A Consellería habilita unha partida de 450.000€ (Resolución do 10 de Xuño de 2022) para o financiamento das probas de nivel para a certificación de competencias en linguas estranxeiras dirixidas ao alumnado que no curso 2022-23 estea matriculado en 4º curso de Educación Secundaria Obrigatoria e na etapa de Bacharelato. O financiamento é de 100€ por proba e alumno que se lle outorgará a cada centro e que abranguerá a realización das probas das destrezas orais e escritas e a certificación correspondente.
Os estudantes que participen nela poderán certificar a súa competencia lingüística nos niveis B1, B2 ou C1 do Marco Europeo de Referencia para as Linguas do Consello de Europa (MCERL).
Cada alumno poderá matricularse nunha única proba dunha lingua estranxeira, que será, preferentemente, a que curse como primeira lingua estranxeira.
O alumnado interesado debe entregar no IES de Canido con data límite o 15 de xullo ás 13 horas o seguinte compromiso individual do alumnado/familia
Atentamente, o equipo directivo