ENGLISH THEATRE FOR OUR STUDENTS!!

Como vén sendo habitual a estas alturas do curso, o alumnado do IES de Becerreá tivo a oportunidade de asistir no propio centro a dúas representacións teatrais desenvoltas por actores ingleses (da compañía "Face 2 Face"), o que recoñeceron como unha experiencia moi positiva e unha oportunidade única de contacto co inglés fóra das aulas.

A primeira das sesións, na que se representou a obra titulada "ACTION!", estaba dirixida ao alumnado de 4º da ESO e BAC, e contou coa participación estelar de varios alumnos e alumnas deses cursos (algún repite ano tras ano), que se atoparon coa sorpresa de ter que participar directamente no desenvolvemento da obra, recibindo, xusto é dicilo, un gran recoñecemento por parte dos seus compañeir@s.

A segunda sesión, titulada "I SPY",  estaba dirixida ao resto de cursos da ESO, e igualmente varios alumn@s debutaron nesta arte que é o teatro nunha lingua estranxeira, igualmente con recoñecido éxito de crítica e público.

Estas imaxes reflicten como se desenvolveron as dúas representacións e o bo traballo dos nosos actores e actrices voluntarios.

ENGLISH THEATRE FOR OUR STUDENTS!!