Skip to Content

Dinamización Lingüística

Cine en galego

Na fraga de Cecebre cando os homes non están as árbores conversan entre elas, cantan, falan cos animais, ...

O próximo 29 proxectarase no centro, dentro do programa Cine en Galego, esta  película de animación producida no 2001 por Dygra Films, O bosque animado foi un fito na súa época ao ser unha obra de animación totalemente creada por computador e dunha calidade excepcional,merecedora de moitos galardóns dentro e fóra das nosas fronteiras. Trátase dun filme basado na novela de Wenceslao Fernández Flórez.

A película proxectarase con subtítulos en inglés.

O programa Cine en Galego é unha iniciativa dos departamentos de Inglés, Lingua Galega e do  Equipo de Dinamización Lingüistica  do centro que busca achegar ao público máis novo ao noso cine, á nosa lingua e desarmar algúns do prexuízos lingüísticos que aínda pexan o galego. Esta actividade desenvolverase o último luns de cada mes.

 

 

De Vacas

 

O 30 de Outubro oo alumnado de 3º da ESO do IES David Buján vai asistir ao Fórum da Coruña a un concerto-coloquio con De Vacas, un dos grupos que máis está soando actualmente dentro do panorama musical galego. A actividade é de balde.

A actividade forma parte do programa de Dinamización Lingüística "Falamos" desenvolvido polo Concello de A Coruña, que pretende  darlle á mocidade unha visión  útil e moderna da lingua galega, así como  eliminar prexuízos lingüísticos.
 En próximas datas o resto do alumnado terá tamén a ocasión de ir a outro concerto de música galega.
 
DE VACAS
 
O grupo  foi o gañador, na IV edición dos Premios Martín Códax, da categoría de Coros e Grupos Vocais.
O grupo está composto por Laura Romero (cantante do grupo de música infantil galega "A Gramola Gominola"), Faia Díaz e Inés Salvado, acompañadas á guitarra por Guillerme Fernández, membro fundador do grupo Berrogüetto e colabora noutros proxectos paralelos con Xabier Díaz, Espido, Guadi Galego. 

O  grupo fai versións de  temas moi coñecidos ("Gagnam Style", do rapeiro PSY, "Despacito" de Luis Fonsi,  " De noche y de día" de Enrique Iglesias, "Soy yo" de Marta  Sánchez, " El taxi" de Pitbulll, ...)  o que contribúe a difundir a lingua galega aproveitando a oportunidade que ofrece a música coñecida. De feito, as súas versións, como a do "Despacito"  titulada "Amodiño", leva xa máis de 500.000 visualizacións no Youtube.
O Departemento de Lingua Galega e mais o de Convivencia elaboraron  unha ficha.  Búscase a reflexión sobre os estereotipos de xénero  na música.

Ao teatro

 
O día 18 e 19 de outubro @s alumn@s de  4º, 1º e 2º de bacharelato van asistir á representación teatral que Chévere fai no Ágora para escolares. A actividade é de balde e está  organizada polo Servizo de Normalización Lingüística do Concello da Coruña.  Cómpre  dar a noraboa á inicitiva que procura promover a nosa lingua e promocionar o teatro galego. 
 
Eroski Paraíso é a primeira produción de Chévere despois de recibir o Premio Nacional de Teatro no ano 2014. A obra comeza cando Alexandra, estudante de cine, volve á súa vila natal para gravar un documental sobre a súa familia. O seus pais coñecéronse  na sala de festas O Paraíso de Muros, que co tempo acabou converténdose nun supermercado onde agora traballa a súa nai, Eva.  O seu pai, Antonio, aínda vive nas Canarias, onde tiveron que emigran cando Alexandra era moi pequena. 
Eroski Paraíso é o título que lle puxo Alexandra á súa película, que é  un retrato do desarraigo vital de toda unha xeración. E esta obra é un convite para asistir a unha das sesións de rodaxe.
O Departamento de Lingua Galega creou unha ficha para que o alumnado reflexione sobre algúns dos temas tratados: a migración, o desarraigo, as drogas, o feísmo, o consumismo, ...
 

8 de outubro. Día da Ciencia en Galicia

Todos os 8 de outubro, data que comemora o nacemento de Benito Xerónimo Feixoo,  Galicia celébra o Día da Ciencia en Galicia.

 
Este ano está dedicado a Domingo Fontán Rodríguez, que pasou á historia por ser o autor  do primeiro mapa realizado na penísula ibérica con rigor científico: A Carta Xeométrica de Galicia, mapa que non queda descalificado pola tecnoloxía satelital actual.
Os traballos de Fontán, que lle levaron máis de 20 anos, comezounos moi preto do noso centro: no pazo de Sobrecarreira, aquí en Sigrás.
 
No centro difundimos  a súa figura e obra e tivemos ocasión de  comprobar a rica información histórica) que a carta contén ( 6000 topónimos e 3700 localidades) a súa carta.
Nas actividades participaron  os departamentos de Lingua Galega, Xeografía e Historia e Matemáticas
Distribuir contido


by Dr. Radut