Alumno premiado coa medalla de bronce na modalidade de Control Industrial dos Spainskills


Miguel García López, alumno de segundo curso do Ciclo Superior de Automatización e Robótica Industrial, foi o gañador da medalla de Bronce na modalidade de Control Industrial na última edición das olimpiadas de Formación Profesional Spainskills.
Logo de acadar o primeiro posto na edición galega Galiciaskills en outubro de 2014, o alumno participou representando a Galicia nas probas de Spainskills celebradas no IFEMA de Madrid os días 6,7 e 8 de maio de 2015.
Nestas probas o alumno tivo que demostrar as súas habilidades programando, configurando e axustando equipos de control industrial da marca SIEMENS, patrocinador das probas nesta modalidade.
O equipo docente e a dirección do centro están moi satisfeitos co traballo desenvolvido por Miguel, xa que non só é unha satisfacción para o alumno, senon tamén un aliciente para todos os seus compañeiros e profesores e para os futuros alumnos de formación profesional que ven desta maneira recoñecido o seu traballo e a súa valía.
Como patrocinador da proba, SIEMENS aportou os seguintes premios:
Para os gañadores das medallas de Ouro, Prata e Bronce:

23 de abril día do libro

O 23 de abril, para celebrar o Día do Libro, tivemos un encontro coa escritora Sabela Muñiz, ex-alumna do noso instituto, para falar sobre a súa novela "A porta de Europa". Ás nove da maña parolou co alumnado de 2º de Bacharelato. Sabela explicou como é a súa técnica de construción da novela, partindo de situacións e personaxes, para ir tecendo pouco a pouco unha historia, na que os capítulos van alternando o punto de vista narrativo e deixando un cabo solto que incite á lectura do seguinte.

Sabela explicounos os motivos que a levaron a ambientar a historia no mundo do narcotráfico. Ela é consciente de que cos personaxes e situacións podía ter construído unha historia de piratas ou de zombis, por exemplo.

Ás once e media, no tempo de lecer, celebrouse unha sesión do Club de Lectura para profesoras, profesores, persoal de administración, etc. Nela produciuse un faladoiro moi interesante entre lectoras e a autora.

Uxía Piñeiro Moldes premiada no Concurso de Adhesivos pola Normalización Lingüística

O día 26  de marzo entregaronse os XXI Premios do Concurso de Adhesivos pola Normalización Lingüística que este ano tivo como lema " Así falamos nós. As nosas variantes dialectais", Uxia Piñeiro Moldes de 1º ESO A foi unha das galardonadas. Recolleu o seu premio nun acto celebrado no IES de Vilalonga, centro no que estudan as dúas alumnas premiadas na categoría de bacharelato. Todas as premiadas e os asistentes o acto puideron gozar dunha magníficca actuación de Paula Carballeira. Parabéns a Uxía.

Día da muller traballadora


Este mes de marzo comezou coas actividades de celebración do Día da Muller. Os Departamentos de Lingua Galega e de Ciencias Sociais, en colaboración coa Biblioteca, organizaron un Concurso Fotográfico co lema “Hai unha muller traballando ao meu carón”, que tiña como obxectivo a sensibilización da comunidade educativa sobre o traballo cotián das mulleres que conviven connosco no día a día. Cada foto debía ir acompañada dun texto explicativo. Os traballos presentados ao concurso foron moi interesantes e de grande calidade. O xurado tivo un difícil labor. Finalmente, Rebeca Souto Blanco foi a gañadora e Diego Santorum Rey fíxose co segundo premio.
Asemade, organizaron encontros con mulleres anónimas de vidas intensas e apaixonantes; vidas cheas de traballo e que supoñen un referente para calquera persoa hoxe. O día 6 de marzo foi o encontro con Concha, modista, traballadora do téxtil, camioneira de longo percorrido e repartidora de queixos. O día 13 foi a nonaxenaria Lita a que nos falou da súa vida, as dificultades que tivo para ir á escola, os duros tempos da guerra e a posguerra, pero sobre todo das súas afeccións. Lita demostrounos que non hai idade para aprender e que todas as persoas levamos unha artista dentro.

Narf en concerto no día de Rosalía

O día 24 de febreiro foi o 178 aniversario do nacemento de Rosalía de Castro. No IES Bouza Brey celebramos esta data cun recital de poesía e un concerto a cargo do músico Narf. O alumnado de 3ºESO preparou, coa súa profesora Mila Roca, o recitado de poemas de Cantares Gallegos e Follas Novas. Narf, músico e compositor, ten percorrido máis de medio mundo cosa súas cancións (Mozambique, Brasil, Arxentina, India, Nepal, Polonia, Gran Bretaña, Portugal, España,...). No libro-disco Nas tardes escuras , pon música a poemas rosaliáns, especialmente de Follas Novas, textos moi relevantes, nunca antes musicados por outros artistas. No concerto cautivounos coa versatilidade da súa voz, das súas melñodías e de seus ritmos.

Procedemento de admisión a ESO e Bacharelato para o curso 2018-2019

Para coñecer os requisitos para participar no proceso de admisión a ESO e Bacharelato no curso 2018/19 premer a continuación:

ORDE do 12 de marzo do 2013

ORDE do 25 de xaneiro do 2017

 

 A zonificación de Vilagarcía para a admisión de alumnado mostrase a continuación no seguinte arquivo: ZONIFICACIÓN

 

Estancia de formación docente do proxecto Erasmus+ TEDEBAL

A orientadora do centro, Laura Rodríguez, e os profesores do bloque específico de Ensinanzas Deportivas de Baloncesto, Pablo Villaronga e Iván Villar estiveron nunhas xornadas de formación na localidade xermana de Ulm, por medio do programa Erasmus+. Nesa localidade estableceron contacto con Artur Kolodziejsky, director deportivo do clube Ratiopharm Basketball. Tamén estableceron contacto con Jesús Ramírez, que nado en Granolleres, xa leva catro temporadas como adestrador axudante do primeiro equipo senior do clube de baloncesto. Este entrenador foi o artífice que abreu as portas a colaboración, por medio do programa Erasmus+, entre o ciclo de baloncesto do IES Fermín Bouza Brey e o clube de baloncesto Ratiopharm Basketball, e grazas o cal, o vindeiro mes de marzo dous alumnos de 2º nivel do ciclo de grado medio de Técnico Deportivo de   Baloncesto farán a FCT no clube alemán duirante un mes. A continuación podemos ver as fotos  na que aparecen os profesores deste centro e ambos entrenadores:

 

 

Distribuir contido