O PRESTIGE NA REDE

Enviado por admin o Mér, 21/11/2012 - 00:35
A imaxe que deu a volta ao mundo
 
 Fotografía: Xurxo Lobato 
 

As fotografías tomadas polo fotógrafo Xurxo Lobato o 19 de novembro de 2002 no momento do afundimento do Prestige, formaron parte dende o primeiro momento do repertorio iconográfico da Plataforma Nunca Máis, e pertencen, dez anos despois, á memoria colectiva do noso país.

 

Outro Prestige é posible

   

A organización ecoloxísta Greenpeace publicou un informe titulado "Otro Prestige es posible" no que se tratan en profundidade diferentes cuestións sobre a catástrofe do Prestige, logo xa de dez anos; as súas consecuencias, a súa xestión, a inexistencia de medidas para que non se repita, e sobre todo no que se plantexa que hai alternativas ao uso do petroleo, xa que este é a orixe do problema.

 

 

   

Miguel Pardo presenta este informe no seu artigo "Só é cuestión de tempo que ocorra outro Prestige", publicado no xornal dixital Praza Pública.

 

Fotogalería no xornal El País
     
 

Preme na imaxe para acceder á galería

 

Fotografía: Miguel Vidal (REUTERS).

Voluntarios en Ons, Parque Nacional das Illas Atlanticas. 

 

 

 Fotogalería no xornal La Vanguardia
 
Fotografía: X. Rey. Voluntarios en Muxía. 
Preme na imaxe para acceder á galería.

 

Especial Prestige no xornal La Voz de Galicia
     
 

O xornal La Voz de Galicia adica na súa edición dixital unha sección especial á catástrofe do Prestige.

O especial inclúe unha cronoloxía dos acontecementos máis relevantes a través de novas publicadas no propio xornal e varias fotogalerías.

Na sección temas inclúe tamen o especial "Aniversario Prestige", con novas relativas á catástrofe, e en especial ao xuizo que está tendo lugar dende o pasado 16 de outubro.

 

 Dez anos do Prestige no xornal Praza Pública
 
Especial "Dez anos do Prestige" no xornal dixital Praza Pública. Novas e artigos de opinión sobre o tema.
             
     

 

Plataforma Nunca Máis
     

"A Plataforma Nunca Máis foi creada o 21 de novembro, poucos días despois do afundimento do Prestige fronte ás costas galegas. Esta organización aglutinou desde entón a resposta cidadá ao desastre ecolóxico e á xestión levada a cabo polos diferentes gobernos responsables."

"En Nunca Máis está representada a sociedade civil galega a través de máis de 200 asociacións e colectivos de diverso tipo: confrarías de mariñeiros, asociacións culturais, políticas, ecoloxistas, veciñais, sindicais, productores e comercializadores de peixe, etc. A Galiza emerxente reaccionou masivamente ante a catástrofe e creou esta plataforma para esixir responsabilidades políticas tanto ao goberno autonómico como ao estatal e, por suposto, á Unión Europea."

 
 

 

 

Manifesto fundacional de Nunca Máis

 

 Burla negra
 
 

Colectivo sociocultural galego Burla Negra

Manifesto contra o silencio

 

Cuspindo a barlovento
 
     

Producida polo Centro de Estudos Fotográficos de Vigo, Cuspindo a barlovento reune unha serie de fotografías do fotógrafo Manuel Sendón sobre a catástrofe do Prestige.

Así comeza o texto que o músico Xurxo Souto escribe para esta exposición: "Sabemos que home non pode competir coa natureza en beleza. Nesta Fisterra desgraciadamente, descubrimos que pode superala en capacidade de destrución."

 

 

 Infografías animadas
 
A revista on line Waste publicou unhas infografías sobre o afundimento do prestige, as diferentes solucións aportadas, o batiscafo Nautile, as barreiras anticontaminación e a traxectoria da marea negra.
     
 
     
Animación das características do Prestige e evolución  da deriva ata o seu afundimento, publicada por El País  a partir das seguintes fontes: Salvamento Marítimo,  Instituto Nacional de Metereología, WWF/ Adena e a Delegación do goberno en Galicia.  

¿Que facer co fuel sumerxido?

Animación publicada por El mundo sobre solucións plantexadas  para o fuel sumerxido.

 
 

 

 

 

Impacto da marea negra sobre as aves mariñas
   

"A partir do momento no que se afundiu o Prestige, SEO/BirdLife creóu un equipo de coordinación, unha oficina de emerxencia, un operativo de recollida de aves nas praias, elaborou e distribuíu protocolos de manexo de aves e análises post-mortem, creou un centro de rescate en Cantabria, ademais de analizar e evaluar os datos do impacto e coordinarse coas administración públicas e demais organizacións conservacionistas.
No informe ”Impacto de la marea negra del “Prestige” sobre las aves marinas” de SEO/BirdLife recóllese toda a información e danse os resultados do impacto sobre as aves mariñas."

 

 

   

 

 Marea blanca. Un documental de Isabel Coixet
 
 
 
Documental da realizadora Isabel Coixet sobre os voluntarios e voluntarias que colaboraron nas tarefas de limpeza. Producido no marco do proxecto Save the beach.

 

 Parando a marea negra
     
 

Banda deseñada sobre o impacto ecolóxico da marea negra provocada polo afundimento do petroleiro Prestige frente ás costas galegas.

Nº3 da Colección "Ciencia para todos" da Sección de Ciencia, Técnica e Sociedade do Consello da Cultura Galega.

 
Guionista: Marilar Aleixandre
Debuxante: Fran Bueno

 Preme na imaxe para descargar o pdf
   

 

 A balea negra
     
    A balea negra é un proxecto expositivo comisariado por Pedro de Llano para o MARCO de Vigo.

Así se presenta o proxecto na web do museo:

"A BALEA NEGRA é un proxecto expositivo que toma como punto de partida a crise provocada polo accidente do buque Prestige o 13 de novembro de 2002, o mesmo día que se inauguraba o MARCO, para documentar e rememorar aqueles días convulsos e para abordar algunhas das cuestións máis incitantes do noso tempo: a explotación da natureza, o legado do colonialismo, a historia da modernidade, o mito do progreso indefinido, o comercio marítimo, a globalización, os movementos sociais ou a guerra."


 

Man de Camelle no blog La bitácora de Humboldt
 
 
"Las dos vidas y tres muertes de Man de Camelle" no blog "La bitácora de Humboldt".

EN BICI POLO MEDIO... NATURAL

Enviado por Laura Fernández o Ven, 16/11/2012 - 18:14

 

"FAI QUE A TÚA VIDA VAIA SOBRE (2) RODAS"

"COIDA A TÚA SAÚDE E A TÚA CIDADE: USA A BICI"

"BICI IS BEST"

 

Estes, e outros slogans levaban algúns alumnos de Bacharelato e profesores/as no percorrido en bici que fixeron o martes día 6 polo patio do instituto á hora do recreo.

Tratábase de reinvidicar o uso da bici como vehículo que nos axuda a coidar a saúde e o medio natural ao mesmo tempo. Esta actividade levouse a cabo aproveitando a celebración do día da Ciencia e a Tecnoloxía en galego, que este se centraba, tamén, na bicicleta como obxecto tecnolóxico.

PONTE E CÚPULA AUTOPORTANTES

Enviado por admin o Mar, 13/11/2012 - 18:15

Con motivo do Día da Ciencia e da Tecnoloxía en Galego, o alumnado de Tecnoloxía Industrial I e Debuxo Técnico I debuxou e construíu unha ponte autoportante segundo o deseño de Leonardo da Vinci.

A ponte mide 600 cm de longo, 75 cm de ancho e 75 cm no seu punto máis alto. Consta de 14 largueiros de 150 cm de longo e sección cadrada de 3 cm de lado, colocados lonxitudinalmente, e 9 largueiros de 75 cm de longo e sección cadrada de 3 cm de lado, colocados transversalmente.

A ponte foi inicialmente montada no patio do centro e trasladada ao distribuidor de entrada para formar parte da exposición que acolle os traballos sobre o Dia da Ciencia e da Tecnoloxía en Galego.

Tamén construiron xunto ao alumnado de  EPV de 4º ESO unha cúpula autoportante segundo trazados de Leonardo.

Este traballo adquire unha importancia especial no noso centro, debido a que no curso 2010/11 os departamentos de Tecnoloxía, Debuxo e Bioloxía e Xeoloxía desenvolveron un proxecto de deseño e construción dunha cúpula xeodésica para usar como invernadoiro.

   
   
 
     
 

LEONARDO E RAMÓN VEREA

Enviado por centro o Mar, 06/11/2012 - 00:23

Con motivo da conmeración da Ciencia e Tecnoloxía en galego desde o departamento de Tecnoloxía, propoñemos ao alumnado de 4º buscar información e elaborar unha breve presentación sobre os homenaxeados desta edición, Leonardo da Vinci e Ramón Silvestre Verea. Algúns dos resultados do traballo os podemos ver nas seguintes ligazóns:

LEONARDO DA VINCI NA REDE

Enviado por admin o Xov, 01/11/2012 - 12:58
LEONARDO INTERACTIVO
 
   

 

   

 

 

A Biblioteca Nacional de España ofrece como novidade unha versión dixital dos Códices Madrid I e II de Leonardo de Vinci, acompañados de diversos materiais interactivos que permiten comprender un pouco mellor a obra deste polifacético home renacentista.

Imaxe do Códice Madrid I

 

 

 

 

 

 

 


       
         
         
TRATADOS DE LEONARDO NOS FONDOS DA BIBLIOTECA DIGITAL HISPÁNICA
 
         
 

1. Tratados varios de fortificación estática y geometría

Leonardo da Vinci (1452-1519) -  Manuscrito -  entre 1401 e 1500?     

 

2. Tratado de estatica y mechanica

Leonardo da Vinci (1452-1519) -  Manuscrito -  entre 1401 e 1500?     

 

3. El tratado de la pintura

Leonardo da Vinci (1452-1519) -  Libro -  1784
  

   

   
 
 
BIBLIOTECA LEONARDIANA
 
 
e-Leo Archivio digitale di storia della tecnica e della scienza  

A Biblioteca Leonardiana no seu Archivio digitale di storia della tecnica e della scienza permite consultar as versións dixitalizadas do Codice Arundel, do Códice Atlantico, do Códice Leicester, dos Códices de Madrid I e II, do Códice sobre o voo dos paxaros, do Códice Trivulziano, dos Códices Foster I, II e III, dos 12 Manuscritos de Francia, do Libro da pintura,de diversas traducións do Tratado da pintura, e de debuxos anatómicos.

   
 
 
 

MUSEO NAZIONALE DELLA SCIENZA E DELLA TECNOLOGIA

LEONARDO DA VINCI

 
 

O Museo Nazionale della Scienza e della Tecnologia Leonardo da Vinci situado na cidade italiana de Milano, ofrece na súa web exposicións virtuais, vídeos, audios, experiencias on-line e outros documentos sobre Leonardo e a súa obra.

Especialmente destacables son as reconstrucións virtuais de moitos dos mecanismos que deseñou.

 

 

 

 
 
UNIVERSAL LEONARDO
 
 

Universal Leonardo é un proxecto coordinado polo historiador Martin Kemp, no que a través de diversas exposicións europeas, investigacións científicas e múltiples recursos en rede, podemos coñecer en profundidade o traballo de Leonardo da Vinci, os seus manuscritos, invencións, debuxos e pinturas.

Un recurso imprescindible, riguroso, crítico e perfectamente documentado e estructurado, que inclúe unha moi completa biografía e un apartado de actividades.

 
 
 
LEONARDO DA VINCI NO GOOGLE ART PROJET
 
 

A través do Google Art Project pódese acceder á versión dixitalizada en alta calidade de diversas pinturas e debuxos de Leonardo da Vinci expostos en diferentes museos arredor do mundo. 

 

 

 

 

Estudo de dúas cabezas de soldado para a batalla de Anghiari

         
         
         
LEONARDO DA VINCI NO VITORIA & ALBERT MUSEUM
         

O Victoria & Albert Museum de Londres expuso obra de Leonardo baixo o título Leonardo da Vinci: Experience, Experiment, Design.

Neste museo están depositados os Códices Foster I, II e III, dende a morte de John Foster en 1876.

Estudo sobre o movemento perpetuo

 
         
 

 

ii

Códices Foster. Volumes I, II e III   Consulta os Códices Foster
     

 

Podemos ver unha animación en base a un dodecaedro a partir de debuxos e estudos de Leonardo sobre os poliedros regulares.

 

 
     
     
     
LEONARDO DA VINCI NA NATIONAL GALLERY
         
         
A finais do ano pasado e principios deste, tivo lugar na National Gallery de Londres a exposición Leonardo da Vinci. Painter at the court of milan. Esta mostra foi unha das maiores e máis representativas da pintura de Leonardo. Na web desta importante pinacoteca pode consultarse unha gran cantidade de información de interese sobre o artista.
 

 

Nesta web podemos consultar unha serie de vídeos sobre diferentes aspectos da obra de Leonardo, a exposición, e o traballo de conservación.

Destacamos polo seu interese dous vídeos especialmente interesantes, un máis xeral sobre a exposición, outro moi específico no que temos a oportunidade de ver ao prestixioso historiador Martin Kemp falando sobre os debuxos de Leonardo.

 
     
     
     
LA GIOCONDA
     
 


 

Esta famosísima obra pintada por Leonardo entre 1503 e 1506 está exposta no Louvre de París. Na páxina web do museo podemos obter máis información sobre este retrato de sorriso misterioso coñecido como La Gioconda ou Mona Lisa, e que en realidade é o retrato de Lisa Gherardini, esposa de Francesco del Giocondo.

 

   

 

No blog Los grandes robos de arte, da historiadora Montse Díaz, podemos ler o relato do roubo deste cadro no verán de 1911.

Espazo deixado polo cadro ao ser roubado

   


   


 

O Museo Nacional del Prado en Madrid, conserva na súa colección unha copia de La Gioconda, contemporánea da orixinal de Leonardo, realizada no seu propio taller, moi probablemente por algún dos seus discípulos Andrea Salai ou Francesco Melzi.

Podemos atopar máis información sobre o cadro na web da pinacoteca, en Pradomedia e nun artigo de rtve.es.


 

 

 

 

 

 

 

 

Preme na imaxe para vela en alta resolución

     
     
     
L'ULTIMA CENA
     

Preme na imaxe para vela en alta resolución

     

En 1494, Ludovico Sforza, Il Moro, duque de Milano, encargou a Leonardo da Vinci unha pintura mural para o reflectorio de Santa María delle Grazie, declarada pola Unesco Patrimonio da Humanidade en 1980. Leonardo executou a que moi probablemente sexa a súa mellor obra, L'Ultima Cena.

milan.arounder.com ofrecenos a posibilidade de aproximarnos un pouco máis ao reflectorio e á pintura a traves dunhas imáxes interactivas.

 

 
    Vista de Santa Mª delle Grazie
     

En abril de 2006 a BBC dentro da serie Private Life of a Masterpiece emitiu un documental sobre L'Ultima Cena, producido por Fulmar Television & Films.

Ese documental está agora colgado en You Tube.

   

 

   

 

   
     
BIOGRAFÍA
 
Documental sobre a vida de Leonardo da Vinci producido por History Television Networks e emitido no seu día por Canal Historia. Agora en You Tube.

VIDEOCONFERENCIA: "FACENDO FÍSICA DE PARTÍCULAS POLO MUNDO"

Enviado por centro o Mér, 31/10/2012 - 15:17

O alumnado de Ciencias de 4º de ESO, 1º de Bacharelato e 2º de Bacharelato, participa na videoconferencia "Facendo Física de Partículas polo mundo" organizada pola Coordinadora Galega de Equipos de Coordinación e Dinamización Linguïstica e o Servizo de Normalización Lingüística da Universidade de Santiago de Compostela,  con motivo da celebración do III Día da Ciencia e da Tecnoloxía en Galego para o vindeiro Martes 6 de Novembro, de 12:30 a 13:30, na aula de usos múltiples do IES de Brión.

 

CIENCIA E TECNOLOXÍA EN GALEGO

Enviado por luz o Mér, 31/10/2012 - 01:20

 

O día 5 de novembro celébrase o III día da Ciencia e Tecnoloxía en galego. Este evento ten como principal obxectivo defender uso do galego nas áreas de Ciencias e de Tecnoloxías e está organizado polas asociacións:


IGACIENCIA
Institución Galega da Ciencia
AGAPEMA
Asociación galega de profesores de educación matemática  

 

ENCIGA
Asociación de ensinantes de Ciencias de Galicia  

 

APETEGA
Asociación de profesorado de Tecnoloxía de Galicia

Este ano  proponse a Tecnoloxía como temática anual, presentando as figuras de Ramón Verea (inventor galego dunha das primeiras calculadoras), e Leonardo da Vinci e a bicicleta como principais propostas de traballo. Baixo o lema "A Tecnoloxía fala galego" e recuperando outros como" A tecnoloxía é cultura" e "Tecnoloxía: evolución e cultura", salientase a importancia da formación tecnolóxica  no sistema educativo, ante as novas propostas educativas. Preme  para obter máis información: Apetega, PEAPT.

No IES de Brión participamos no III día da Ciencia e Tecnoloxía en galego con diferentes actividades:

- Participación na videoconferencia vía web que terá lugar o vindeiro martes 6 de novembro, organizada pola Coordinadora Galega de equipos de Normalización e Dinamización Linguïstica na que destacados investigadores en Física de Partículas formados en institutos galegos achegarán temáticas de interese curricular para o noso alumnado e os proxectos científicos que desenvolven na actualidade, baixo o título título: "Facendo Física de Partículas polo mundo" polos relatores: Patricia Conde, investigadora no LIP de Lisboa, física do experimento ATLAS do CERN. Olalla Castro, profesora no City University en Londres, investiga en Teoría Cuántica de Campos. Abraham Gallas, investigador no CERN e na USC, físico do experimento LHCb do CERN. Carlos Salgado, investigador no CERN e na USC, investiga o estado da materia nos primeiros instantes do Universo. Cibrán Santamarina, profesor da USC, traballa no experimento LHC do CERN.

- Deseño e construción da ponte autoportante de Leonardo da Vinci e construción dunha cúpula baseada nos seus debuxos.

- Deseño de engrenaxes.

- Mostra de bicicletas e slogans relacionados coa bicicleta como vehículo sostible.

- Recompilatorio de libros sobre a figura de Leonardo da Vinci.

- Recompilatorio de información na rede sobre Leonardo da Vinci. 

- Exposición de traballos elaborados por alumnado de 4º  sobre Leonardo da Vinci, Ramón Verea e a bicicleta.

- Análise da bicicleta como obxecto tecnolóxico.

CALENDARIO ESCOLAR 2012/13

Enviado por admin o Lun, 25/06/2012 - 12:21

Orde do 13 de xuño de 2012 pola que se aproba o calendario escolar para o curso 2012/2013 nos centros docentes sostidos con fondos públicos.

Setembro

3, 4, 5, 6 Probas correspondentes á convocatoria extraordinaria do curso 2011/2012

17 Comezo das clases na ESO e Bacharelato

27  Día non lectivo. Festivo local. Santa Minia

Outubro

12 Día non lectivo. Día da Hispanidade

Novembro

1 Día non lectivo. Todos os Santos

2 Día non lectivo. Día do Ensino

Decembro

6 Día non lectivo. Día da Constitución

22, 23, 24, 25, 26, 27, 28, 29, 30, 31 Vacacións de Nadal

Xaneiro

1, 2, 3, 4, 5, 6, 7 Vacacións de Nadal

Febreiro

11, 12, 13 Vacacións de Entroido

Marzo

25, 26, 27, 28, 29, 30, 31 Vacacións de Semana Santa

Abril

1 Vacacións de Semana Santa

Maio

1 Día non lectivo. Festa do traballo

9  Día non lectivo. Festivo local. Ascensión

17 Día non lectivo. Día das Letras Galegas

Xuño

21 Remate das clases

RESULTADOS DAS PAU. CONVOCATORIA ORDINARIA (XUÑO DE 2012)

Enviado por admin o Lun, 18/06/2012 - 23:49

Un ano máis debemos felicitar ao alumnado de 2º de bacharelato polos excelentes resultados acadados nas PAU, xa que segundo as cualificacións provisionais publicadas na tarde do venres 15 o índice de aprobados é dun 94,4 %.

Queremos extender estes parabéns ás familias e ao profesorado que ven tamén nestes resultados o froito da súa aposta firme por unha formación de calidade no IES de Brión, e xa que logo a necesidade de manter no sucesivo os recursos que a fan posible.

AUTOPÍAS 4

Enviado por centro o Lun, 18/06/2012 - 16:49
Nova edición de Autopías 4, a revista dixital do IES de Brión que recolle algúns dos traballos realizados polo alumnado ao longo do curso, especialmente aqueles realizados no marco da Actividade anual de centro que este ano xirou Arredor da memoria.

Distribuir contido


Feito con Drupal (ver. 6.28)

 


Proxecto Webs dinámicas

Xunta de Galicia - Consellería de Educación, 2013
Drupal theme by Kiwi Themes.