SOBRE GALICIA INDUSTRIAL
Enviado por Anónimo o Xov, 24/04/2014 - 17:49O IES de Brión acolle desde o 22 de abril ata o 6 de maio a exposición "Sobre Galicia Industrial".
A exposición forma parte do proxecto Intercentros de de educaBarrié do 2013, "Sobre Galicia Industrial" , que xorde a partir da exposición orixinal da Fundación Barrié "Galicia Industrial". Galería de imaxes da exposición orixinal. Documental da exposición "Galicia Industrial"
Para máis información sobre o proxecto podes ver o seguinte vídeo:
SAÍDA EDUCATIVA FIN DE ETAPA
Enviado por admin o Lun, 07/04/2014 - 01:1727 alumnos e alumnas de 4º ESO participan este ano na saída educativa fin de etapa.
Comezaron a súa viaxe o pasado sábado 5 de abril, e voltarán o vindeiro venres 11.
Visitarán Salamanca, Ávila, Toledo e Segovia.
Vista do embalse de Aldeadávila, Aldeadávila de la Ribera, Salamanca. Situado no Parque Natural de Arribes del Duero.
Vista das torres da fachada da Universidad Pontificia de Salamanca dende o patio interior da Casa de las Conchas
ENTREVISTA A CRISTINA E ANA, RESPONSABLES DA CAFETERÍA DO CENTRO
Enviado por admin o Ven, 04/04/2014 - 16:36O alumnado de 1º ESO B entrevistou na cafetería do IES de Brión a Cristina e Ana, que dende este curso asumiron este traballo. Falánronnos de receitas segredas, pizza versus froita, proxectos e moitas máis cousas.
PREMIO NACIONAL DE EDUCACIÓN
Enviado por Anónimo o Mér, 02/04/2014 - 23:04
|
A ex-alumna do IES de Brión Ana Souto Villanustre acaba de obter o Premio Nacional de Educación no ensino non universitario, na categoría de rendemento académico do alumnado, correspondente a Bacharelato do curso 2012/13. Únicamente quince alumnos/as en todo o estado acadaron o premio, ocupando Ana o oitavo posto. Parabéns, Ana, polo novo éxito acadado.
|
AXUDAS PARA A REALIZACIÓN DE ACTIVIDADES DE FORMACIÓN EN LINGUAS ESTRANXEIRAS NO ANO 2014
Enviado por Anónimo o Lun, 31/03/2014 - 11:19
A Consellería de Cultura, Educación e Ordenación Universitaria convoca prazas destinadas ao alumnado de ESO e Bacharelato para actividades de aprendizaxe de linguas estranxeira. Poderá solicitar estas axudas o alumnado de centros sostidos con fondos públicos da Comunidade Autónoma Galega. O prazo para acceder a esta convocatoria vai desde o 28 de Marzo ata o 28 de abril Para máis información acceder ao cartaz informativo Para solicitar a axuda accede á páxina web https://www.edu.xunta.es/axudasle/ |
VISITA Á CASA DAS CIENCIAS, MUNCYT E ACUARIO
Enviado por Anónimo o Xov, 20/03/2014 - 17:10Os departamentos de Ciencias da Natureza e Tecnoloxía organizamos na cidade de A Coruña as visitas a:
para o alumnado de 2º de ESO, o martes, 1 de abril do 2014, de 8:30 a 17:55 horas
VISITAS A CENTROS DE INVESTIGACIÓN
Enviado por Anónimo o Mér, 19/03/2014 - 00:57O alumnado de Ciencias de Bacharelato visita durante esta semana varios centros de investigación do Campus Vida da Universidade de Santiago de Compostela:
- O alumnado de Tecnoloxía Industrial I, o 19 de marzo visita o CITIUS ( Centro Singular de Investigación en Tecnoloxías da Información) e o CIQUS ( Centro Singular de Investigación en Química Biolóxica e Materiais Moleculares)
- O alumnado de Bioloxía de 1º e 2º de Bacharelato, visita o 21 de marzo o IDIS ( Instituto de Investigación Sanitaria de Santiago de Compostela)
ENTREVISTA A MARTA GONZÁLEZ, DEPUTADA E VECIÑA DE BRIÓN, EN RADIO emBRIÓN
O alumnado de 1º B, na materia de Proxecto Interdisciplinar, entrevistou a Marta González Vázquez, deputada do PP no Congreso dos Deputados pola provincia de A Coruña, en RADIO emBRIÓN. Marta falounos do seu traballo político, do descrédito que ten hoxe a actividade pública e do traballo das comisións nas que participa (a de igualdade e a de RTVE). Tamén falou do seu traballo como historiadora e do seu paso pola Xunta de Galicia como Secretaria de Igualdade. |
|
UNHA CEBRA NA AUGA: PROXECTO EN MARCHA
Enviado por Anónimo o Mér, 12/03/2014 - 21:45Xa temos instalado no laboratorio de Bioloxía un acuario con 9 peixes cebra!
O IES de Brión participa no proxecto "Unha cebra na auga" promovido polo Departamento de Xenética da USC, dende a Facultade de Veterinaria en Lugo.
O proxecto trata de achegar a investigación científica ao alumnado e para iso traballaremos cos peixes cebra que temos xa no acuario e cun laboratorio virtual onde nos convertiremos en xenetistas: facendo cruzamentos, creando transxénicos, etc. Polo de pronto o comité de "expertos" en acuarios de Bioloxía de 4º de ESO xa fixo a montaxe deste e as primeiras análises indican que a auga está en perfectas condicións... Estamos en marcha, intentaremos chegar a bo porto.
ISAAC DÍAZ PARDO. LUZ E COMPROMISO NA PRENSA
Enviado por Anónimo o Mar, 11/03/2014 - 23:54A prensa publicou nos últimos días a nova sobre a exposición "Isaac Díaz Pardo. Luz e compromiso" que acolle o noso instituto ata o 15 de marzo.
Para consultar as novas preme nas seguintes ligazóns:
- « primeira
- ‹ anterior
- …
- 44
- 45
- 46
- 47
- 48
- 49
- 50
- 51
- 52
- …
- seguinte ›
- última »