ABRAHAM CUPEIRO FAI SOAR INSTRUMENTOS DOUTRAS ÉPOCAS NO IES DE BECERREÁ

ABRAHAM CUPEIRO FAI SOAR INSTRUMENTOS DOUTRAS ÉPOCAS NO IES DE BECERREÁ

O músico e profesor sarriá Abraham Cupeiro abraiounos a tod@s @s que acudimos á súa demostración musical chamada  "Resoando no pasado", realizada tanxendo instrumentos de vento que forman parte de distintas etapas da historia da humanidade, viaxando no tempo a través dos seus sons. A actividade foi planificada polo Dapartamento de Música do centro para o alumnado desta materia (ESO e 1º de Bac).

Con moitos dos instrumentos construídos por el mesmo, con gran dominio da técnica musical, pero tamén con bo humor e moi boa capacidade para comunicar co auditorio, a súa actuación resultounos moi didáctica, amena e diríamos que ata curta. Poderiamos estar alí por máis tempo escoitando e vendo a este profesor do Conservatorio da Coruña dar vida a instrumentos que, nalgúns casos, parecen froito da fantasía máis que  instrumentos aos que se lles pode facer soar de xeito harmónico. Non te perdas ningún dos catro vídeos que recollen a súa demostración, porque é unha experiencia inigualable que non che resultará indiferente!!