Foto da nova na Voz de Galicia
A ex-alumna do IES Canido María Gabía Rascado recibiu o premio extraordinario de bacharelato no acto de entrega que se celebrou o pasado venres 24 de marzo no Gaiás.
No acto, ao que tamén asistiu o director do noso centro, o presidente da Xunta de Galicia entregou os premios extraordinarios de Bacharelato, FP, Música, Danza e Artes Plásticas. Na categoría de Bacharelato outorgáronse 20 premios, aos que se presentaron case 360 dos mellores alumnos galegos. Digno de salientar é que María foi a única alumna que sobrepasou 28 puntos de 30 posibles na proba, que constou no seu caso de exames de Análise de Texto, Inglés e Latín.
A nova apareceu na TVG e na Voz de Galicia, entre outros medios.