Skip to Content

Día das Letras Galegas

Concurso Marcapáxinas (Letras Galegas 2023)

Aquí poder ver  os traballos presentados. Houbo que descualificar algunha creacións por non cumprir as bases.

O xurado atopou unha gran calidade nas obras presentadas e manifestou que foi difícil escoller os gañadores.

Grazas a todos por participar e parabéns aos gañadores

Gañadores

Día das Letras Galegas: Francisco Fernández del Riego

 

Francisco Fernández del Riego (1913-2010) foi o principal dinamizador do galeguismo cultural tras o abrupto corte que supuxeron a Guerra Civil e a posguerra. Ademais de poñer en marcha todo tipo de proxectos encamiñados a recuperar a presenza do galego como lingua de cultura nunha sorte de «segundo Rexurdimento», durante gran parte da súa longa vida foi o alicerce ao redor do que se artellou o traballo conxunto entre os intelectuais do exilio, os que permaneceron no país tras a contenda e as novas xeracións de galeguistas que van xurdindo malia o difícil contexto da ditadura franquista. Entre as súas iniciativas salienta a de crear en 1963 o Día das Letras Galegas, unha data en que conmemorar e celebrar a lingua, a literatura e a cultura de noso. Sesenta anos despois o propio don Paco é a figura homenaxeada nesta efeméride (Héctor Cajaraville).

Para achegarte  ao  autor homenaxeado a continuación hai unha serie de recursos e ligazóns:

O Seminario Galán ten moitos recursos e actividades. Entre eles un vídeo sobre a vida e a obra do autor feito polo colexio Pío X de Ourense.

 A Primavera das Letras para que coñezades un chisco máis o autor do Día das Letras Galegas 2023, Francisco Fernández del Riego, a escritora Eva Mejuto e a ilustradora Lucía Cobo propóñenvos unha obra de teatro protagonizada polos obxectos que acompañaron o noso homenaxeado en distintas etapas da vida. Animámosvos a lela e a representala na aula, se vos presta. Vaivos tocar berrar, cantar, bailar...Que mellor maneira de celebrar?

As cousas de don Paco

Tamén hai xogos sobre a figura do autor homenaxeado:

O IES San Paio fixo unha presentación sobre o autor onde se recollan algunhas das súas reflexións sobre a nosa lingua.

Tamén temos unha antoloxía de textos elaborada polo Seminario Galán.

O escritor Héctor Cajaraville, autor dun libro sobre a figura elixida para ser homenaxeada neste ano no Día das Letras Galegas, fixo un vídeo  sobre a vida e obra do escritor.

 

Concurso de creación de Marcapáxinas Letras Galegas 2023 – Francisco Fernández del Riego

O EDLG do IES David Buján  convoca un concurso de elaboración de marcapáxinas relacionados co autor homenaxeado no ano 2023 polo Día das Letras Galegas (17 de maio).

 BASES

1. Poderá participar  calquera membro da comunidade educativa do IES David Buján..

2. O marcapáxinas debe recoller algunha imaxe relacionada co autor ou a súa obra e tamén algún texto alusivo, fragmento, frase curta etc, sobre a súa obra en galego.

3. Será condición indispensable que os traballos sexan orixinais e inéditos. O prazo de admisión rematará o 12 de maio ás 23:59 horas e o xurado dará a coñecer a súa decisión na semana das “Letras Galegas”.

4. Admitirase un traballo como máximo por cada participante.

5. Cada marcador deberá ter dúas caras, medidas de 18×5 cm, formato PNG e resolución 300dpi.

6. Os traballos enviaranse ao enderezo edlg@iesdavidbujan.gal xunto cos datos persoais da persoa participante

7. O IES David Buján realizará unha exposición con todos os marcadores presentados a concurso.

8. Haberá  gorentosos premios para todos os particpantes. O premio para o gañador é unha camiseta do Reizentolo

9. A participación neste concurso implica a total aceptación das presentes bases.

Exemplos de marcapáxinas de Francisco Fernández del Riego

Florencio Delgado Gurriarán

Aquí tes xogos e actividades interactivas para afondar na  vida e obra do homenaxeado no Día das letras Galegas de 2022

 

Día das Letras Galegas 2022

Celebrando o Día das Letras Galegas durante todo o ano

Soa a tópico dicir que o Día das Letras Galegas non só é o 17 de maio, pero é certo. Debemos celebralo os 365 días do ano. Como? Pois coa única homenaxe posible, falando galego.

Desta volta o escritor homenaxeado é o valdeorrés Florencio Delgado Gurriarán. Algúns datos del:

  • Naceu en Vilamartín de Valdeorras en 1903, pero pasou a meirande parte da súa vida exiliado en México.
  • Foi escritor, editor literario e activista político e cultural.
  • En México fundou a revista Vieiros, con Luís Soto e Carlos Velo, a “Fundación do Padroado da Cultura Galega”, a “Irmandade Galeguista” e o “Ateneo de Galicia”.
  • A súa obra está recollida nos libros Bebedeira (1934), Galicia infinda (1963), Cantarenas. Poemas (1934-1980) (1981) e O soño do guieiro (1985).
  • Encargouse da selección e da tradución dos poemas franceses incluídos en Poesía inglesa e francesa vertida ao galego (1949) e da tradución de Cemiterio mariño de Paul Valéry.
  • Empregou, en escritos de prensa ou revistas, varios pseudónimos: Korgomófilo, Nadel, Porto do Río, Xan do Sil, Sil e R. Miño (https://blog.mundo-r.com/gl/xente/celebrando-o-dia-das-letras-galegas-todo-o-ano).

No IES David Buján repartíronse un marcadores sobre o homenaxeado. Se quedaches sen el, podes pasar polo  EDLG do centro  ou descargalo dende aquí.

LETRAS GALEGAS 2022

FLORENCIO DELGADO GURRIARÁN: DÍA DAS LETRAS GALEGAS 2022

O autor homenaxeado no Día das Letras Galegas 2022 é un reflexo da cultura galega no século XX. Militante do Partido Galeguista, exiliado en América, colaborador de Castelao, promotor de iniciativas editoriais e radiofónicas. Como poeta escribiu entre dous mundos: a súa terra de Valdeorras e o país de acollida, México. (Consello da Cultura Galega)

O  obxectivo desta data é  de dar a coñecer a vida e obra do poeta e poñer en valor o seu legado. 

O seguinte vídeo, elaborado no centro co material do Seminario Galán, fai un percorrido pola vida e obra do autor valdeorrés. 

Tamén deixamos un adxunto cunha escolma das súa obra poética

 

A primavera das letras: Xela Arias

A Real Academia Galega presenta unha nova edición do proxecto Primavera das Letras dedicada a Xela Arias.

Esta é  sexta edición deste proxecto (www.primaveradasletras.gal)  e arrinca cunha ficha biográfica sobre Xela Arias e unha actividade interactiva sobre Vigo. A estes contidos sumaranse nas vindeiras semanas outras propostas para achegarlles aos nenos e nenas o mundo da poesía, da edición e da tradución a través da obra da protagonista das Letras Galegas 2021; e tamén para coñecer a súa Sarria natal, o seu compromiso co coidado ambiental ou a súa afección pola música.

 

Exposición sobre o traxe tradicional galego

Dentro das actividades que no centro se preparan para festexar o Día das Letras Galegas figura esta exposición sobre o traxe tradicional galego feita coa colaboración da Asociación As Mariñas e a Concellaría de Cultura e o Servizo de Normalización Lingüística do concello de Cambre.

Antonio Fraguas dedicouse  ao estudo da cultura e do territorio galegos desde distintos eidos, con especia atención e mestría á etnografía. Fraguas foi un dos protagonistas da transformación do Seminario de Estudos Galegos,  desmantelado polo réxime de Francisco Franco, no Instituto de Estudos  Galegos Padre Sarmiento, constituído en 1944, no que foi bibliotecario, secretario e directaor da sección de Etnografía e Folclore. En 1969 organizou nesta institución unha exposicón sobre o traxe tradicional galego. Os seus estudos sobre esta cuestión viron a luz nun libro publicado en 1985, El traje gallego.

-EXPOSICIÓN

-VÍDEO

Distribuir contido


by Dr. Radut