ENCONTRO COMARCAL ESCOLAR DE PIMPÓN NO IES DE BECERREÁ

Como vén sendo habitual, celebramos un novo encontro comarcal escolar de pimpón o mércores 12 de febreiro, no que participou o alumnado de Secundaria dos CPI de San Román, Navia, Pedrafita e o Courel, ademais do alumnado de 3º da ESO do noso centro, que ademais actuaron como árbitr@s e coordinadores/as nas nove mesas habilitadas para o torneo. Coma sempre, na primeira metade da xornada, os xogadores/as dividíronse en tres niveis distintos (segundo coñecemento do xogo) para participar en categoría masculina e feminina. O torneo individual do nivel alto rematou cun partido entre os xogadores con máis partidos gañados: Sara  e Carlos (os dous do CPI San Román), sendo este o vencedor final do nivel alto. Pola tarde, o imprescindible torneo de dobres, no que participan parellas compostas por alumnado de centros distintos ou parellas mixtas, ademais dalgunha parella composta polo profesorado acompañante. Ao remate da xornada, como é tradición, entrega do trofeos conmemorativos para cada centro participante, en recoñecemento da actitude deste alumnado e da convivencia manifestada ao longo da xornada.Volveremos a xuntarnos o próximo curso, sen falta!Ademais do vídeo que deixamos máis abaixo, AQUÍ podes ver algunhas das imaxes máis salientables da xornada.

ENCONTRO COMARCAL ESCOLAR DE PIMPÓN NO IES DE BECERREÁ