Curso 2018-2019

Neurodidáctica: aplicación da neurociencia á educación

O CFR de Vigo invita ás familias a participar na seguinte sesión formativa, impartida por José Ramón Gamo: Neurodidáctica: aplicación da neurociencia á educación que se vai celebrar no IES A Guía, o día 13 de maio de 2019 en horario de 17:00 a 19:00

Reanimación cardiopulmonar

Hoxe, luns 6 de maio, Cristina Giráldez, enfermeira de Urxencias no PAC do Porriño, aprendeunos os principios básicos da reanimación cardiopulmonar (RCP) e da manobra de Heimlich.

Remata o intercambio con Francia


Logo da xornada libre de convivenvia coas familias do pasado mércores día 1, retomamos as actividades do intercambio que estamos desenvolvendo esta semana con alumnado e profesorado de Vire (Francia). Onte participaron, xunto co noso alumnado, nunha excursión a Santiago de Compostela e, posteriormente, nunha cea compartida no instituto e hoxe están realizando unha visita ás Illas Cíes.

Intercambio con Francia

Xa están en Gondomar os quince estudantes do Collège Saint-Jean Eudes de Vire (Normandía), que participan na segunda parte do intercambio que organiza o departamento de Francés con alumnado de 3º e 4º de ESO do noso instituto. Chegaron o domingo á noite, acompañados por dúas profesoras, e estarán nas casas do noso alumnado ata o próximo sábado.

Concurso de robótica

Terceiro premio na categoría de 3º e 4º da ESO no concurso de robótica da Escola de Enxeñaría Industrial da Universidade de Vigo, equipo EXCALIBUR formado por Lucía Domínguez, Noa Hermida, Hugo Rego, Sara Denis e Manuel Loureiro.
»

Excursión de 2º de ESO ao museo Meirande

Excursión de 2º de ESO ao museo Meirande sobre a Batalla de Rande e á illa de San Simón para coñecer a súa historia pasada e recente e as pegadas literarias na obra de Jules Verne desta enseada da ría de Vigo e despois de ler a novela 'Amor de serea' de Jaureguizar. Excursión promovida polo EDLG e o departamento de Lingua e Literatura Galega.

Distribuir contido