Con certo atraso debido a problemas técnicos compartimos imaxes da actividade de introdución á capoeira que tivo lugar no ximnasio do noso centro e na que participou o alumnado de 2º de ESO.

 Como todos os anos, a comunidade educativa do IES Canido participou na vida cultural e nas tradicións do noso barrio.

Nesta cuarta edición do certame que premia os mellores textos inéditos, microrrelatos, micropoesías e microteatro, Sara Romaní Yáñez, alumna nosa de 4º de ESO, obtivo o 1º premio na categoría C(2º ciclo de secundaria) co seu relato Un enorme río delas.

O sábado 28 de abril, nun acto que tivo lugar na capela do Centro Cultural Torrente Ballester, o alcalde e o concelleiro de Normalización Lingüística entregáronlle o galardón.

Os nosos parabéns a Sara, que aparece na foto a segunda pola dereita.

Máis información, no Diario de Ferrol.

O alumnado do IES Canido asistiu o pasado 26 de abril á presentación do 2º capítulo de "Ferrol en Lila Mola". Protagonizado por Ángela Ruíz Robles, Marián Bañobre, Patricia Rodríguez e Manuela López, fai unha breve reflexión sobre as mulleres que fixeron e están a facer cousas na nosa cidade.

O pasado xoves, 26 de abril, tivo lugar a fase local da Olimpíada Matemática Galega de 2º de ESO. Esta fase serve como clasificatoria para a fase final, que se celebrará o 24 de maio no Círculo de Belas Artes de Lugo. Este ano 31 alumnos da comarca de Ferrolterra disputaron esta fase no IES Canido. Desexámoslles moita sorte a todos.