COVID 19 

   › Plan de adaptación

   › Plan de continxencia

   › Documentos                          

        PLATAFORMAS E AULAS VIRTUAIS
EDIXGAL MOODLE ABALAR  
          
REDES   VIDEOCONFERENCIA
     
Falemos

 

blogue deadmin

Día das Letras Galegas, 2020

 O 17 de maio celebramos o Día das Letras Galegas adicado, este ano tan especial, a Ricardo Carvalho Calero.

Ricardo Carvalho Calero (1910-1990) foi unha figura polémica ao longo dos anos. Por unha banda, por tratarse dun home trascendental na evolución da creación, a expresión literaria e a loita polo idioma, que logrou levar ao máis alto a historia da literatura galega. Por outra banda , polas reiteradas candidaturas na sede da Academia para ser homenaxeado o 17 de maio, que foron rexeitadas ao longo dos anos. 

O autor naceu e criouse  no barrio de Ferrol Vello, ata que se trasladou a Santiago de Compostela para estudar Dereito e Filosofía e Letras. Foi alí onde se adentrou tanto no galeguismo coma nos movementos culturais da época, como o Seminario de Estudos Galegos, e que o levou a exercer unha activa militancia nacionalista.
Carvalho Calero colaborou con numerosas publicacións, como A Nosa Terra, ademais de impulsar as súas primeras obras cultivando o xénero poético, primero en castelán e despois en lingua galega. Tras o golpe militar, o autor entrou  en combate como miliciano do bando constitucional e republicano, e posteriormente foi represaliado, condenado por separatista e recluído en Xaén. A pesar diso, a partir de 1941 puido saír do cárcere,  entregouse á ensinanza privada en Lugo e reencontrouse cos galeguistas que permaneceron en Galicia.
Era un home cunha gran capacidade de servizo á sociedade, que o levou a impulsar a creación dunha Gramática galega, fundamental para a textualización da cultura. Hai que destacar tamén, o seu carácter pioneiro nos estudos rosalianos, xa que  contribuiu a fundamentar a crenza do valor de Rosalía como unha figura clave nas nosas letras.
Cabe destacar a súa valiosa obra literaria, tanto como poeta como narrador, e valorar o seu papel na historia galega, levando unha vida moi coherente e de  entrega ao  país, e consagrándose como un intelectual honrado e honesto, que se converteu no principal inspirador do Reintegracionismo.

 

Para unirnos a esta celebración o equipo de Dinamización Lingüística e o equipo da Biblioteca do centro, contando coa colaboración dalgúns alumnos de 4º ESO e 1º de Bacharelato, tentamos dar vida a un dos seus poemas ("Ferrol, 1916") no seguinte vídeo. E para que todo quede pola zona ás palabras de Carvalho Calero poñémoslles a música de Pepito Arriola. José Rodríguez Carballeira, coñecido como Pepito Arriola, foi un neno prodixio, precoz intérprete e compositor que naceu en Betanzos o 14 de decembro de 1895. Os primeiros anos da súa vida pasounos en Ferrol e a principios de 1899 a súa nai levou a Pepito a Madrid, onde comezou unha fulgurante carreira como pianista, violinista e compositor. A peza que acompaña o vídeo, titulada "Habanera" foi composta en 1898 cando tan só tiña 3 anos.

Este ano tiñamos en proxecto representar dúas pequenas obras de Carvalho Calero: o grupo de Artes Escénicas de 4º ESO estaba a ensaiar "Ou auto  do  prisioneiro" e unha parte do grupo de Obradoiro de Teatro estaba a ensaiar "A  arbre". Como non foron posibles estas representacións lembramos "A farsa das  zocas" posta en escena hai 3 anos polo grupo de Obradoiro de Teatro de 1º de Bacharelato.

 

 

Blog: Lecturamos

Admisión de novo alumnado 2020/2021

O procedemento de admisión de novo alumnado para o vindeiro curso (non afecta ao alumnado que permanece no centro ou xa realizara reserva de centros adscritos) ficou interrompido desde o 13 de marzo. Agora retómase cos seguintes prazos e condicións.

SOLICITUDES

Prazo: do 11 ao 18 de maio, ambos os luns incluídos.

Procedemento

Opción 1: A través da aplicación en internet admisiónalumnado.  A aplicación permite crear unha solicitude que se pode imprimir para presentar no centro ou, se dispoñen de certificado dixital, continuar a tramitación electrónica.

Opción 2: Nas oficinas do IES de Mugardos, de 10:00 a 13:00 horas.

Documentación

    • Formulario de solicitude (Anexo II-galego  Anexo II- castelán). Asinado polos dous proxenitores, de ser o caso.
    • Copia do DNI da persoa solicitante e dos membros computables da unidade familiar, cando no formulario denegue a consulta.
    • Documento acreditativo do requisito de idade do/da alumno/a. Pode ser a copia do DNI; copia da folla do libro de Familia onde conste inscrito o/a alumno/a; calquera outro documento oficial que acredite a identidade. 
    • Documento acreditativo de estar en disposición de reunir os requisitos académicos esixidos en cada nivel educativo ou etapa. Pode ser o certificado de matrícula expedido polo centro onde estea cursando estudos a/o interesada/o; Boletín de cualificacións (do ano académico no que a/o interesada/o este a cursar no momento de presentar a solicitude); Outro documento que xustifique os requisitos académico.
    • Convenio regulador ou resolución xudicial de separación xudicial ou divorcio, se é o caso.
    • Xustificación de necesidades educativas especiais, se é o caso.

 

NOVOS PRAZOS

  • Presentación da documentación acreditativa dos criterios de baremo: ata o día 26 de maio de 2020.
  • Publicación das listaxes provisionais do alumnado admitido e non admitido: antes do 9 de xuño de 2020.
  • Poderanse formular reclamacións contra as listaxes provisionais no prazo de 3 días hábiles contados desde o seguinte ao da súa publicación.
  • Publicación das listaxes definitivas do alumnado admitido e non admitido: ata o 26 de xuño de 2020.
  • Formalización da matrícula en educación infantil e primaria: do 1 ao 10 xullo de 2020.
  • Formalización da matrícula ordinaria en educación secundaria obrigatoria e bacharelato: do 1 ao 10 xullo. Prazo extraordinario: do 1 ao 10 de setembro de 2020. 

 

 NOTA INFORMATIVA

O instituto abrirá as portas co persoal de administración e limpeza imprescindible para atender este proceso de admisión de alumnado. Para o resto de consultas ou trámites prégase avisar por teléfono ou correo electrónico.

Loito oficial polas vítimas do coronavirus (Maio, 2020)

Terceiro trimestre do curso académico 2019/2020

A Consellería vén de publicar o 27 de abril as Instrucións para o desenvolvemento do terceiro trimestre do curso académico 2019/2020. Recollense neste documento as directrices xerais e específicas por ensinanzas para os centros docentes, que neste momento estamos suxeitos ás recomendacións sanitarias.

En canto ao ámbito educativo estas son algunhas das principais instrucións:

CALENDARIO

  • As actividades lectivas rematarán o 19 de xuño. A partir desta data publicaranse as cualificacións finais da avaliación ordinaria de xuño. Lembramos que segue a exitir a convocatoria extraordinaria de setembro.
  • A avaliación ordinaria de 2.º bacharelato deberá realizarse antes do 9 de xuño. Publicaremos proximamente a data de entrega de notas, prazos de reclamacións e procedemento de matrícula na ABAU.

ADAPTACIÓN DAS ACTIVIDADES E PROGRAMACIÓNS

  • Adaptaremos o labor docente, as titorías e a orientación educativa á situación de crise sanitaria e suspensión das clases presenciais.
  • Cos medios telemáticos dispoñibles, desenvolveremos as actividades de recuperación, repaso, reforzo e ampliación das aprendizaxes anteriores que resulten necesarias.
  • Con estas actividades, o alumnado terá a oportunidade de superar ou subir a cualificación nas materias xa avaliadas nos dous primeiros trimestres do curso.
  • Adaptaremos as programacións didácticas de todas as materias e ámbitos, incluíndo o procedemento para o cálculo da cualificación final que se consignará na avaliación ordinaria. 
  • Este documento publicarase na páxina web do instituto a partir do 13 de maio e informarase, asemade, ao alumnado e ás súas familias.
  • Para a superación das materias pendentes tamén se realizarán actividades de seguimento e recuperación. De ser necesario, poderase convocar unha proba telemática ou realización de traballos. As datas e procedementos figurarán no documento anterior.

AVALIACIÓN 

  • A avaliación das actividades realizadas na fase non presencial só poderá ter valor positivo para a cualificación do alumnado.
  • A avaliación final considerá en conxunto as actividades de todo o curso. Realizarase sobre as aprendizaxes desenvolvidas nos dous primeiros trimestres e mais nas actividades de recuperación, repaso, reforzo e ampliación deste terceiro trimestre sempre e cando se beneficie ao alumnado. 
  • Os equipos docentes poderán adoptar as decisións colexiadas de promoción e titulación tanto na convocatoria ordinaria de xuño como na extraordinaria de setembro. A repetición considerarase unha medida de carácter excepcional que tamén se adoptará de maneira colexiada.
  • Emitiremos un informe final individual valorativo do traballo de cada alumno/a para ter sido en conta o vindeiro curso.

 

 

Agradecemento a Protección Civil de Mugardos e Ares

Desexamos agradecer publicamente ás agrupacións de voluntarios de Protección Civil de Mugardos e Ares
polo labor que están a desenvolver nestes momentos de alerta sanitaria.
Grazas a eles foi posibel entregar puntualmente material de traballo necesario aos fogares do noso alumnado. 

Correo do profesorado para a atención a pais e nais

Para o cumprimento da atención ás familias e a realización de consultas co profesorado, facilitamos a busca dos correos electrónicos do cadro docente. Asemade, infomamos do novo teléfono móbil do IES de Mugardos.

 

CADRO DOCENTE   


PREMA SOBRE A IMAXE

 

#O23euLibro

Habemos de ir a Sevilla (viaxe fin de curso 4.ºESO)

Hoxe estaba previsto o comezo da viaxe de fin de curso de 4.º ESO. Con traballo de venda de rifas e produtos no instituto; co esforzo económico familiar; co apoio do profesorado acompañante e, sobre todo, con moita ilusión organizaron unha excursión a Madrid e Sevilla. Todo iso quedou adiado o pasado venres 13 de marzo e seguinte declaración de estado de alarma. Foi aprazada sine data a viaxe, mais coa confianza en que desta pandemia sairemos unidos/as contra o virus. Agora máis que nunca, quedamos na casa.


Venda de produtos para a excursión 4.º ESO

 

Aviso ás familias no arquivo adxunto.

Física e Química (1.º Bacharelato)

O Dpto de Física e Química do IES de Mugardos, durante o período determinado pola situación de alerta decretada polo gobernodebido ao virus COVID19 estableceu as seguintes canles de comunicación co alumnado implicado:

Física e Química (1.º bac)

Séguese a canle xa empregada durante o curso que foi o correo electrónico

mugardosfq@gmail.com

 

 +  

E habilitouse unha aula na aplicación google classroom no dominio iesmugardos.gal para ter máis ordenados os temas a tratar e sobre todo dispoñer dunha plataforma que permita a resolución de test de autoavaliación.

https://classroom.google.com/u/0/hS

Se tes problema, consulta
Titorial de acceso

Classroom iesmugardos.gal

O instituto ten unha conta G Suite para centros educativos. O noso dominio é iesmugardos.gal. Todo o alumnado posúe un enderezo de correo electrónico dentro desta conta. Entre outras funcións, permite o acceso á ferramenta CLASSROOM.

Moitas profesoras/es xa están a crear as súas clases virtuais. Para facilitarche o acceso, velaquí tes as instrucións e un vídeo titorial.

 

Calquera dúbida ou porblema, consulta no correo ies.mugardos@edu.xunta.es

Actividades lectivas (1.º ESO)

1.º ESO

No período de suspensión das clases presenciais, as actividades lectivas continuarán

no Espazo Virtual de Aprendizaxe (EVA) do proxexto EDIXGAL.

Soporte Premium
Correo electrónico: soporte.premium@edu.xunta.es
Teléfono: 881 86 99 00


 

Circular de centro (15 de marzo, 2020)

CIRCULAR DO CENTRO

Estimadas familias:

Como ben sabemos todos e todas, a actividade lectiva presencial estará

suspendida nas próximas semanas. Pola nosa banda continuaremos cos actos e procedementos académicos que os medios informáticos nolo permitan.

 

En primeiro lugar, a avaliación e entrega de notas. Os docentes cualificarán cos intrumentos de avaliación empregados ao longo do trimestre, ata o 13 de marzo. No caso de que ese último día faltase algunha proba ou tarefa, esa parte da nota ficará pendente ata o regreso ás aulas. Do mesmo xeito, adíase a avaliación de materias pendentes de cursos anteriores.

 

As cualificacións publicaranse exclusivamente por vía informática na  aplicación AbalarMóbiles o mércores, 18 de marzo.

En canto ás actividades lectivas procederemos resumidamente así: 1.º e 2.º ESO atopará os libros dixitais e materiais didácticos na plataforma EDIXGAL. Para o resto dos niveis educativos atoparedes nesta mesma páxina as ligazóns á Aula Virtual, Classroom e outros medios ou blog empregados por cada profesor/a.

Non dubidedes en realizar calquera consulta no correo

  ies.mugardos@edu.xunta.gal

Saúde.

    

Publicado o 15 de marzo, ás 20:30 horas

Na Feira de Orientación de Ferrolterra

 

Un ano máis, o noso IES Mugardos colaborando na información e asesoramento do alumnado da comarca.

Malas herbas de 1°curso e Arte floral de 2°curso trouxeron á mostra de Orientación de Ferrolterra:
-unha demostración de como deseñar bonsais
-prantiñas para agasallar (as que ademáis de alegrar a vista permiten facer control de plagas, e tomateiras)
-arranxos florais e,
-o obradoiro de kokedamas que tanto gusta.

Grazas Amelia, orientadora do Leixa, por invitarnos un ano máis!