Club de lectura

"Donde los árboles cantan" de Laura Gallego, vindeira lectura do Club

A vindeira lectura do club é:
Carátula
 

"Donde los árboles cantan"
de Laura Gallego

S.M., 2012

Algunhas historias escóitanse... outras vívense. Viana, a única filla do duque de Rocagrís, está prometida ao mozo Robian de Castelmar dende que ambos os dous eran nenos. Os dous ámanse e casarán en primavera. Non obstante, durante os festexos do solsticio de inverno, un arisco montaraz advirte ao rei de Nortia e os seus caballeros da ameaza dos bárbaros das estepas e tanto Robian coma o duque vense obrigados a marchar á guerra. En tales circunstancias, unha doncela como Viana non pode facer outra cousa que esperar o seu regreso e, talvez, poñer atención ás lendas que se contan sobre o Gran Bosque o lugar onde as árbores cantan.

 

Xuntarémonos para comentalo o martes 13 de xaneiro,
de 15:15 a 16:00 h.

Axiña terás novos exemplares na biblioteca do centro.

"Palabras de auga" de Marcos Calveiro, primeira lectura do curso

A vindeira lectura do club é:
Carátula
 

"Palabras de auga"
de Marcos Calveiro

Ed. Xerais, 2012

O xamán Mkebe ordenou a todos os membros do clan dos Wakati da tribo dos Kimba que abandonasen o país Lomba coa esperanza de atopar unha terra mellor con auga abondosa. Dende entón, homes e mulleres camiñan, baixo un sol abrasador, a sabana poeirenta sen saber que lles pode deparar o futuro. Amadou aprenderá da súa nai a colleitar o alimento agochado nos formigueiros, mais tamén, como afouto guerreiro, haberá de se enfrontar axiña cos perigos da caza e da procura de Numba, o seu irmán maior, desaparecido no campamento dos nenos soldado. Palabras de auga é unha viaxe cara ao interior do continente africano e da súa cultura, mais tamén un camiño iniciático cara á madurez. Un relato emocionante, cativador e conmovedor.

Fonte: Ed. Xerais

 

Xuntarémonos para comentalo o martes 4 de novembro,
de 15:15 a 16:00 h.

Axiña terás un exemplar na biblioteca do centro.

Reunión do Club de Lectura Raíña Lupa

Se queres formar parte do club de lectura Raíña Lupa durante este curso, anótate ou confirma a túa continuidade na biblioteca nun dos recreos.

Xuntarémonos o mércores 1 de outubro no segundo recreo no punto de encontro, ao lado do taboleiro do Club de Lectura (en fronte da Secretaría).

"Kafka e a boneca viaxeira", vindeira lectura do Club

A vindeira lectura do club é:
Carátula
 

"Kafka e a boneca viaxeira"
de Jordi Sierra i Fabra

Galaxia, 2012

Velaquí un libro que fala dun misterio: o que xunguiu o escritor Franz Kafka cunha nena que perdera a súa boneca. Para consolala, o grande escritor foille contando, a través de cartas, o periplo polo mundo da boneca perdida.

Fonte: Ed. Galaxia

 

Xuntarémonos para comentalo o martes 17 de xuño.

Tedes dous exemplares da obra na biblioteca, un en galego e outro en castelán.

Nova lectura do club: "Las luces de septiembre"

A vindeira lectura do club é:
Carátula
 

"Las luces de septiembre"
de Carlos Ruiz Zafón

Planeta, 2013

Un misterioso fabricante de xoguetes que vive recluído nunha xigantesca mansión poboada de seres mecánicos e sombras do pasado... Un enigma en torno a estrañas luces que brillan entre a néboa que rodea o illote do faro. Unha criatura de pesadelo que se oculta no máis profundo do bosque...
Estes e outros elementos tecen a trama do misterio que unirá a Irene e Ismael para sempre durante un máxico verán en Baía Azul. Un misterio que os levará a vivir a máis emocionante das aventuras nun labiríntico mundo de luces e sombras.

Fonte: Carlos Ruiz Zafón

 

Xuntarémonos para comentalo o martes 20 de maio.

Tedes dous exemplares da obra na biblioteca

Nova lectura do club: "Cartas de inverno"

A vindeira lectura do club é:
Carátula
 
"Cartas de inverno" de Agustín Fernández Paz
Ed. Xerais, 2007
Despois dunha longa estadía en Québec, o escritor Xabier Louzao volve a Galicia e atopa as cartas que o seu amigo Adrián lle escribira na súa ausencia. Unhas cartas que, nunha espiral de enigmas, descobren os estraños sucesos que está a vivir Adrián na súa nova casa e que levan a Xabier a acudir na súa axuda. Pero alí, na vella casa colonial, os dous amigos terán que enfrontarse a misterios que tal vez as persoas nin tan sequera somos quen de imaxinar. A narración está estruturada ó xeito das monecas rusas: unha voz (en terceira persoa) que dá paso a outra voz (en primeira), que a súa vez dá paso tamén a outra voz (tamén en primeira persoa). E cando esta acaba, unha recuperación escalonada e simétrica das voces anteriores. Cartas de inverno recibiu o Premio Rañolas, ó mellor libro infantil e xuvenil galego do ano 1995.
Fonte: Ed. Xerais

 

Xuntarémonos para comentalo o martes 25 de marzo.

Os que non entregastes a autorización na reunión pasada traédea para cubrir a nova data.

"A evolución de Calpurnia Tate" , vindeira lectura do Club Raíña Lupa

A próxima lectura do curso é:

La evolución de Calpurnia Tate
A evolución de Calpurnia Tate
 

"La evolución de Calpurnia Tate" = "A evolución de Calpurnia Tate"
de Jacqueline Kelly

Rocabolsillo, 2011 :: Faktoria K de Libros, 2013

 

Observar o mundo con curiosidade non era o que se agardaba dunha señorita de boas maneiras. Mais a Calpurnia interésanlle as teorías científicas de Darwin máis que conformarse coas limitacións dun destino predeterminado. No verán de 1899, a protagonista desta historia aprenderá a ser naturalista.


Fonte: Kalandraka

 

Xuntarémonos para comentalo o martes 18 de febreiro

Dispoñemos de exemplares na biblioteca do centro

Nova lectura para o club: "Engurras" unha novela gráfica de Paco Roca

A próxima lectura do curso é:

Arrugas
  Engurras
 
"Arrugas" = "Engurras" de Paco Roca
Astiberri, 2011 :: El Patito Editorial, 2012
 

O recoñecido debuxante Paco Roca (Valencia, 1969) consegue artellar en Engurras unha narración baseada na humanidade dos personaxes, de aí que poida interesar a lectores de calquera idade malia falar da dexeneración senil e do alzhéimer. Emilio, un antigo empregado da banca, é internado pola súa familia nunha residencia de anciáns e aos poucos vai aceptando ese novo domicilio, as súas regras e as rutinas diarias. Mais a súa memoria comeza a se borrar, por moito que tente contrarrestar ou agochar os efectos da enfermidade. Engurrasconta con precisión e dende unha ollada intimista non exenta de dureza esa batalla contra a vellez, ata que as súas páxinas se volven totalmente brancas. Unha conmovedora historia, que mereceu o Premio Nacional de Cómic en 2008 e que conta xa con adaptación ao cinema.


Fonte: El Patito Editorial

 

Xuntarémonos para comentalo o martes 14 de xaneiro de 15:15 a 16:15 h.

Dispoñemos de exemplares na biblioteca do centro

Primeira lectura do curso no Club Raíña Lupa

A primeira lectura do curso é:
Carátula
 
"As voces baixas" de Manuel Rivas
Ed. Xerais, 2012
Esta obra é unha construción de humor e dor. Unha novela da vida para chorar e rir. Quen son as voces baixas? Son as criaturas, os nenos e nenas, as mulleres que falan soas, os mortos, os animais... É a ironía a que sostén as palabras, a que terma das «voces baixas» para que non se afundan, para que resistan e mesmo procuren unha segunda vida á marxe das relacións de dominio e poder, nun entroido existencial. En As voces baixas o eu anda á procura do nós. É un libro no que se entrelazan a memoria persoal e a colectiva. Dende o primeiro medo, o que lle provocan uns cabezudos que resultan ser figuras dos Reis Católicos, o narrador asiste á descuberta da vida por mor da existencia extraordinaria da xente do común. O barrio de Monte Alto, a aldea urbana de Castro de Elviña, o lugar de Corpo Santo, coa luz do faro de Breogán, a prisión provincial, o cemiterio de Santo Amaro, o poboado céltico, o Monte Xalo onde as nenas pastoras pisan o sol, a escaleira onde os nenos clandestinos escoitan os murmurios da imaxinación... Unha xeografía real para un pobo marabilloso: as «voces baixas» que non queren dominar e que se alimentan de contos.
Fonte: Ed. Xerais

 

Xuntarémonos para comentalo o martes 5 de novembro de 15:15 a 16:15 h.

Reunión do Club de Lectura Raíña Lupa

Se queres formar parte do Club de Lectura durante o curso 2013-2014, anótate na Biblioteca nun dos recreos. Axiña comezaremos coas xuntanzas, onde escolleremos un libro que leremos e comentaremos, poñendo en común as nosas opinións.

A primeira reunión será o mércores 2 de outubro no segundo recreo na sala de exposicións (ao lado da cafetería).

Distribuir contido