IES de Brión

SAÍDA Á FACULTADE DE QUÍMICA E AO CICUS

Enviado por admin o Dom, 20/11/2011 - 15:07

O alumnado de Física e Química de 1º e 2º de bacharelato realizará unha saída o vindeiro día 25 de novembro á Facultade de Química da USC e ao CIQUS, dentro do programa "Acércate á Química!".

Entre outras actividades terán a oportunidade de visitar a exposición "Entre moléculas", producida polo CSIC con motivo do Ano Internacional da Química.

Actividades

VISITA Á PLANTA DE TRATAMENTO DE LIXO DE LOUSAME E AO PARQUE NATURAL DE CORRUBEDO

Enviado por Anónimo o Ven, 04/11/2011 - 22:14

Planta de tratamento de residuos sólidos urbanos de Servia. Lousame.

Vista do Parque Natural de Corrubedo

Que pasa co lixo unha vez que o botamos no colector? A onde van parar as botellas de plástico? Que é compost? ...

Estas e outras preguntas terán cumprida resposta na visita que o alumnado de 3º de ESO vai facer o próximo día 11 á Planta de tratamento de lixo de Lousame.

Organizada polos departamentos de Bioloxía e Xeoloxía e Tecnoloxía esta saída completarase cunha visita ao Parque natural de Corrubedo, un espazo natural protexido dun gran valor ecolóxico, como poderemos comprobar; ademais de apreciar "in situ" o traballo do vento e o mar durante anos e anos para modelar unha paisaxe única.

PROGRAMA DE PREVENCIÓN DE DROGODEPENDENCIAS

Enviado por admin o Xov, 03/11/2011 - 17:03

Esta semana Sagrario Ferreira Pernas comeza a impartir unha serie de charlas dirixidas ao alumnado dos direrentes niveis da ESO no marco do programa de prevención de drogodependencias que anualmente desenvolvemos no IES conxuntamente con outros centros educativos de Brión, Ames e Negreira.

DÍA DA CIENCIA EN GALEGO

Enviado por admin o Xov, 03/11/2011 - 00:52

O Coodinadora Galega de ENDL organiza para o día da ciencia en galego unha videoconferencia a cargo do profesor Ángel Carracedo,Catedrático de Medicina Legal e director do Instituto de Medicina Legal e do Grupo de Medicina Xenómica da USC.

A videoconferencia "Aplicacións da investigación xenética: o seu uso na práctica policial" terá lugar o vindeiro venres 4 de novembro de 12:30 a 13:30.

Unha introdución sobre o ADN será o punto de partida para achegar as aplicacións da xenética no campo da investigación forense, área no que os grupos de investigadores liderados por Ángel Carracedo lideran a produción científica mundial.

No noso centro será o alumnado de 1º de bacharelato e 2º de bacharelato científico tecnolóxico o que terá a oportunidade de asistir ao evento.

Actividades

CREACIÓN DUN ESPAZO ARBÓREO AUTÓCTONO. PRIMEIROS PASOS

Enviado por admin o Dom, 23/10/2011 - 21:43

O venres 5 de novembro levouse a cabo a primeira fase do proxecto que se vai desenvolver durante este curso, incluído no programa Voz Natura
Os primeiros labores realizados foron o acondicionamento do terreo e a colocación do invernadoiro no que se instalará un pequeno horto ecolóxico, e que se usará, ademais, para a sementeira das árbores autóctonas coas que se vai facer unha experiencia de repoboación dun bosque da comarca.
O Departamento de Bioloxía, encargado de coordinar estes traballos, fará unha estratificación de diferentes sementes recollidas por alumnado e profesorado interesado en colaborar co proxecto.
En breve disporemos tamén dun pequeno composteiro para residuos orgánicos domésticos.

APROBA TODO O ALUMNADO QUE SE PRESENTOU Á PAU EN SETEMBRO

Enviado por admin o Dom, 25/09/2011 - 22:23

Aprobou o 100% do alumnado de 2º de Bacharelato do IES de Brión que se presentou este mes de setembro á Proba de Acceso á Universidade.

Parabéns.

Novas

Enlaces primarios