Presentación
Presentación de Grego
Presentación Grego
Enviado por admin o Mér, 09/06/2021 - 03:57
GREGO
A materia de Grego na etapa do Bacharelato ten como finalidade introducir ao alumnado no coñecemento básico dos diferentes aspectos lingüísticos e culturais de lingua e a civilización gregas co obxecto de permitirlle acceder directamente á riqueza da tradición literaria e clásica, das que beberon en maior ou menor medida as culturas occidentais e que conformaron o pensamento e a base da civilización actual. O estudo da lingua grega serviranos para aumentar o caudal léxico e a bagaxe cultural do alumnado e axudalo a comprender mellor os mecanismos da lingua propia e a recoñecer os referentes culturais que conforman a súa tradición.
