Novas portal educativo
A Xunta publica o protocolo que regula o uso dos móbiles nos centros de ensino durante o tempo de lecer
Summary:
Amplía a restrición do emprego destes dispositivos á totalidade da xornada escolar, permitindo un uso razoable por motivos xustificados, como os médicos
Os centros que impartan ensinanzas de FP de Grao Superior, de Réxime Especial e de Adultos, polas súas características organizativas e de alumnado, poderán non aplicar esta medida nesas etapas se así o consideran
Poderanse seguir utilizando os teléfonos con fins de aprendizaxe e formación, promovendo un uso seguro e saudable da tecnoloxía
Establecerase un plan de apoio ás familias no manexo responsable dos móbiles
Idioma GallegoA Xunta de Galicia vén de publicar o protocolo para regular o uso dos móbiles nos centros educativos durante o tempo de lecer, a través do que se amplía á totalidade da xornada escolar a limitación do uso de teléfonos e dispositivos electrónicos que xa estaba vixente no interior das aulas desde 2015 en todos os centros sostidos con fondos públicos de Galicia.
Deste xeito, desde a volta das vacacións de Nadal, nos centros non se permitirá tampouco o emprego libre destes dispositivos nos períodos non lectivos, que son as entradas e saídas, o tempo de recreo, o comedor escolar e os períodos dedicados a actividades complementarias e extraescolares. A medida xa se estaba aplicando actualmente no 76% dos centros galegos. Analizada a súa experiencia, e á vista de que constitúe unha práctica cunha repercusión positiva na convivencia escolar, decídese amplialo á totalidade logo de escoitar á comunidade educativa.
En calquera caso, estes dispositivos poderán empregarse de xeito proporcionado e razoable por cuestións de necesidade, médicas ou doutra índole, sempre por motivos xustificados, atendendo ás circunstancias e autorizado pola dirección do centro. Así mesmo, mantense a posibilidade do uso pedagóxico destas ferramentas, sempre baixo supervisión do profesorado.
Ademais, os centros que imparten ensinanzas de FP de Grao Superior, de Réxime Especial (como escolas oficiais de idiomas ou conservatorios, entre outros) e de Adultos, polas súas características organizativas e de alumnado, poderán non aplicar esta medida nesas etapas se así o consideran. Así, en base á súa autonomía organizativa, poderán adaptar o protocolo no relativo ás limitacións establecidas nos períodos non lectivos.
Seguridade e asesoramentoO protocolo ten un carácter básico e deberá ser contextualizado ou adaptado ao centro educativo e á súa contorna para, finalmente, ser incluído nas normas de convivencia. Os servizos de Inspección Educativa serán os encargados de prestar o asesoramento necesario aos centros e a supervisión na adaptación ao novo texto. En paralelo, a Xunta de Galicia iniciará os trámites oportunos para actualizar a norma que vén regulando os móbiles nos centros, o Decreto 8/2015, polo que se desenvolve a Lei 4/2011, de convivencia e participación da comunidade escolar en materia de convivencia.
Así mesmo, establecerase un plan de formación para acompañar ás familias no manexo responsable dos móbiles, para o que contarán co apoio do Goberno galego.
O protocolo parte dunha análise sosegada da situación coa comunidade educativa tras varias roldas de reunións coa Xunta Autonómica de Directores (onde están representadas as direccións dos centros públicos), cos representantes das direccións dos centros concertados e cos representantes das principais asociacións de nais e pais.
Regular e formar no eido dixitalAsí as cousas, e atendendo ao consenso e á demanda social manifestada, a Xunta considera positivo ampliar estas boas prácticas ao conxunto do sistema. Deste xeito, promóvese unha responsabilidade compartida no uso seguro e saudable das novas tecnoloxías, así como no fomento da cidadanía dixital responsable na infancia e na adolescencia, ao tempo que se compatibiliza co aproveitamento das potencialidades de aprendizaxe que ofrecen estas ferramentas.
A decisión enmárcase na liña prioritaria da Xunta de consolidar a convivencia positiva como estilo educativo, tal e como marca a Estratexia Galega de Convivencia Escolar 2025 e o Plan Integral contra o Acoso e o Ciberacoso escolar.
Información xeral Consellería de Cultura, Educación, Formación Profesional e Universidades
Unha vintena de centros de toda Galicia incorporan ás súas aulas o modelo de educación patrimonial Ponte... nas Ondas! recoñecido pola Unesco
Summary:
A convocatoria para incorporar esta experiencia ao sistema educativo público galego espertou o interese de case 40 centros
O obxectivo é contribuír, desde a escola, á salvagarda do patrimonio cultural inmaterial mediante espazos e accións para sensibilizar ás xeracións máis novas
Idioma GallegoUnha vintena de centros educativos de toda Galicia incorpóranse este curso, nunha primeira fase experimental, ao modelo de educación patrimonial Ponte... nas Ondas!, recoñecido pola Unesco en 2022. A Consellería de Cultura, Educación, FP e Universidades publicou a resolución de centros seleccionados nunha convocatoria que espertou o interese de case 40 centros de ensino.
O obxectivo é ir incorporando progresivamente ao sistema de ensino público o modelo internacional Ponte... nas Ondas!, recoñecido polas Nacións Unidas como exemplo de boas prácticas en materia de sensibilización co patrimonio na infancia.
Os centros que se incorporan este curso á Rede de centros Ponte... nas Ondas! son os reflectidos na seguinte táboa:
Provincia
Concello
Centro
Coruña, A
Ferrol
IES de Catabois
Coruña, A
Muros
IES Plurilingüe Fontexería
Ourense
Coles
CPI Plurilingüe Antonio Faílde
Ourense
Pereiro de Aguiar, O
CEIP Plurilingüe Ben- Cho-Shey
Ourense
San Cristovo de Cea
CPI Virxe da Saleta
Pontevedra
Estrada, A
IES Plurilingüe Antón Losada Diéguez
Pontevedra
Gondomar
IES Plurilingüe Terra de Turonio
Pontevedra
Mos
CEIP de Petelos
Pontevedra
Ponte Caldelas
IES de Ponte Caldelas
Pontevedra
Ponteareas
IES do Barral
Pontevedra
Pontevedra
IES Luís Seoane
Pontevedra
Pontevedra
IES Sánchez Cantón
Pontevedra
Salceda de Caselas
CEP Altamira
Pontevedra
Salceda de Caselas
IES Pedras Rubias
Pontevedra
Salvaterra de Miño
CEP Carlos Casares
Pontevedra
Salvaterra de Miño
IES de Salvaterra de Miño
Pontevedra
Tui
IES Indalecio Pérez Tizón
Pontevedra
Vigo
CEIP Plurilingüe Seis do Nadal
Pontevedra
Vigo
EEI Vila Laura
Pontevedra
Vigo
IES Politécnico de Vigo
Escola, radio, patrimonio e lazos coa lusofonía
O modelo Ponte... nas ondas! naceu da man da Asociación Cultural e Pedagóxica que leva o seu mesmo nome no ano 1995 na Eurorrexión Galicia-Norte de Portugal, como fórmula para favorecer o estreitamento dos lazos entre a comunidade educativa das escolas do sur de Pontevedra e do Alto Minho co ámbito da lusofonía e para tender pontes de comunicación entre galegos e portugueses. A este obxectivo, en 2002 incorporouse o compromiso para a recuperación e difusión do Patrimonio Cultural Inmaterial común para Galicia e Portugal. En 2022, o XVII Comité Intergubernamental da UNESCO aprobou a súa inscrición no Rexistro de Boas Prácticas do Patrimonio Cultural Inmaterial da UNESCO como un modelo de referencia.
Coa incorporación paulatina deste modelo ao sistema educativo público galego, a través do cal búscase reforzar a implicación dos nenos e mozos nas súas propias tradicións e crear conciencia sobre a importancia do patrimonio cultural inmaterial, a valorización do propio e garantir a transmisión ás novas xeracións ao tempo que seguir traballando en afianzar os lazos coa lusofonía e o vínculo con Portugal. Os centros educativos participantes contarán cunha serie de recursos e serán recoñecidos como centros Ponte... nas ondas! Modelo de boas prácticas co Patrimonio Cultural Inmaterial (PCI).
Información xeral Consellería de Cultura, Educación, Formación Profesional e UniversidadesA Xunta convoca as axudas complementarias para os universitarios galegos que participan este curso no programa Erasmus+
Summary:
O prazo de presentación de solicitudes estará aberto desde mañá ata o día 2 de febreiro
O importe oscila entre os 125 e os 195 euros ao mes, para estadías entre dous e nove meses, en función do país de destino
Idioma GallegoA Xunta publica hoxe no Diario Oficial de Galicia a convocatoria das axudas complementarias para o alumnado das universidades públicas do Sistema universitario de Galicia que participa este curso no programa comunitario Erasmus+.
O prazo para tramitar as solicitudes estará aberto desde mañá ata o día 2 de febreiro. Os interesados deberán realizar a solicitude por medios electrónicos a través da sede electrónica da Xunta de Galicia.
O importe da axuda varía en función do país de destino. Deste xeito, é de 195 euros/mes para os países de destino do grupo 1 (Dinamarca, Finlandia, Irlanda, Islandia, Liechtenstein, Luxemburgo, Noruega e Suecia), de 165 euros/mes para os do grupo 2 (Alemaña, Austria, Bélxica, Chipre, Grecia, Francia, Italia, Malta, Países Baixos e Portugal) e de 125 euros/mes para os do grupo 3 (República de Macedonia do Norte, Bulgaria, Croacia, Eslovaquia, Eslovenia, Estonia, Hungría, Letonia, Lituania, Polonia, República Checa, Romanía, Serbia e Turquía).
Ademais, no caso de existir remanente de crédito, adxudicarase unha contía uniforme de 500€ entre as persoas solicitantes que realicen unha estadía igual ou superior a cinco meses e conten cos expedientes con maior nota media.
Estas bolsas funcionan como complemento ás achegadas pola Unión Europea para os estudantes que están neste programa de mobilidade. O Goberno galego mantén un orzamento de máis de 1,5M€ para dar cobertura con esta convocatoria a todos os alumnos que reciben a axuda comunitaria.
Requisitos
Para solicitar a bolsa o estudante deberá estar matriculado no curso 2023/24 en calquera grao das universidades públicas do Sistema Universitario de Galicia (SUG) e participar no devandito programa de mobilidade universitaria como beneficiario da axuda do programa Erasmus+ xestionada polo Servizo Español para a Internacionalización da Educación, en estadías de entre dous e nove meses.
Non poderán optar á axuda os que xa gozaran dela en convocatorias anteriores e mais o alumnado que, con nacionalidade distinta á española, realice a mobilidade nos seus países de orixe.
O obxectivo desta liña de axudas é favorecer a participación do alumnado neste programa de mobilidade, que facilita acadar unha dimensión internacional dos estudos e un enriquecemento dos itinerarios curriculares.
Información xeral Consellería de Cultura, Educación, Formación Profesional e UniversidadesPreto de 7.200 estudantes de 205 centros aprenden estar curso a través dos Clubs de Ciencias
Summary:
O programa incorpora 42 centros co fin de promover coñecementos e técnicas para aumentar o interese do alumnado en especialidades como matemáticas e enxeñaría
Idioma GallegoPreto de 7.200 alumnos de 205 centros aprenden este curso as posibilidades das ciencias e a tecnoloxía a través do programa Club de Ciencia da Xunta de Galicia, cuxa resolución figura no Portal Educativo e que supón a incorporaron 42 novos centros e máis de 1.200 estudantes.
Os centros seleccionados tiveron que presentar un proxecto coas tarefas que desenvolven no programa. Cada un deles conta cun profesor coordinador e profesores colaboradores que poderán certificar 30 horas ou 20 horas, respectivamente, en innovación educativa. O orzamento total destinado para este curso ascende a 200.000€.
O obxectivo do Club de Ciencia é impulsar as vocacións científico-tecnolóxicas entre a rapazada. Para iso, promóvense capacidades, coñecementos e técnicas para aumentar o interese dos participantes en diversos campos da ciencia e a súa aplicación na tecnoloxía. A creación destes contornos de aprendizaxe impulsa vocacións no ámbito da ciencia, as matemáticas, a enxeñaría e a tecnoloxía e encamiñan o alumnado a estas titulacións.
A actuación enmárcase na Estratexia Educación Dixital 2030 da Consellería de Educación co obxectivo de mellorar as competencias dixitais e científico-tecnolóxicas do alumnado. Os 42 centros de nova incorporación este ano académico son os da seguinte táboa:
Provincia
Concello
Centro
A Coruña
Abegondo
IES de Viós
A Coruña
Cerdido
CEIP da Barqueira
A Coruña
Ferrol
IES Concepción Arenal
A Coruña
Ferrol
IES Canido
A Coruña
Miño
CPI Castro Baxoi
A Coruña
Oleiros
CEIP Ramón María del Valle-Inclán
A Coruña
Ordes
CEIP Alfonso D. Rodríguez Castelao
A Coruña
Pobra do Caramiñal, A
CEP Plurilingüe Pilar Maestu Sierra
A Coruña
Pontedeume
IES Breamo
A Coruña
Pontes de García Rodríguez, As
IES Plurilingüe Castro da Uz
A Coruña
Ribeira
CEIP de Olveira
A Coruña
Santiago de Compostela
IES Eduardo Pondal
A Coruña
Teo
IES de Cacheiras
A Coruña
Val do Dubra
CPI de Bembibre
Lugo
Cospeito
CPI Plurilingüe Virxe do Monte
Lugo
Monforte de Lemos
IES Río Cabe
Lugo
Pontenova, A
IES Enrique Muruais
Lugo
Vilalba
IES Santiago Basanta Silva
Ourense
A Gudiña
CPI Plurilingüe Laureano Prieto
Ourense
Barbadás
CEIP Plurilingüe O Ruxidoiro
Ourense
Celanova
CEIP Plurilingüe Curros Enríquez
Ourense
Maside
CPI Terras de Maside
Ourense
Pobra de Trives, A
CEIP Plurilingüe Manuel Bermúdez Couso
Ourense
Ribadavia
IES O Ribeiro
Ourense
Xinzo de Limia
IES Cidade de Antioquía
Pontevedra
Grove, O
CEIP Plurilingüe de Conmeniño
Pontevedra
Guarda, A
EEI da Gándara
Pontevedra
Lama, A
EPAPU Nelson Mandela
Pontevedra
Ponte Caldelas
CEIP Manuel Cordo Boullosa
Pontevedra
Ponteareas
IES Val do Tea
Pontevedra
Pontevedra
CEIP de Parada-Campañó
Pontevedra
Pontevedra
CIFP A Xunqueira
Pontevedra
Redondela
CEIP Plurilingüe Alexandre Bóveda
Pontevedra
Sanxenxo
IES de Vilalonga
Pontevedra
Tomiño
IES Antón Alonso Ríos
Pontevedra
Vigo
IES Santa Irene
Pontevedra
Vigo
CEIP Plurilingüe Sobreira-Valadares
Pontevedra
Vigo
IES República Oriental do Uruguai
Pontevedra
Vila de Cruces
CEIP Plurilingüe de Cerdeiriñas
Pontevedra
Vilagarcía de Arousa
EEI de Aralde Sobrán
Pontevedra
Vilagarcía de Arousa
EEI de Vilar-Bamio
Pontevedra
Vilanova de Arousa
IES A Basella
Información xeral Consellería de Cultura, Educación, Formación Profesional e Universidades
A Xunta concede 103 axudas de matrícula gratuíta de máster para persoas desempregadas
Summary:
As axudas publicadas no DOG inclúen 18 beneficiarios da USC, 46 da UVigo e 39 da UDC
Idioma GallegoA Xunta de Galicia concede un total de 103 axudas de matrícula gratuíta de máster oficial nas universidades públicas galegas este curso para desempregados. O Diario Oficial de Galicia vén de publicar a resolución das axudas, que oscilan entre os 591 e os 835,8€, en función da titulación.
O obxectivo é apoiar a mellora da cualificación destas persoas, facilitando que cursen un máster universitario que lles proporcione unha formación avanzada orientada á especialización académica ou profesional e melloren así o seu acceso a un mercado de traballo globalizado.
Por universidades, 18 dos beneficiarios estudan un máster na de Santiago de Compostela (USC), 46 na de Vigo (UVigo) e 39 na da Coruña (UDC). A maior parte, 60 bolseiras, son mulleres.
Profesorado, o máis cursadoO máster máis cursado entre os beneficiarios é o do Profesorado, que estudan 46 bolseiros. Ademais, con tres beneficiarios cada un, destacan titulacións como os máster en Prevención de Riscos Laborais, Prevención en Riscos Laborais e Riscos Común, Finanzas, Avogacía e Procura, Comunicación en Medios Sociais e Creación de Contidos Dixitais e Tradución Multimedia.
Para acceder a estas axudas, as persoas candidatas deberon rematar os estudos universitarios de grao antes do 30 de setembro de 2022 e estar en situación de desemprego. Ademais, deben estar matriculadas nun máster universitario oficial en Galicia, dun mínimo de 60 créditos excluídos os créditos recoñecidos, convalidados ou adaptados.
Información xeral Consellería de Cultura, Educación, Formación Profesional e UniversidadesUn protocolo regulará o uso dos teléfonos móbiles nos centros educativos no tempo de lecer
Summary:
A Xunta traslada á comunidade educativa o avance do texto, nunha nova rolda de contactos con representantes dos centros e das anpas
Nel recóllese, como se aprobou no Consello, estender a restrición do uso de móbiles e dispositivos electrónicos á totalidade da xornada escolar
Os centros que impartan ensinanzas de FP de Grao Superior, de Réxime Especial e de Adultos poderán non aplicar esta medida nesas etapas se así o consideran
Permítese o uso proporcionado e razoable por motivos xustificados ante cuestións de necesidade puntuais como razóns médicas, entre outras
Búscase promover un uso seguro e saudable da tecnoloxía aproveitando as súas potencialidades de aprendizaxe, finalidade para a que sigue permitido
Estableceranse medidas de apoio ás familias no uso responsable dos móbiles
Idioma GallegoA Xunta de Galicia regulará o uso dos teléfonos móbiles nos centros educativos durante o tempo de lecer a través dun protocolo cuxo contido lle foi avanzado hoxe á Xunta Autonómica de Directores (onde están representadas as direccións dos centros públicos), aos representantes das direccións dos centros concertados, así como aos representantes das principais asociacións de nais e pais, en varias reunións co equipo da Consellería de Cultura, Educación, FP e Universidades.
O texto recolle, como se aprobou no Consello da Xunta, estender á totalidade da xornada escolar a prohibición de uso de móbiles e dispositivos electrónicos vixente en Galicia desde o ano 2015 para os períodos lectivos, é dicir, nas aulas. Agora, con esta ampliación non se permitirá tampouco o emprego libre destes dispositivos nos períodos non lectivos, que son as entradas e saídas do centro, o tempo de recreo, o comedor escolar e os períodos dedicados a actividades complementarias e extraescolares.
Esta limitación estará vixente á volta das vacacións de Nadal nos centros sostidos con fondos públicos. No caso dos centros que imparten ensinanzas de FP de Grao Superior, de Réxime Especial (como escolas oficiais de idiomas ou conservatorios, entre outros) e de Adultos poderán non aplicar esta medida nesas etapas se así o consideran. Así, en base á súa autonomía organizativa, poderán adaptar o protocolo no relativo ás limitacións establecidas nos períodos non lectivos.
Autorizado con finalidade pedagóxicaNon obstante, seguirá permitíndose o emprego proporcionado e razoable dos dispositivos por cuestións de necesidade, medicas ou doutra índole, sempre por motivos xustificados, atendendo ás circunstancias e autorizado pola dirección do centro. Así mesmo, mantense a posibilidade do uso pedagóxico destas ferramentas, sempre baixo supervisión do profesorado.
Vixente xa no 76% dos centrosLogo dunha análise sosegada co conxunto da comunidade educativa, e analizada a experiencia positiva na maioría dos centros (o 76% deles) que, dentro das súas normas de convivencia, xa teñen restrinxido o uso de teléfonos móbiles nos recreos, a Xunta considera positivo estender estas boas prácticas ao conxunto do sistema, atendendo ao consenso e á demanda social manifestada.
Así pois, búscase avanzar na responsabilidade compartida dun uso seguro e saudable das novas tecnoloxías, así como no fomento da cidadanía dixital responsable na infancia e na adolescencia, e compaxinar isto coas potencialidades de aprendizaxe que ofrecen estas ferramentas. Por tanto, a decisión enmárcase na liña prioritaria da Xunta de consolidar a convivencia positiva como estilo educativo, tal e como marca a Estratexia Galega de Convivencia Escolar 2025 e o Plan Integral contra o Acoso e o Ciberacoso escolar.
Seguridade e asesoramentoAgora, co fin de dar soporte aos centros que, diante de usos non axeitados, demandan un marco xeral de uso dos móbiles, a Xunta está a pechar o mencionado protocolo, que se difundirá ao conxunto da comunidade educativa.
O documento terá un carácter básico e deberá ser contextualizado ou adaptado ao centro educativo e á súa contorna para, finalmente, ser incluído nas normas de convivencia. Ademais, os servizos de Inspección Educativa serán os encargados de prestar o asesoramento necesario aos centros e a supervisión na adaptación ao novo texto. En paralelo, iniciaranse os trámites oportunos para a actualización do Decreto 8/2015, polo que se desenvolve a Lei 4/2011, de convivencia e participación da comunidade escolar en materia de convivencia.
Así mesmo, establecerase un plan de formación para acompañar ás familias no uso responsable dos móbiles, para o que contarán co apoio da Xunta de Galicia.
Información xeral Consellería de Cultura, Educación, Formación Profesional e UniversidadesUnha ducia de estudantes de ensinanzas artísticas superiores e profesionais acadan os premios fin de carreira e extraordinarios da Xunta
Summary:
O Diario Oficial de Galicia publica as listaxes de persoas beneficiadas destes galardóns
O obxectivo é recoñecer o desempeño excelente destes estudantes en ámbitos como a música, a danza, as artes plásticas e o deseño
Idioma GallegoUnha ducia de estudantes de ensinanzas artísticas veñen de acadar os premios da Xunta de Galicia que recoñecen o seu desempeño excelente. O Diario Oficial de Galicia vén de publicar a resolución dos premios fin de carreira para o alumnado que rematou os seus estudos de ensinanzas artísticas superiores e dos premios extraordinarios na modalidade de ensinanzas artísticas profesionais nos ámbitos de música, de danza, e de artes plásticas e deseño.
No caso dos galardóns de fin de carreira, recoñecen o labor do alumnado que rematou brillantemente os seus estudos conducentes a unha titulación superior de ensinanzas artísticas no curso 2022/23, nos centros dependentes da Xunta de Galicia.
Tal e como recolle a orde de convocatoria, as persoas premiadas reciben unha dotación económica de 3.500 euros e un diploma acreditativo desta distinción, certificando que se trata do estudante que conta co mellor expediente académico de entre aos solicitantes.
A listaxe de beneficiarios é a seguinte:
Centro
Estudante
Modalidade
Especialidade
Escola Superior de Arte Dramática de Galicia
Iván Fernández Diéguez
Arte Dramática
Dirección Escénica e Dramaturxia
Escola Superior de Conservación e Restauración de Bens Culturais de Galicia
Andrea Leis Regueiro
Conservación e Restauración de Bens Culturais
Bens Arqueolóxicos
Escola de Arte e Superior
de Deseño Mestre Mateo
David Vila Moreira
Deseño
Moda
Escola de Arte e Superior
de Deseño Ramón Falcón
Pablo Rodríguez Regueiro
Deseño
Interiores
Conservatorio Superior de Música de Vigo
Lucas López López
Música
Interpretación (canto)
Conservatorio Superior de Música da Coruña
Sandra Galera Martínez
Música
Composición
No que atinxe aos premios extraordinarios, distinguen o traballo de alumnado que finalizou as ensinanzas profesionais de Música, de Danza ou de ciclos formativos de grao superior de Artes Plásticas e Deseño, no curso 2022/23. Para acceder a estes galardóns, os candidatos debían ter unha nota media igual ou superior a 8,75 puntos.
De acordo co establecido na convocatoria, os estudantes premiados reciben un galardón de 1.000€ e un diploma acreditativo.
A listaxe de estudantes beneficiarios é a seguinte:
Centro
Estudante
Ámbito
Especialidade
Conservatorio Profesional
de Música de Santiago
Sergio Manteiga García
Música
Trombón
Conservatorio Profesional
de Música de Vigo
Miguel Veloso Rodríguez-Gironés
Música
Óboe
Conservatorio Profesional
de Música de Vigo
Daniel Pérez Torres
Música
Frauta travesa
Conservatorio Profesional
de Danza de Lugo
Ignacio Illán Sastre
Danza
Danza contemporánea
Escola de Arte e Superior
de Deseño Ramón Falcón
María Isabel Vázquez Rodríguez
Artes plásticas e deseño
Cerámica artística
Escola de Arte e Superior
de Deseño Antonio Faílde
Raúl Iglesias Pérez
Artes plásticas e deseño
Fotografía
Información xeral Consellería de Cultura, Educación, Formación Profesional e Universidades
- « primeira
- ‹ anterior
- 1
- 2
- 3
- 4
- 5
- 6
- 7
- 8