Escoitar, Aprender e Compartir

Trobadores no IES Chapela

Vídeo da confección e inauguración do Mural dos Trobadores no IES Chapela.

Fallo do I Certame de Poesía - IES Chapela

O 14 de decembro deuse a coñecer o fallo do xurado do I Certame de Poesía - IES Chapela. O xurado, integrado por profesorado do centro, unha representante do persoal non docente e unha alumna, destacou a alta participación no certame. Foron cincuenta e tres os poetas e poetisas que enviaron os seus poemas ao concurso en torno ao tema Segundas oportunidades - Reciclaxe e espiral de vida. Sinalou tamén o xurado a gran calidade das obras entregadas. Textos de ledicia, nostalxia, resistencia, denuncia, esperanza... todo eles emocionantes. Por suposto que a decisión final non foi fácil, mais estes foron os poemas seleccionados:

(Picando sobre eles podes acceder á súa lectura.) 

  1º PREMIO Reviravolta - Raquel López Rodríguez (E. Infantil Modular)
  2º PREMIO Sede de vida - Martina Suárez Muradas (1º Bacharelato)
  3º PREMIO Non á contaminación! - Lola Amoedo Trelles (1º ESO A)     

  Mención especial

Can-Boot - Alejandro Alonso Rodríguez (2º ESO A)

 

    

Os nosos parabéns ás persoas gañadoras, pero sobre todo a todas aquelas e aqueles que participastes envorcando as vosas emocións e sentimentos por escrito. Moitas grazas.

A inauguración do noso mural en FARO DE VIGO

Mercado do Troco

   

O 14 de decembro, como estaba previsto, trocamos intensamente, tanto en horario diúrno como en horario adulto - oferta modular.

Intensamente traballaron tamén as profesoras da biblioteca para que todo estivese preparado e no seu sitio o xoves.

Toda a comunidade escolar achegouse á nosa feira e algúns que non trouxeron nada para intercambiar quedaron coas ganas.

Na próxima feira non te quedes en "fóra de troco".

Ciclo de conferencias ALIMENTACIÓN SAÚDABLE - Alimentacion vegana e vexetariana

O 4 de decembro tivo lugar a primeira charla do ciclo ALIMENTACIÖN SAUDABLE que se vai desenvolver ao longo do curso 2017/18. Neste inicio do ciclo a conferencia xirou en torno ao tema Alimentación vegana e vexetariana e á mesma asistiu alumnado de Dietética diúrno e adultos oferta modular. As ponentes foron a nutricionista Natalia Albino Quirós e a dietista Patricia Dios Coto. Ambas as dúas profesionais formáronse no IES Chapela.

Pergamiño Vindel - Un tesouro en Sete Cantigas

O dia 29 de novembro o grupo de 1º Bacharelato visitou no Museo do Mar de Galicia a exposición PERGAMIÑO VINDEL - UN TESOURO EN SETE CANTIGAS. Acompañadas e acompañados das profesoras Manuela González  e Olga Nogueira, participaron nun obradoiro sobre a Idade Media e puideron coñecer algo máis desta alfaia da nosa cultura. Por último fixeron unha foto para a historia, todas e todos xuntos co pergamiño.

Inauguración Mural dos Trobadores

Día Internacional da Diversidade Funcional

  

Os Ciclos de Infantil e APSD, en horario diúrno e modular, reivindican o 3 de decembroDía Internacional da Diversidade Funcional, fotografándose colectivamente baixo o lema ESTAMOS CAPACITADAS/OS. Alumnado e profesorado súmase así á proposta feita pola Asociación ANDAINA de Redondela, para  persoas con necesidades especiais.

      

Novidades Biblioteca - Decembro 2017

Presentación de Libros

1 de decembro, 10:30 a 12:00 / Sala de Conferencias

Departamento de Lingua Galega

 

Carlos Pazos-Justo

A imagem da Galiza em Portugal

Através Editora, 2016

 

Roberto Samartim

Mudança política e sistemas culturais em transiçom

Laiovento, 2017

         

O alumnado de 1º Bacharelato coa profesora de Lingua Galega, Olga Nogueira,

participou na presentación dos libros de Carlos Pazos e Roberto Samartim.

Distribuir contido