Skip to Content

Animación á lectura

Abrapalabra (N.º 7)

Consulta todas as lecturas avaliables dos departamentos de lingua para o curso 2014-2015 

Abrapalabra (n.º 7) - Especial familias

(Números anteriores)

Visita do club de lectura a Pontevedra (27 de marzo)

O club de lectura "A boca do lobo" realizou este xoves, 27 de marzo, a súa visita anual a unha localidade galega para mercar libros. Nesta ocasión a elixida foi a boa vila de Pontevedra cadrando coa celebración do Salón do Libro Infantil e Xuvenil. Alí recibiunos a mascota Orbil e percorremos as instalacións. Logo tivemos a oportunidade de realizar o roteiro guiado pola cidade vella e co noso guía Roberto descubrir as pegadas do burgo medieval. Despois das compra na Libraría Paz e Cronopios e do xantar, aínda tivemos tempo para ver varias salas do Museo Provincial.

 

Imaxes na Galería

Comezo da HORA DE LER

Galería

Comezou a HORA DE LER.
Non esquezas o teu libro.

Operación bolboreta monarca

Continúa na entrada do instituto a exposición sobre as bolboreta monarca. Lembra o pequeno premio que podes conseguir grazas a elas.

Actividades dos Clubs de Lectura

A semana pasada, os Clubs de Lectura da ESO realizaron dúas actividades. 

O luns, no Club de Lectura de 1.º e 2.º ESO, descubrimos que desde Ares estanse a deseñar moitas das portadas actuais dos libros da colección Fóra de Xogo (editorial Xerais). Ou traballos gráficos para grupos de rock en Noruega e Inglaterra. Todo da man e sensibilidade artística de Antonio SeijasContounos algúns segredos do seu traballo como a importancia da comprensión lectora para poder ilustrar; e deixounos algunhas dedicatorias baseadas na novela Cartas de Inverno que el adaptou magnificamente en banda deseñada. Grazas, Antonio.

O martes, xunto cun grupo do IES Fraga do Eume (Pontedeume), o Club de Lectura de 3.º e 4º ESO visitou o Museo Provincial de Lugo onde realizou unha interesante actividade de busca de información polas salas do museo. Logo realizamos compras na Libraría Trama.

Fotos na Galería

Irmandade coa biblioteca do IES As Fragas do Eume (Club de lectura)

Esta mañá o Club de Lectura participou en Pontedeume no acto de confraternización entre o Club de Lectura e a biblioteca do IES Fraga do Eume dentro dos actos de conmemoración do 25º aniversario de ambos os centros. A visita comezou cunha confencia de Carlos de Castro Álvarez, autor da novela La casa de la linterna. A continuación visitamos os lugares polos que transcorre a obra lida e comentada para a ocasión polo alumnado asistente. A mañá rematou cun magnífico xantar ofrecido na Escola de Hostelería.

Fotos na Galería

Distribuir contido


by Dr. Radut