ALUMNA PREMIADA NO CONCURSO XÓVENES TALENTOS

Enviado por admin o Lun, 27/05/2013 - 13:37

A alumna Xulia Sánchez Rodríguez de 2º ESO A resultou gañadora na Fase Provincial do Concurso "Xóvenes Talentos. Premio de Relato Curto" de Coca-Cola.

ISABEL DEL RIO E O CAMIÑO DE SANTIAGO

Enviado por admin o Lun, 27/05/2013 - 13:07

Os alumnos de 2º ESO A que cursan Relixión fixeron un traballo sobre o Camiño de Santiago e como culminación entrevistaron a Isabel del Rio, conserxe do IES de Brión, que lles contou moitas anécdotas sobre as diferentes ocasións nas que fixo o Camiño.

Accede ao audio da entrevista

I ENCONTRO DE CENTROS PARA UNHA CONVIVENCIA POSITIVA

Enviado por centro o Dom, 26/05/2013 - 23:51

Os días 23 e 24 de Maio unha representación de profesores e alumnos do IES de Brión participaron no I Encontro de centros para unha convivencia positiva, organizado polo IES Xulián Magariños de Negreira e o IES Fin do Camiño de Fisterra

Para consultar información sobre o I encontro de centros para unha convivencia positiva nos medios de comunicación,  preme nas seguintes ligazóns:

ALUMNA PREMIADA NO X CERTAME LITERARIO DO CONCELLO DE AMES

Enviado por centro o Sáb, 18/05/2013 - 00:01

Ana Souto Villanustre, alumna de 2º de Bacharelato do IES de Brión, obtivo o 3º premio no X Certame Literario do Concello de Ames, na modalidade de poesía, e categoría de 14 a 17 anos coa poesía Cárcere dos pesadelos”. No certame presentáronse un total de 154 obras procedentes de toda Galicia e a entrega de premios tivo lugar o nun acto literario-musical conmemorativo do día das Letras Galegas o xoves, 16 de Maio na Casa da Cultura do Milladoiro.

Accede ás novas sobre os premiados no Certame: el correo gallego, concello de ames

Accede ás novas sobre o o acto de entrega dos premios: el correo gallego, concello de ames

Parabéns.

Concurso de relato breve 2013

Enviado por armando o Lun, 29/04/2013 - 11:29

header

BASES

1. Pode participar todo o alumnado matriculado no centro durante o curso 2012-2013.

2. Os traballos consistirán nun relato breve en galego ou castelán cuxo contido teña relación co tema anual no centro: a auga. A extensión máxima será dun folio DIN A4 a interliñado dobre, con letra Arial de tamaño 12.

3. Os traballos presentaranse con pseudónimo nun sobre indicando o curso. En sobre a parte -pechado- escribirase no exterior o mesmo pseudónimo e no interior constará o nome da autora ou autor e o curso ao que pertence.

4. O prazo de presentación dos traballos remata o 16 de maio de 2013. Podedes entregarllos a Armando na Biblioteca en calquera dos dous recreos.

5. O xurado estará composto polos membros do equipo da biblioteca e alumnado do club de lectura (sempre que non participe no concurso).

6. Haberá dous niveis coa mesma dotación nos premios:

1º Ciclo da ESO

1º PREMIO= Vale de 40 € para gastar nunha librería.
2º PREMIO= Vale de 20 € para gastar nunha librería.

2º Ciclo da ESO e BACHARELATO

1º PREMIO= Vale de 40 € para gastar nunha librería.
2º PREMIO= Vale de 20 € para gastar nunha librería.

7. O primeiro premio poderase conceder ex aequo, repartindo a dotación entre eles.

8. A entrega dos premios terá lugar o 5 de xuño. Os participantes serán convocados para un dos recreos na Biblioteca.

9. Os traballos premiados serán publicados na revista dixital do centro.

10. O feito de participar neste concurso implica a aceptación de todas as bases. Podedes consultar calquera dúbida sobre as bases co equipo de Biblioteca (Mercedes, Xavier L.Tomé e Esther).

AXUDA AO POBO SAHARAUI

Enviado por admin o Xov, 25/04/2013 - 10:49


Dende o IES de Brión queremos colaborar coa asociación Solidariedade Galega co Pobo Saharaui na recollida de roupa e calzado usado. Esta roupa e calzado serán entregados a esta asociación para a súa venda e posterior reciclaxe. Os cartos que se obteñan serán destinados ao pobo Saharaui.

A campaña durará ata o 31 de maio. O horario de recollida será de 08:25 a 14:05 h. e os martes tamén de 16:15 a 17:55 h. A entrega realizarase no IES de Brión, sito no Paseo de Pedrouzos nº 3, ao lado do centro de saúde.

A roupa debe vir en bolsas pechadas e da igual o seu estado de conservación dado que é para a venda ao peso destinada ao reciclaxe, e con isto conseguir os cartos destinados a axudar ao pobo Saharaui que nestes momentos vive unha situación de extrema dificultade.

Grazas a todos pola colaboración.

Con moitos pequenos xestos podemos facer moito.

CONFERENCIA: "DEZ MIL RÍOS, DEZ MIL PROBLEMAS"

Enviado por centro o Xov, 18/04/2013 - 23:23

Este curso no IES de Brión estamos traballando sobre a auga, desde moi distintas perspectivas.

O vindeiro Martes, 23 de abril pola tarde, terá lugar a Conferencia "Dez mil ríos, dez mil problemas: masas de auga e cambio climático"  a cargo de Fernando Cobo Gradín, profesor de Hidroloxía das Augas Continentais na Facultade de Bioloxía da Universidade de Santiago de Compostela. Queremos que este acto sexa aberto, polo que convidamos a participar a toda a comunidade escolar e ao público en xeral.

Ao mesmo tempo invitámosvos a ver os traballos, relacionados coa auga, que o alumnado deste centro foi realizando, e que se irán expoñendo até o final do curso.

A continuación presentamos algúns recursos na rede interesantes sobre a auga:

Proxecto elaborado polos departamentos de Xeografía e Historia, Tecnoloxía, Xeometría, Literatura e Ciencia do IES A Sangriña que trata da auga, as súas propiedades, estrutura, estados, ciclo,... dos ríos e as súas características,... das máquinas hidraúlicas tradicionais, da súa historia, funcionamento, partes, tecnoloxía, ...da literatura popular, paisaxística, refráns, ...xeometría.

A auga

EXPOSICIÓN: LA ESFERA DEL AGUA

Exposición do CSIC para introducir ao visitante no mundo da agua, desde as  súas propiedades químicas ata o seu  su papel na historia e na civilización humana.

XESTIÓN DE AUGA

Zona interactiva da web de Sotavento cun programa para comparar o consumo de auga no baño co uso de mecanismos eficientes.

Tamén se fai un estudo do sistema de recollida de augas pluviais da vivenda bioclimática.

 

USO CORRECTOS DA AUGA

Animación flash sobre usos correctos da auga, creada polo Consocio do Principado de Asturias

 

 

ENTREVISTA A X. M. BEIRAS

Enviado por admin o Xov, 18/04/2013 - 13:24

 

O alumnado de 1º ESO A, en Proxecto Interdisciplinar, entrevistou ao político galego Xosé Manuel Beiras Torrado, que fixo un percorrido por moitos aspectos da súa vida.

Este traballo é unha colaboración da radio, Radio emBRIÓN e a revista do centro, Autopías.

Accede ao audio da entrevista

ENTREVISTA AO ALCALDE DE BRIÓN

Enviado por admin o Lun, 08/04/2013 - 16:07

O alumnado de 2º de bacharelato entrevistou ao alcalde de Brión, José Luis García García, o pasado venres día 5 de abril.

Este traballo é unha colaboración da radio, Radio emBRIÓN e a revista do centro, Autopías.

Accede ao audio da entrevista

CHARLA: "RADIACIÓN DE TELÉFONOS MÓBILES E SAÚDE"

Enviado por centro o Mar, 02/04/2013 - 22:54
09/04/2013 16:15
Etc/GMT

Os departamentos de Bioloxía e Tecnoloxía organizaron para o alumnado de 3º e 4º de ESO a Charla do divulgador científico Xurxo Mariño que leva por título " Radiación de teléfonos móbiles e saúde", o 9 de Abril.

Na conferencia introdúcese ao alumnado sobre as catro forzas fundamentais do universo, a electromagnética, a gravidade e as forzas nucleares, forte e débil, centrándose sobre todo en como nos afectan aos seres vivos. Tamén se explicou a diferencia entre radiación ionizante e non ionizante e como a radiación dos móbiles pertence ao segundo grupo, para continuar aportándonos o coñecemento contrastado que na actualidade temos sobre os efectos das radiacións dos móbiles sobre a saúde.

Para máis información sobre a conferencia entra no Blog de Ciencia Contemporánea e blog de Tecnoloxía  do IES de Brión.

 

Xurxo Mariño é profesor do departamento de Medicina da Universidade da Coruña e membro do grupo Neurocom.

A actividade forma parte do programa Divulga na escola que organiza a Asociación Galega de Comunicación e Divulgación Científica e Tecnolóxica.

Distribuir contido


Feito con Drupal (ver. 6.28)

 


Proxecto Webs dinámicas

Xunta de Galicia - Consellería de Educación, 2013
Drupal theme by Kiwi Themes.