Actividades

CHARLA DE SOLEDAD FERNÁNDEZ, DE CHRYSALLIS

Comezamos o ano con ganas cunha charla sobre transexualidade para 4º da ESO a cargo de Soledad Fernández, da asociación Chrysallis, que resultou ser moi emotiva e interesante. Foi organizada polo grupo Incómodxs e rebeldes. Aí van algunhas fotos:

MIL GRAZAS A XOSÉ MANUEL BUDIÑO!

Veunos visitar Xosé Manuel Budiño para as nosas entrevistas do equipo de Normalización do Instituto e deixounos o seu disco! Mil grazas! 

CHARLA NOV@S INVESTIGADOR@S

O próximo venres 15 de novembro teremos unha nova palestra dos Nov@s Investigador@s, neste caso para 1º de Bacharelato. Será, coma sempre, á 3ª hora!

TEMOS UMA LÍNGUA UNIVERSAL!

Aí vai unha fotiño da charla co mozambicano Onofre Muianga para 3º da ESO.

2ª CHARLA NOV@S INVESTIGADOR@S

Seguimos co ciclo de Normalización Lingüística sobre Nov@s Investigador@s. Neste caso será para 4º da ESO, o venres á 3ª hora.

TEMOS UMA LÍNGUA UNIVERSAL

No ano 2020 celebraremos o Día das Letras Galegas na honra de Ricardo Carvalho Calero, escritor, profesor e intelectual galeguista e unha das figuras máis salientábeis das nosas letras durante o século XX. Para conmemorar a súa contribución á naturalización da internacionalidade da nosa lingua, realizaremos actividades ao longo do ano que permitan pór en valor o galego como lingua universal. 
 
Así, arrancaremos o próximo martes día 8 conversando con Onofre Muianga, moçambicano. Esta charla, realizada coa colaboración da Concellaría de Normalización Lingüística do Concello de Moaña, irá destinada ao alumnado de 3º da ESO e terá lugar no Salón de Actos.
 

CICLO DE CHARLAS NOV@S INVESTIGADOR@S

O vindeiro venres día 4 de outubro comeza o noso Ciclo de charlas de Nov@s Investigador@s cunha charla sobre "As matemáticas do noso mundo" para 1º da ESO. Serán charlas impartidas por mozos e mozas investigador@s en diversas áreas científicas que realizan o seu labor en galego. Porque en galego tamén se fai ciencia!

 

DÍA DA VISIBILIDADE BISEXUAL

O noso grupo de Incómodxs e rebeldes, integrado no equipo de Normalización Lingüística, artellou esta instalación hoxe para facérmonos partícipes do Día da visibilidade bisexual (23 de setembro). Forza e avanti, rapazada!

PARQUEAVENTURA PADRÓN

Deixámosvos unhas imaxes da saída ao Parqueaventura de Padrón que fixeron moz@s de 1º de Bach como peche do ICampamento de Inmersión Lingüística organizado polo EDNL (Denís). Acompañáronos Bea e Alex e incluia xantar no propio parque e o compromiso de falar en galego durante a visita. Un pouco máis abaixo unha imaxe do transcurso do propio Campamento en Palas de Reis onde foron con denís e Marga

 

 

 

MUIÑEIRA

MACRO-MUIÑEIRA BARXAS-PARALAIA NO PAVILLÓN

Culmina as aulas impartidas para 3º ESO por Manolo Cobas realizadas durante as aulas de EdFca (Alex). Grazas tamén ao Dpto de Música pola colaboración. Velaí unhas imaxes do evento do 7/6

 

 

SEMANA DAS LETRAS GALEGAS

 
   O 15 de maio o alumnado de 3º ESO abraiounos coa súa destreza en baile galego. O bailarín Manolo Cobas, nun par de obradoiros, conseguiu pór @s nos@ moz@s a bailar.
 
   Ademais, tivemos a sorte de contar con música en directo. Un grupo de alumn@s, coa colaboración do profesor de música, amenizounos cunhas pezas nas que non faltou de nada, mesmo tivemos coro.
Podes acceder aos vídeos premendo AQUÍ e introducindo a clave correspodente
 
 

Theme by Danetsoft and Danang Probo Sayekti inspired by Maksimer