Skip to Content

Ponte no seu lugar, unha actividade solidaria

Durante os tres minutos que dura o vídeo, moitos rapaces e rapazas do noso centro metéronse na pel dun neno refuxiado: o seu nome, a súa idade, a causa da súa fuxida ou a súa situación actual pasaron a ser parte da súa vida.

Moitas grazas polo voso traballo e aquí tedes algúns dos vosos vídeos.

 

 

Día da non violencia e da Paz: Andaina Solidaria

Co gallo da celebración do Día da non violencia e da Paz -30 de xaneiro- temos previstos distintos eventos conmemorativos:

* Andaina Solidaria. Continuando co noso compromiso coas actividades solidarias, este ano imos levar a cabo un percorrido solidario pola contorna do noso instituto. O día 30 de xaneiro, a partir das 12:30, todo o alumnado da ESO percorrerá -andando ou correndo- un treito de 4 quilómetros a beira do río Mero.

Nos días previos e posteriores á andaina, os nosos alumnos poderán conseguir patrocinadores que valoren con cartos os quilómetros percorridos por eles. Estes cartos doaranse a ONG, Proactive Open Arms.

Previamente ao comezo da actividade, contactaremos cos voluntarios que dita ONG ten na illa grega de Lesbos para falarlles da nosa iniciativa.

 

* Ponte no seu lugar. Trátase dunha actividade de investigación periodística, na que os rapaces e rapazas da ESO van procurar información sobre a vida dun refuxiado: o seu nome, a súa procedencia, as súas condicións no seu pais de orixe e o seu percorrido. Con estes datos, cada un deles van gravar un vídeo no que ,durante tres minutos, vanse poñer no seu lugar.

Cos vídeos faremos unha proxección no vestíbulo do instituto.

O noso alumnado participa no programa Correspondentes Xuvenís do concello de Cambre

Este curso 2017_18 seguimos a colabora co concello de Cambre no seu programa de Voluntariado Xuvenil. Cinco alumnos e alumnas de 3º da ESO – Xian Crujeiras,Candela Mayer, Carla Fraga, Lucía Cornide e Andrea Cadaveira- están inscritas neste proxecto e vanse encargar da difusión das novas polo noso centro. Aquí tedes o vídeo promocional do proxecto que se fixo dende o concello.

Visita do representante de Eco Desarrollo Gaia

Onte visitou o noso centro  Guillermo Fernández Obanza, Mito,  fundador da ONG, Eco Desarrollo Gaia, para falarlles aos rapaces de 1º e 2º da ESO do traballo que levan a cabo na súa sede de A Coruña e no Senegal.

Distribuir contido


by Dr. Radut