén teña tentacións de abandonar. Lémbrade que é un pacto entre todos e que se un falla, fallades todos. Se ocorre isto, intentade resolver a situación, coa axuda do voso titor ou titora.

Realizar as actividades de prevención do tabaquismo que che propoñemos.

¿Que podes  gañar?

Saúde Non fumar é a mellor decisión que podes tomar. 

Autoestima Ti es máis forte ca o tabaco e decides o que queres facer. Non deixes que ninguén nin nada decidan por ti. 

Grandes premios 

Estadías nun albergue con programa multi-aventura, MP4, entradas ao “Aquapark”... 

Diploma e premio sorpresa para todos os participantes no concurso.

Comunícalles aos teus pais a túa decisión e anima a túa familia a participar contigo no concurso “FOGARES SEN FUME” que comeza en xaneiro.

Máis información en

http://www.galiciasaude.es/clasessenfume

http://www.sergas.es/clasessenfume

Informe "Adolescentes e Internet en Galicia" do Valedor do Pobo

O Valedor do Pobo de Galicia deu a coñecer recentemente os resultados do traballo de investigación e análise sobre as actitudes, crenzas, habilidades e uso de internet por parte da mocidade galega. O informe, que se pode descargar da rede, achega todos os datos estatísticos e unhas valiosas conclusións que deberían ser coñecidas e reflexionadas por toda a comunidade educativa.

I Magosto Solidario en Ares (5 de novembro)

O sábado, 5 de novembro, na Praza da Constitución de Ares, terá lugar o I MAGOSTO SOLIDARIO. A intención é recadar fondos cunha finalidade solidaria. A organización, coa colaboración do Concello de Ares, pide a participación de todos aquelas persoas que queiran botar unha man.

Podes atopar máis información na páxina de facebook: 
https://www.facebook.com/event.php?eid=187195438023982

Limites educativos

                   ALGÚNS PRINCIPIOS BÁSICOS PARA EDUCAR BEN

 

1.    NÓS somos os Profesores/as /educadores/as  o Centro Educativo só complementa

2.    EDUCAR BEN é ensinar a : coñecer as propias posibilidades, desexar crecer, aceptar as nosas limitacións e as nosas virtudes de forma sá, é ensinar a vivir.

3.    Educar ben é  ENSINAR A ADAPTARSE A TODAS AS SITUACIÓNS: BOAS E MALAS.

4.    Educar NON É PROPORCIONAR EXPERIENCIAS BOAS E AILLARSE DAS MALAS . É AXUDARLLE /S A APRENDER DELAS.

5.    Para educar ben NON EXISTEN RECETAS, se aprende de experiencias concretas e logo se xeneraliza

6.    Educar é unha TOMA DE DECISIÓNS CONSTANTE

7.    As nósas decisións están moi influidas por CÓMO FOMOS EDUCADOS

8.    Ser conscentes disto axuda a educar  mais sensatamente

9.    Educar ben a un fillo/a NON É COMPENSARLLE POLO QUE NÓS NON RECIBIMOS NA NOSA NIÑEZ .”Os rapaces/rapazas non nacen coas nosas carencias nin necesidades, non debemos crealas.

10.                       Debo ser conscente do QUE ME TRANSMITIRON CANDO ME EDUCARON.

11.                       Debo EDUCAR NO PRESENTE CON PERSPECTIVA DE FUTURO.

12.                       NON DEBO ANGUSTIARME.Senón podo, busco axuda

13.                       Para educar ben é necesario ter SENTIDO COMÚN

14.                       UNHA MALA ACTUACIÓN AGORA SE PAGA CON CRECES NO FUTURO

15.                       Moitas veces necesitaremos unha VISIÓN OBXETIVA DENDE FÓRA

16.                       Non dubides en pedir Orientación Educativa ainda que o problema pareza pequeño

17.                       NON EXISTEN OS SUPERPAIS/NAIS , todo o que te comente que a súa relación co seu fillo/a é perfecta, pode ser que necesite aparentar ou que non queira velos problemas

18.                       NADA É O MESMO para un fillo/a que para outro

19.                       Educar ben non é buscar as mesmas condicións para todos, senón é DAR A CADA FILLO/A O QUE NECESITA. Facelo así non é ser inxusto, axuda ós fillos/as a crecer aceptando a individualidade de cada ún.

20.                       Educando, VOU A COMETER ERROS

21.                       NON HAI ERRO QUE NON SE ENMENDE

22.                       Podo rectificar SIN PERDER A AUTORIDADE

23.                       Non importa o que aconteceu no pasado. SI HAI PROBLEMAS HAI QUE “COLLER O TORO POLOS CORNOS”.

24.                       POSITIVIDADE. Dille ao teu fillo/a o que che gusta e pon un límite ao que non che gusta

25.                       Un rapaz /a é unha antena parabólica constante. ENTERASE DE TODO. O IMITA TODO. O rapaz/a APRENDE MAIS DO QUE VE QUE DO QUE DECIMOS.

26.                       O  maior desexo do rapaz/ a é CONTROLAR O ENTORNO

27.                       No entorno tamén estamos NÓS. Controlar as nosas reaccións lle fascinará, incluso ainda que sexa a costa de  enfadarnos con él  (“mamá sempre se pón  bermella cando fago isto…….)

28.                       O rapaz/a necesita LIBERDADE CONDUCIDA

29.                       Senón poñemos limites á súa conduta, o fará él

30.                       NUNCA DEBO MENTIRLLE . Si o enfrento a aquelas cousas que non lle gustan pero que debe aceptar, lle preparo para asumir a realidade.

31.                       SI LLE MINTO FAREINO UN INMADURO ( necesitará que lle disfracemos as cousas para aceptalas ) E UN INSEGURO ( senón podo fiarme dos meus pais ¿ De quén me podo fiar?

32.                        Debo explicarle as cousas ( case sempre) e de forma breve

33.                       Ás veces os  rapaces / zas necesitan un “ PORQUE O DIGO EU”

34.                       Levantar castigos ou encubrir os erros só é SOBREPROTECCIÓN. As persoas só aprendemos dos nosos erros si vivimos as consecuencias dos mesmos. CREAREMOS RAPACES /RAPAZAS INMADUROS INCAPACES DE ENFRENTARSE Á FRUSTRACIÓN.

35.                       O MAIOR DESEXO dun rapaz/rapaza é que seus pais ESTÉN PENDENTES DEL.

36.                       A atención que lle prestamos é a nosa mellor arma. QUÉN SABE CÓMO E CÁNDO PRESTAR ATENCIÓN AO SEU FILLO/A SABE EDUCAR.

 

Todos estes principios podemos resumilos no seguinte pensamento :

Na nosa  actuación como Profesores/as e Educadores/as debe traslucirse o   seguinte mensaxe:

·       SÉ QUE PODES

·       POR ISO TE ENSINO E TE ESIXO

·       E COMO SEI QUE TE COSTA ESFORZO, O RECOÑEZO

 

Todas, todos: non deixedes de ver este vídeo

Enquisa sobre a HORA DE LER (2011-2012)

Loading...

Xustificante de faltas de asistencia

Xustificante de faltas de asistencia para cubrir os pais, nais ou titores legais dos alumnos/as e entregar ao titor/a.
Tamén figura como documento adxunto que se pode abrir e imprimir.

Impreso: Xustificantes de faltas

Visto na prensa

 FIRMAN UN 'CONTRATO'

Padres se comprometen con un instituto a revisar los deberes de sus hijos

 VILLENA (ALICANTE), 19 Sep. (EUROPA PRESS) - 

   Los padres de los alumnos de un instituto de Villena (Alicante) han firmado un 'contrato' muy particular con el centro por el que se comprometen, por escrito, a una serie de cuestiones encaminadas a mejorar el rendimiento escolar y la relación con los hijos, como revisar diariamente sus tareas escolares, establecer un horario de estudio, acudir a las reuniones del centro o fomentar el respeto al profesor.

   Se trata de un decálogo que figura en el sobre de matrícula y que han firmado todos los padres de los casi 900 alumnos del Instituto Antonio Navarro Santafé para "intentar evitar el fracaso escolar" y "potenciar la responsabilidad" de los menores, así como "conseguir el respeto al profesorado", según explicó a Europa Press Televisión el presidente del AMPA, Juan Martínez.

LER NOTICIA COMPLETA EN EUROPAPRESS

Vídeo en DIARIOSUR

Presentación para nais e pais (martes, 20 de setembro ás 18:00 horas)

20/09/2011 18:00
20/09/2011 20:00
Etc/GMT+1

 

PAIS E NAIS
(Titores legais de alumnos matriculados)

Presentación
do curso 2011-2012

Martes, 20 de setembro
18:00 horas

 

Alerta Escolar

A Consellería de Educación e Ordenación Universitaria puxo en marcha desde o curso 2007-08, o programa de Alerta Escolar en colaboración coa Fundación 061, que ten como obxectivo a atención inmediata e eficiente do alumnado que presente unha patoloxía crónica e pode desenvolver en calquera momento unha crise.

Este programa posibilitará a súa asistencia e que o profesorado teña cobertura de persoal médico que conte con coñecementos dos nenos e nenas con esta problemática.

Autorización - Sección bilingüe

En consonancia coas consideracións da Comisión Europea, o I.E.S. MUGARDOS quere dar un impulso na utilización das linguas extranxeiras por parte dos seus alumnos/as, polo que o Departamento de Educación Física xunto có do inglés, participa dende o curso 2009/2010 nas chamadas seccións bilingües.

Coa finalidade de garantizar a calidade deste proxecto, coménzase no primeiro curso da ESO con 15 alumnas/os, é a incorporación da lingua extranxeira faise progresivamente, incrementando a súa presenza ao longo da ensinanza secundaria.

Ao remate de cada curso, o alumnado que sexa cualificado positivamente nesta materia, recibirá unha credencial oficial expedida polo centro, conforme participou nunca sección bilingüe, que se fará constar no seu libro de escolaridade e no seu expediente académico.

Se quere que a súa filla/o participe nesta sección bilingüe ten que cubrir unha autorización e entregala xunto coa matrícula no Instituto.

No caso de que houbese máis solicitudes que prazas, atenderase o expediente académico.

 

 

AUTORIZACIÓN - SECCIÓN BILINGÜE________________________________________________________________________

D./Dona. .....................................................................................................................

Nai/pai/titor/a de ........................................................................................................

Desexo que o meu fillo/a participe na sección bilingüe de inglés na área de Educación Física.

En Mugardos, a de de 20

 

 

Asdo: __________________________

 

 

Proxecto Abalar - Espazo Familias

Portal Espazo Familias
Este espazo do Proxecto Abalar proporcionaralles aos titores legais os seguintes servizos:

  • Consulta de matrícula
  • Consulta dos profesores/as
  • Consulta das cualificacións
  • Xustificante de faltas de asistencia
  • Consulta e modificación de datos familiares
  • Información e comunicación co centro

Para acceder ao Portal do Espazo Abalar é necesario estar autenticado:

Por DNI Electrónico

Por Certificado Dixital FNMT

En caso de dúbidas, son moi útiles os seguintes  Vídeos explicativos.

Distribuir contido