Ciclos Formativos

BOLSAS XERAIS DE ESTUDOS DO MINISTERIO PARA NIVEIS POSTOBRIGATORIOS

Mar, 28/03/2023 - 10:57

Comunicámosvos os prazos da nova Convocatoria de bolsas xerais de estudos para niveis postobrigatorios.

O prazo para solicitar as bolsas para o curso 2023/2024 será desde o vindeiro 27 de marzo ata o 17 de maio.

É importante que o alumnado pida a bolsa neste prazo aínda que non saiba o que vai estudar nin onde nin si vai seguir estudando xa que, doutro xeito, non a poderán pedir para o curso 23/24.

O alumnado de ESO que teña intención ou sexa candidato a cursar FP Básica no curso 23/24 tamén deben solicitar a bolsa dentro deste prazo se queren optar a ela.

A páxina onde informarse e tramitar é esa: https://www.becaseducacion.gob.es

Solicítase a través da sede lectrónica, aquí.

1 adxunto

eMprende

Mar, 14/03/2023 - 12:53

O noso centro é un dos seis de toda Galicia que participa no programa piloto eMprende, a través de Ayuda en acción e cofinanciado polo Ministerio de Inclusión, Seguridad Social y Migraciones e polo fondos NextGenerationEU da Unión Europea. Este programa axuda ao noso alumnado de Ciclos a identificar a súa vocación e a mellorar o seu rango competencial posibilitando, así, o trazo dun plan vital que se adecúe ás súas necesidades e ás súas eleccións, adquirir as estratexias que lles permitan cambiar o seu presente para garantir o seu futuro. Actualmente, o alumnado está cerrando o Espazo Maiker do itinerario e farano o vindeiro mércores 15 de marzo coa celebración da I Feira de Emprendemento. Durante o evento, o alumnado participante presentará os prototipos creados para a súa validación e poderá participar nos distintos obradoiros e mesas redondas organizadas para a xornada.

Alumnado de Ciclos visita UNVI e OREMBEr

Mar, 20/12/2022 - 19:31

O alumnado dos ciclos de Automoción e de Administrativo realizou unha saída a Ourense o pasado 14 de decembro, para visitar a empresa UNVI (punteira a nivel internacional na fabricación de autobuses) e tamén a factoría de OREMBEr do grupo madereiro FINSA. A mediodia o alumnado e profesorado comeu na cidade de Ourense, e xa pola tarde tiveron a oportunidade de deleitarse no Complexo termal de Prexigueiro en Ribadavia. Desde os departamentos de automoción e administrativo queren agradecer a axuda na organización da viaxe, e sobre todo por sufragar o total do coste económico da viaxe ás responsables do proxecto eMprende neste centro, a través de Ayuda en acción, Ana e María.

PRESENTACIÓN DE PROXECTOS E GRADUACIÓN CICLOS DE ADMINISTRACIÓN E XESTIÓN

Xov, 31/03/2022 - 17:52

O pasado 17 de marzo foi un gran día para os ciclos formativos de Administración e Xestión. Celebramos a graduación do seu alumnado e foron presentados os proxectos finais elaborados por alumnas e alumnos do Ciclo Superior. Días coma este son os que poñen en valor o grande traballo realizado nestes últimos meses.

Na vida o importante é deixar pegada e nós estamos seguros de que os nosos alumnos e alumnas xa a deixaron, indeleble, neste centro para sempre.

Agradecemos a presencia no acto da Sra. Alcaldesa do Concello do Rosal, do Sr. Vicealcalde do Concello de Tui, de representantes da ANPA do IES A Sangriña e do alcalde da nosa vila e profe desta que é a súa casa, Antonio Lomba, quen pechou o acto.

Por outra banda, temos que agradecer o esforzo feito por todas as empresas da comarca que colaboran con nós, en especial facendo mención a ORPAGU, RÍO TOLLO e PALANGREROS, empresas que apadriñaron o alumnado neste día tan emotivo.
Moitas grazas tamén aos verdadeiros e verdadeiras protagonistas deste certame, os alumnos e alumnas, que coa calidade dos seus traballos e o recoñecemento do seu esforzo coa entrega dos diplomas, fixeron deste día un evento especial.

Expresas grazas ao Departamento de Administración e Xestión que se volcou na organización deste acto demostrando unha cercanía e un saber facer excepcional. Grazas a Juan Carlos López polas súas enormes competencias como MC e grazas a Juan Vázquez, Xefe do Departamento, por ser o ideólogo deste día tan significativo.