 |
 |
 |
Novas
8/07/22
A vindeira semana continuará o proceso de admisión de alumnos da FP dual.
Os interesados no C.S. de Automatización e robótica industrial deberán presentarse no centro o martes 12 ás 9h 45´; os do C.M. de Soldadura e caldeiraría o mércores 13/07 ás 11 h 45´
24/06/22
As empresas da comarca e o Concello apoian a implantación no I.E.S. Manuel Chamoso Lamas do C.M. de Soldadura e caldeiraría.
O vindeiro curso repetiremos a oferta no noso centro na modalidade de FP dual:
ATENCIÓN AOS PRAZOS DO PROCESO DE ADMISIÓN
23/01/22
O Conselleiro de Cultura, Educación e Universidade, Román Rodríguez, visitou aos alumnos e profesores do C.M. de Soldadura e caldeiraría e anuciou unha inversión de 1,2 millóns de euros no centro.
O pasado mes de xaneiro os alumnos do C.M. de Electromecánica de maquinaria incorporáronse ás empresas nas que van continuar a súa formación ata o mes de agosto. Previamente, en decembro tiveron a oportunidade de facer prácticas no taller do instituto cunha pala excavadora cedida temporalmente pola empresa local GILFAR, o noso agradecemento.
22/10/21
Os alumnos e profesores do C.M. de soldadura e caldeiraría recibiron a visita do concelleiro de emprego, Manuel Dacal, nas instalacións que Talleres Dizmar cedeu para a implantación deste primeiro ano do ciclo.
Todos os ciclos de FP dual do Chamoso Lamas comezaron a impartirse con normalidade. Os últimos en incorporarse foron os alumnos do C.M. de Electromecánica de maquinaria e os do C.M. de Soldadura e caldeiraría, que ó ser de nova implantación requiriron máis tempo para adaptar os espazos.
9/07/21
Hoxe rematou o proceso de selección de aspirantes a cursar o Ciclo Medio de Soldadura e caldeiraría, foron 14 as persoas seleccionadas e cubríronse todas as prazas que se ofertaban. Parabéns aos seleccionados. O vindeiro 16 de xullo publicarase a adxudicación de prazas e o mesmo día 16 comeza o período de matrícula, que remata ás 13 horas do 23 de xullo.
O luns 12 están citados os inscritos no Ciclo Medio de Electromecánica de maquinaria e no Ciclo Superior de Automatización e robótica industrial para completar o proceso de selección.
5/07/21
Rematado o prazo de presentación, foron publicadas as listaxes provisionais de solicitudes de admisión a proxectos de formación profesional dual para o curso 2021/22. Ábrese agora o prazo de presentación de reclamacións contra estas listaxes, ata as 13:00 horas do mércores 7 de xullo.
A relación definitiva de solicitantes publicarase o 8 de xullo e do 8 ao 14 establécese o período de selección por parte das entidades colaboradoras.
No I.E.S. Manuel Chamoso Lamas impartiranse tres ciclos na modalidade de FP dual. As persoas solicitantes serán convocadas entre o 8 e o 14 de xullo para acudir ao centro e ser entrevistadas polos representantes das empresas colaboradoras
O vindeiro curso ofertaremos no noso centro dous novos ciclos na modalidade de FP dual:
Atención aos prazos do proceso de admisión !!
17/06/21
RECUNCAMOS !!!
O vindeiro mes de setembro comezaremos unha nova edición (terceira consecutiva) do Ciclo Superior de Automatización e robótica industrial.
Atención aos prazos do proceso de admisión !!
15/04/21
O vindeiro luns 19 de abril incorporaranse ás empresas os alumnos de primeiro curso do Ciclo Superior de Automatización e robótica industrial, para continuar a sua formación. O pasado 1 de marzo fixérono os de segundo curso, que en setembro rematarán os seus estudos.
18/03/21
Seguimos a traballar en prol da FP dual do noso centro:
A sanidade urxe formación en equipos de electromedicina.
O pasado 26 de febreiro tivo lugar unha reunión entre representantes do Concello, do I.E.S. Manuel Chamoso Lamas e das empresas GRI Towers Galicia, S.L. e Talleres Dizmar, S.L. para impulsar a implantación no centro do C.M. de Soldadura e caldeiraría.
26/11/20
O vindeiro luns 30 de novembro terá lugar a II Feira (edición virtual) adicada á FP dual que organiza a Cámara de comercio de A Coruña. A Consellería de Cultura, Educación e Universidades estará presente cun stand virtual e participará en varias conferencias.
Toda a información, neste enlace.
Os días 8 e 9 de outubro tivo lugar o VI Foro da Alianza para a FP dual , desta volta en formato online. Este encontro anual sobre a FP dual en España foi coorganizado pola Fundación Bertelsmann e a Cámara de Comercio de España, e cofinanciado polo Fondo Social Europeo.
A Rede galega de dinamización da FP dual, da que forma parte o I.E.S. Manuel Chamoso Lamas, foi incluída entre 6 iniciativas e proxectos clave da FP dual.
Podes ver aquí a ponencia sobre REGAdual de Xesús Manuel Rodríguez Buján, xefe do servizo de Ordenación e Formación Profesional da Consellería de Cultura, Educación e Universidade.
O pasado 23 de setembro comezou o curso coa normalidade que permiten as actuais circunstancias.
Na nova edición do Ciclo Superior de Automatización e robótica industrial incorporáronse oito novos alumnos; está previsto que continuen a sua formación a partir de abril en seis empresas. No segundo curso do ciclo continuan os seus estudios sete alumnos.
20/07/20
Véñense de publicar as listaxes de persoas con praza adxudicada para proxectos de formación profesional dual para o curso 2020/21.
No noso centro foron seleccionadas oito persoas para cursar o Ciclo Superior de Automatización e robótica industrial. Parabéns a todas elas, deberán agora matricularse antes do día 27 de xullo ás 13:00 horas.
15/07/20
Hoxe publicáronse as listaxes definitivas de solicitudes de admisión a proxectos de formación profesional dual para o curso 2020/21.
Finalmente foron 15 as persoas interesadas en cursar o Ciclo Superior de Automatización e robótica industrial no I.E.S. Manuel Chamoso Lamas. O vindeiro venres 17 de xullo continuarase co proceso de selección por parte das entidades colaboradoras.
9/07/2020
Rematado o prazo de presentación, foron publicadas as listaxes provisionais de solicitudes de admisión a proxectos de formación profesional dual para o curso 2020/21. Ábrese agora o prazo de presentación de reclamacións contra estas listaxes, ata as 13:00 horas do luns 13 de xullo.
A relación definitiva de solicitantes publicarase o 15 de xullo e do 15 ao 17 establécese o período de selección por parte das entidades colaboradoras.
Houbo 14 solicitudes para cursar o Ciclo Superior de Automatización e robótica industrial no I.E.S. Manuel Chamoso Lamas. As persoas solicitantes serán convocadas entre o 15 e o 17 de xullo para acudir ao centro e ser entrevistadas polos representantes das empresas colaboradoras.
24/06/2020
|
En setembro comezará a impartirse no noso centro unha nova edición do Ciclo Superior de Automatización e robótica industrial na modalidade de FP dual.
Serán 11 alumnos os que poderán cursar este ciclo. Atención aos prazos do proceso de admisión !!! |
20/06/2020
Publicado o calendario de admisión a ciclos de formación profesional e FP dual para o curso 2020/2021. Prazo de presentación de solicitudes do 25 de xuño ás 9.00 ao 8 de xullo ás 13.00 horas.
Consulta aquí as principais datas do proceso de admisión á FP dual.
18/06/2020
Outro dos nosos alumnos incorporarase o luns 22 de xuño á empresa Inplasor Galicia, S.L. para comezar o seu período de formación na empresa.
Convocadas axudas económicas para o alumnado que realiza formación práctica en centros de traballo ou FP dual. Consulta aquí a convocatoria.
18/05/2020
O día 1 de abril era a data prevista para que os alumnos do Ciclo Superior de Automatización e robótica industrial comezaran a sua estadía nas empresas. Logo de ter que ser suspendida dita incorporación pola situación creada pola pandemia do Covid-19, o pasado xoves 14 de maio principiaron dous alumnos o período de formación na empresa Gri Towers Galicia, S.L. Hoxe, luns 18, farano tres alumnos máis na empresa Aceites Abril, S.L. e outro na empresa Robimat Sistemas, S.L.
Outros catro alumnos terán que agardar a que as circunstancias permitan o inicio das suas prácticas.
