Skip to Content

Día da Palabra (23 de novembro)

O alumnado de 1.º ESO uniuse o 23 de novembro á celebración do Día Internacional da Palabra. Trátase dunha iniciativa da Fundación César Egido para concienciar a toda a sociedade da necesidade do diálogo como ferramenta fundamental para a erradicación de toda violencia.

A nosa actividade, deseñada pola Biblioteca, centrouse na cita clásica Verba volant, scripta manent.

Verba volant,
As palabras lévaas o aire,

scripta manent
a escrita permanece

Morsas, noites brancas e non regalar nunca flores en números pares

O martes tivemos unha segunda visita para coñecer testemuños de primeira man doutros rincóns do Planeta Azul. Hoxe, Natalia fíxonos o favor de falarnos da súa Rusia natal. Expliucounos a súa extensión, falou do frío de Verkhoyansk (con fotos da colada, das casas conxeladas, de coches enterrados e detalles escalofriantes como quentar o depósito de gasolina do coche con lume) coa imposibilidade de parar moito o coche. Escoitamos que son as morsas (bañistas na auga xeada), aprendemos rudimentos de cirílico e os seus "false friends", descubrimos os problemas rusos coa calefacción, a importancia de levar zapatillas cando te invitan a unha casa, de levar ramos con flores impares ás mulleres e pares ós cemiterios, do Ermitage, das noites brancas e o seu encanto (cun vídeo co día en plena noite), vimos tres billetes de rublos, etc. O 3º bilingüe portouse moi ben, estivo moi interesado e tomou moitas notas.

create an animated gif

Alumnado do IES Mugardos presente no XXV Congreso de ENCIGA

Entre os días 22, 23 e 24 de novembro celebrarase en Santiago de Compostela o XXV Congreso de ENCIGA (Asociación de Ensinantes de CIencia de GAlicia) que reunirá no IES Arzebispo Xelmirez I a profesorado de Matemáticas, Bioloxía, Xeoloxía, Física, Química e Tecnoloxía de ensinanza primaria, secundaria e universitaria de toda Galicia. 

O IES Mugardos estará presente neste evento dun xeito moi especial xa que serán rapaces e rapazas do centro, acompañados da profesora de matemáticas, Covadonga Rodríguez-Moldes, quenes presenten ao profesorado asistente ao congreso traballos que resultaron premiados no II Concurso Incubadora de Sondaxes e Experimentos. As comunicacións levan os títulos "Investigación de tamaños na ameixa babosa con alumnado de 3º de ESO" que  será exposta o xoves 22 ás 18:30)  e "O rectángulo de moda fala galego: O Rei Tángulo"  que terá lugar o venres 23 ás 16:30. Desexámollles moita sorte e que fagan un bo traballo.

Programa

 

Visita oficial

Esta semana comezou coa visita oficial do Xefe Territorial da Consellería de Educación na Coruña, don Indalecio Cabana, e mais o Xefe do Servizo da Unidade Técnica, don Adolfo Villaverde. Acompañados do alcade de Mugardos, don Xosé F. Barcia, percorreron a primeira hora do luns o insitituto e foron informados pola directora das necesidades de mantemento das instalacións. Neste sentido tomáronse uns pequenos compromisos de mellora para realizar nos próximos meses e que agradecemos como unha celebración máis do 25.ª aniversario.

Entrega de premios do "Concurso de Cabazas"

O "Concurso de cabazas", convocado pola Biblioteca e o EDL, entregou o pasado venres os agasallos correspondentes ao primeiro premio. Velaquí están:

Fotos na Galería

   

A Santa Compaña na biblioteca

SAMAÍN - HALLOWEEN - DIFUNTOS


 

Premios do "Concurso de cabazas, 2012"

Os membros do xurado decidiron outorgar varios premios, pois dada a calidade dos traballos realizados era case imposible decidirse por un ou dous.

1.º PREMIO
Dous vales, un canxeable por un regalo sorpresa e un vale para a cafetería.

Lúa

A máis orixinal:

A lúa

AUTORES: Judith R. e Alberto P. (2.º ESO).

A máis divertida:

Pachi, a máis melona

AUTORA: Margarita F. (2º. ESO).

 

A máis creativa:

Zapatillas

AUTOR: Xurxo R. (2.º ESO).

Tívose en conta tamén o esforzo de transporte e baleirado.

 2.º PREMIO
Un vale para a cafetería.

A máis doce

A bruxa da cara torta

AUTOR: Christian R. (1.º ESO)

A máis comellona

Espantasementes 

AUTOR: David V. (1.º ESO)

A da dentadura perfecta

Devoradora 

AUTORA: Lidia G. (1.º ESO)

+ Fotos na Galería 

Mazás galegas

Algunhas variedades

 - Pero Mingán

 - Príncipe

 - Roxelia

 - De cera

 - Tabardilla

 - Reineta

 - Morena

Equipo de Dinamización Lingüística

Camiño de Santiago: Triacastela-Sarria por Samos

Fotos de Santiago

(23 de outubro de 2012)

como hacer un gif

Fotos na Galería

CONCURSO DE CABAZAS

 

CONCURSO DE CABAZAS

  1. Podedes participar todos os alumnos de 1º,  2º e 3º ESO.
  2. As cabazas depositaranse o luns 29 de outubro, antes do segundo recreo, no lugar que vos indiquen en conserxería.
  3. Cada cabaza debe ir acompañada dun “título” e xunto a ela un sobre pechado co mesmo título por fóra. Dentro do sobre, un papel co nome de quen a realizou (pode ser entre varios) e o curso.
  4. O luns 29, durante o segundo recreo, membros da Biblioteca e do Equipo de Dinamización Lingüística escollerán os gañadores/as.
  5. Terase en conta a orixinalidade e o traballo de cada peza.
  6. O premio serán unhas consumicións gratuítas (bocadillo e bebida) na cafetería do centro.
  7. Os gañadores daranse a coñecer na bilbioteca o mércores día 31, durante o segundo recreo. 

Organizan: Biblioteca e Equipo de Dinamización Lingüística.

Distribuir contido


by Dr. Radut