Complementarias

Olimpíada Matemática Galega 2018

O pasado xoves, 26 de abril, tivo lugar a fase local da Olimpíada Matemática Galega de 2º de ESO. Esta fase serve como clasificatoria para a fase final, que se celebrará o 24 de maio no Círculo de Belas Artes de Lugo. Este ano 31 alumnos da comarca de Ferrolterra disputaron esta fase no IES Canido. Desexámoslles moita sorte a todos.

Conferencia do profesor Aurélio Fabião Ginja

Aurélio Fabião Ginja, profesor na Universidade Politécnica de Moçambique, visitou o noso instituto e o alumnado de 1º de Bacharelato e o de Portugués de 1º de ESO puideron coñecer na súa conferencia diversos aspectos da realidade mozambicana e da tradición oral deste país lusófono africano.

Participación no Concurso de Relato de Coca Cola

O venres 16 de marzo os alumnos de 2º ESO Noelia Amigo, Irene Fernández e Sergio Pérez acudiron á 58 edición do concurso "Jóvenes talentos de relato corto" na Universidade da Coruña, acompañados pola súa profesora de Lingua Castelá Raquel Ramilo. Desexámoslles moita sorte aos tres!

Charla do Pobo Saharaui

O alumnado de 2º de ESO asistiu o pasado martes, día 13, a unha charla na que Maite e Hassan, representantes da Asociación Solidariedade Galega co Pobo Saharaui, non só explicaron como é a vida no Sahara Occidenta e nos campos de refuxiados de Tinduf, senón que tamén lles deron a coñecer o proxecto Vacacións en Paz, un programa de acollida de nenos e nenas saharauis nos meses de xullo e agosto.

 

Antroido 2018

 

Como todos os anos, a nosa compañeira Carmen Cuesta editou un vídeo cos momentos máis salientables da xornada do día 9 de febreiro, incluíndo o pasacalle pola bisbarra e as actuacións no salón de actos.

 

 

 

Distribuir contido