blogue deiriacollazo

VISITA AO MUSEO DE PONTEVEDRA E ROTEIRO PARA 4º DA ESO

O noso alumnado de 4° da ESO foi hoxe facer unha visita ao Museo de Pontevedra, organizada polo departamento de Lingua Galega!

Día Internacional da muller e da nena na ciencia!

Rapazada de 1º ESO na exposición de pósters de mulleres científicas que temos no centro, polo Día Internacional da muller e a nena na Ciencia!

O QUE ARDE NAS BARXAS!

Convidamos a todo o alumnado do noso IES e mais ás súas familias a asistir, denro da campaña "21 Días en Galego" e de balde, á proxección da película "O que arde" o xoves 13 de febreiro ás 18:00h da tarde, ata cubrir aforo.

Moitas grazas!

ESCOLA DE FAMILIAS

A “Escola de Familias: educar en igualdade” retoma a vindeira semana a súa actividade. Como xa sabedes, podedes escoller a quenda na que participar, incluso cambiando cada semana.

Os días e horarios de impartición das charlas son os seguintes:

  • martes 11 de febreiro na ludoteca, de 11:00 a 13:00 horas

  • mércores 12 de febreiro na ludoteca, de 16:00 a 18:00 horas

  • mércores 12 de febreiro na ludoteca, de 18:00 a 20:00 horas

  • mércores 12 de febreiro na ludoteca, de 20:00 a 22:00 horas

Continuamos co primeiro bloque temático HABILIDADES SOCIAIS, AUTOESTIMA E RESOLUCIÓN DE CONFLITOS.

E o segundo tema versa sobre A COMUNICACIÓN E A RESOLUCIÓN DE CONFLITOS.

Contamos contigo!

ROUPA DA NEVE PERDIDA

Bo día

Queridas familias: Se botades en falta algunha prenda de neve, pasade polo instituto a preguntar. Temos varios obxectos perdidos da pasada excursión a Leitariegos de 2º da ESO. 

Grazas

 

CanSat nas Barxas

  O Club de Ciencia "CIENCIANASBARXAS" participa este curso no certame CanSat, organizado pola Axencia Espacial Europea (ESA).

 Un CanSat é unha simulación dun satélite real integrado dentro do volume e a forma dunha lata de refrescos onde se deben introducir os principais subsistemas dun satélite de verdade, como alimentación eléctrica, sensores e un sistema de comunicacións. 

 O noso equipo composto polos seguintes membros: • Héctor Juncal Pérez

• Francisco Augusto Gonzalez Álvarez

• Aitor García Rosendo

• María Otero Currás

• Iker Casás Rodríguez

O equipo está a construir un CanSat e programándoo de xeito que cumpra unha serie de misións propostas pola organización. Unha vez asignadas as tarefas a cada un dos seus membros e organizado o grupo, nestes momentos o proxecto atópase en proceso de planificación e construción. A medida que avancemos co traballo irémosvos informando!

RECIBIMOS Á ESCRITORA ANTÍA YÁÑEZ!

O pasado 10 de xaneiro veu Antía Yáñez ao noso centro e falounos de marraxos, de literatura, de Harry Potter, de latas de conservas e d`O misterio do torque de Burela, que é un libro fantástico que lle gustou moito à rapazada! Mil grazas, Antía!

CHARLA DA A.C. NÓS PARA 3º ESO

O pasado venres 31 de xaneiro tivemos a sorte de contar cos amigos da Asociación Cultural Nós, que viñeron falarnos da historia de Moaña a través das súas fotos e que nos agasallaron con exemplares do seu último traballo, Historia do entroido en Moaña. Moitas grazas! Manuel Anxo Mendez, Xosé Carlos Villaverde, Xesús Cancelas Franco.

Non pasa nada, pasa algo?


Durante o mes de xaneiro o alumnado de 2º de ESO estivo a recibir un obradoiro a cargo do Equipo de Prevención da Asociación Érguete. O Obradoiro vai encamiñado a evitar o desenvolvemento de consumo problemático de drogas e promover a adopción de estilos de vida saudables entre os adolescentes.  Damos ás grazas a Érguete pola súa colaboración.

ESCOLA DE NAIS E PAIS O LUNS 3 DE FEBREIRO

O IES As Barxas quere convidar aos pais e nais do centro á charla "Orientación académica e profesional", impartida pola nosa orientadora, Charo Lorenzo, que vai ter lugar o vindeiro luns 3 de febreiro ás 18:30 na biblioteca do centro. Esta actividade forma parte da Escola de Pais e Nais do centro, e ten un gran interese para poder afrontar o futuro académico e profesional  do alumnado. Un saúdo.

Theme by Danetsoft and Danang Probo Sayekti inspired by Maksimer