Novas

PRESENTACIÓN DO ALUMNADO. CURSO 2017/18

Enviado por admin o Mar, 05/09/2017 - 13:10

O día de presentación do curso e recepción do alumnado por parte dos titores será o venres 15 de setembro de 2017. Levarase a cabo en tres quendas:

Das 11:30 ás 12:30

1º de ESO (porta principal)
2º de ESO (porta do patio)

Das 12:15 ás 13:00

1º e 2º de Bacharelato (porta principal)

Das 12:45 ás 13:30

3º de ESO (porta principal)
4º de ESO (porta do patio)

Nota: Hai transporte escolar.
O día 18 xa haberá clases con normalidade.

ENTREGA DE NOTAS

Enviado por admin o Mar, 05/09/2017 - 11:46

As notas das probas extraordinarias de setembro do alumnado da ESO e 1º de bacharelato entregaránse o vindeiro xoves día 7 ás 10:00 horas.

IES DE BRIÓN. CENTRO E-DIXGAL

Enviado por admin o Lun, 24/07/2017 - 12:15

O IES de Brión foi seleccionado para participar no proxecto de Educación Dixital E-Dixgal.

O alumnado de 1º e 2º de ESO empregará diferentes materiais dixitais como referencia para o desenvolvemento curricular das seguintes materias:

  • 1º ESO:
    Matemáticas, Lingua Galega, EPVA, Igualdade e Xénero, Programación, Educación en Valores e Relixión.
  • 2º ESO:
    Matemáticas, Física e Química, Tecnoloxía, Introdución ao Control e Robótica, Investigación e Tratamento da Información, Educación en Valores e Relixión.

O proxecto Educación Dixital (E-Dixgal) ten como obxecto favorecer a incorporación xeneralizada das tecnoloxías da información e da comunicación (TIC) no desenvolvemento da actividade educativa.
Os centros adscritos a este proxecto terán acceso a unha contorna virtual de aprendizaxe cos contidos gratuítos proporcionados pola Consellería de Cultura, Educación e Ordenación Universitaria. Os centros deberán utilizar para o desenvolvemento curricular materiais de referencia dixitais, que poden proceder desta contorna e/ou proporcionados polo centro. Se o centro conta con libros e outros materiais didácticos poderán empregarse como complemento ou apoio.

FOLGA DE TRANSPORTE

Enviado por admin o Mar, 20/06/2017 - 00:50

O IES de Brión emite unha circular informativa con motivo da folga do transporte de viaxeiros convocada para os vindeiros días 20 e 21 de xuño, e as súas posibles consecuencias no transporte escolar.

Accede ao documento

PREMIO IGACIENCIA 2017

Enviado por admin o Lun, 19/06/2017 - 23:47

O proxecto "Interpretación Virtual Interactiva" desenvolvido por alumnado de Tecnoloxía Industrial I e Debuxo Técnico I, resultou premiado no certame "Sensores para todos", promovido por Igaciencia.

O luns 19 de xuño, o alumnado desprazouse ao IES Ramón Menéndez Pidal, en A Coruña, para recoller o premio nun acto presidido pola Directora do centro, Mª Estrella Pérez, o Presidente de Igaciencia, Manuel Díaz, o Alcalde da Coruña, Xulio Ferreiro, e o Secretario Xeral de Política Lingüística, Valentín García.

Logo da entrega de diplomas, o alumnado tivo a oportunidade de realizar unha breve exposición do seu traballo e unha demostración do funcionamento dos prototipos creados.

Premios de Igaciencia nos medios:

Save

Save

PREMIO DE PINTURA

Enviado por admin o Ven, 16/06/2017 - 11:02

"A mirada da guerra", de Pedro Gronzo Aniceto, alumno de 4º de ESO, acadou o primeiro premio no duodécimo certame de pintura ¨Negreira en cor", promovido polo Concello de Negreira.

Parabéns!

1. Entidade adxudicadora:

a) Organismo. IES de Brión.

b) Obtención de documentación e información. Oficina de Administración.

1) Enderezo: Paseo de Pedrouzos nº 3.

2) Localidade e código postal: Brión, 15865.

3) Teléfono:  881866058.

4) Fax: 881866074.

5) Correo electrónico. ies.brion@edu.xunta.es.

6) Data límite de obtención de documentación e información: 15 días naturais dende a publicación do presente anuncio.

2. Obxecto do contrato:

a) Tipo. Xestión de servizos.

b) Descripción. Servizo de xestión e explotación da cafetería do IES de Brión para o curso escolar 2017/18.

3. Tramitación e procedemento:

a) Tramitación. Ordinaria.

b) Procedemento. Aberto.

c) Criterios de adxudicación. Oferta económicamente máis ventaxosa e calidade e prezo dos produtos ofertados coa posibilidade de presentación de variantes e melloras.

4. Canon mínimo de licitación:

a) Importe. Unha cantidade de trescentos cincuenta e cinco euros con sesenta céntimos(355,6 €) que o licitador pagará á Consellería de Cultura, Educación e O. U. en concepto de canon pola prestación do servizo.

5. Garantías esixidas. Definitiva: trescentos euros (300,00 €).

6. Presentación de ofertas:

a) Data límite de presentación de ofertas. 15 días naturais dende a publicación do presente anuncio. No caso de que o último día fora sábado ou inhábil entenderase prorrogado ata o primeiro día hábil seguinte.

b) Lugar de presentación. Oficina de Administración do IES de Brión.

Brión, 9 de xuño de 2017. O Director do IES de Brión: José Antonio Caneda Vidal

Dous traballos do alumnado de Programación foron seleccionados como finalistas na segunda edición do certame “Deseño de aplicacións informáticas coa ferramenta Scratch” convocado polo Colexio Profesional de Enxeñería Técnica en Informática de Galicia e ligado ao programa “Aprendo programando” do “Plan proxecta“.

As propostas seleccionadas, este ano ao redor do tema "convivir en igualdade", foron as seguintes:

"Igualdade (the game)" realizado por Sara Molinos Carro, Manuel Fernández Vázquez e Daniel Blanco Sanz.

"As resposta segredas" realizado por Clara García Figueiras e Candela Pérez Tomé.

Parabéns!

Save

Save

Save

No DOG do 22 de maio do 2017 publícase a Orde do 16 de maio de 2017 pola que se regula a participación no fondo solidario de libros de texto e se convocan axudas para adquirir libros de texto e material escolar destinadas ao alumnado matriculado en educación secundaria obrigatoria en centros docentes sostidos con fondos públicos para o curso escolar 2017/18.

FONDO SOLIDARIO DE LIBROS DE TEXTO: Para todo o alumando que cumpra os requisitos da convocatoria

FONDO PARA MATERIAL ESCOLAR: Para todo o alumnado que cumpra os requisitos da convocatoria

O PRAZO PARA PRESENTAR AS SOLICITUDES REMATA O 23 DE XUÑO DO 2017

Carlos Callón, activista polos dereitos das persoas LGTBI

Enviado por Anónimo o Lun, 22/05/2017 - 12:08

Hai uns días tivemos a sorte de contar en RadioEmbrión con Carlos Callón, escritor, profesor e activista galego tal e como el mesmo se define. Nesta ocasión reflexionou cun marabilloso grupo de alumnas sobre a situación das persoas LGTBI no ensino público galego. A discriminación -evidente ou soterrada- que aínda existe, os prexuízos cara o alumnado e o profesorado non heterosexual, os avances acadados nos últimos anos...Inés, Alba, Clara, Cristina e Andrea preguntaron e fixeron reflexións interesantísimas con Carlos, e creo que todas quedamos coa sensación de que o programa (que podedes escoitar aquí) fíxose curto e teriamos falado e preguntado moitísimo máis!

Ademais deste programa organizado directamente polo departamento de orientación, gravouse outro igual de interesante dende o Equipo de Normalización Lingüística. Foi tan apaixoante a conversa con Carlos sobre a nosa lingua que a gravación quedou moi longa e houbo que cortala en dúas partes para subila á web. Aquí tedes a primeira entrega. E, de novo, é un orgullo contar con alumnas como Alba, Leda e Laura, que participan na entrevista.

Moitísimas grazas a Carlos e a estes dous EQUIPAZOS de alumnas <3

Distribuir contido


Feito con Drupal (ver. 6.28)

 


Proxecto Webs dinámicas

Xunta de Galicia - Consellería de Educación, 2013
Drupal theme by Kiwi Themes.