Skip to Content

Medidas organizativas e de seguridade sanitaria para a docencia presencial.

O IES A Sangriña, á espera da confirmación polas canles normativas oficiais da resolución da CEUFP pola que se reinicia a actividade lectiva presencial para 2º de bacharelaro e 2º de FP o vindeiro 26 de maio, e se determinan as instrucións para o que resta do presente curso así como a adopción das medidas de prevención e hixiene para a reapertura parcial dos centros de ensino non universitario, todas elas previsións suxeitas á declaración por parte do Goberno do Estado de entrada da Comunidade de Galiza en fase 2 de desescalada, establece as medidas organizativas e de seguridade sanitaria que podedes consultar no arquivo adxunto. 

Reunión informativa do profesorado

Con motivo do anuncio feito pola CEUFP do reinicio das clases presenciais voluntarias para segundo de Bacharelato (e Ad) e segundo de ciclos FP Grado Medio e Superior e 2º FP Básica, convócase unha reunión informativa do profesorado de 2º Bacharelato que terá lugar o luns 25 de maio de 10:30h a 11.30h no salón de actos do centro e que terá como obxecto informar dos aspectos prácticos e organizativos cara ao reinicio das clases presenciais no IES A Sangriña para os ditos cursos  . 

FONDO SOLIDARIO DE LIBROS DE TEXTO

Xa se pode solicitar a participación no fondo solidario de libros de texto (préstamo de libros) e axudas para material escolar (vales de material) para o alumnado de ESO.

As solicitudes están dispoñibles en conserxería e, unha vez cubertas, debedes presentalas coa documentación necesaria na secretaría do centro. Tamén poderán presentarse por vía electrónica empregando a aplicación informática “fondolibros” (https://www.edu.xunta.es/fondolibros) a través da sede electrónica da Xunta de Galicia, https://sede.xunta.gal.

PRAZO PARA PRESENTAR AS SOLICITUDES:

Do 20 de maio ao 19 de xuño de 2020.

CONVERSA NA REDE - RICARDO CARVALHO CALERO

"CONVERSA NA REDE - RICARDO CARVALHO CALERO" é umha conversa virtual entre alunas e alunos do IES A Sangriña (A Guarda) e professoras, escritores e representantes de associaçons do ámbito da língua e da cultura galegas. O motivo da mesma é a comemoraçom do Dia das Letras galegas do ano 2020 em homenagem a Carvalho Calero (inspirador da proposta ortográfica para a língua galega com que se escreve este texto). Como nom poderia ser de outra maneira, no vídeo, as alunas e alunos formularám perguntas sobre a vida e a obra literária de Carvalho, mas também sobre a visom que o professor tinha da nossa língua.

Depois da apresentaçom inicial de Anxos Sufuentes, chefa do Departamento de Língua do nosso centro, e de que outro professor do mesmo, Ramón Quiroga nos conte como ele, na sua infáncia, conheceu Carvalho Calero, intervirám:

  • José Luís Rodríguez (Catedrático da Universidade de Santiago de Compostela).
  • Loaira Martíne (Presidenta da ADP - Associação de Docentes de Português na Galiza).
  • Carlos Quiroga (Escritor).
  • Eduardo Maragoto (Presidente da AGAL - Associaçom Galega da Língua).
  • Carme Saborido (Professora do I.E.S. A Sangriña).
  • Valentim Fagim (Professor da E.O.I. de Compostela).

Que responderám as perguntas das seguintes alunas e alunos em representaçom do I.E.S. A Sangriña:

Calendario de exames finais presenciais de xuño para o alumnado con perda de avaliación continua.

Nos documentos adxuntos figuran as datas en que se celebrarán os exames presenciais dos departamentos de Automoción, Informática, e materias de 2º de Bacharelato para o alumnado con perda do dereito de avaliación continua. Estes exames terán lugar sempre que as condicións o permitan. É conveniente consultar nesta páxina as posibles actualizacións de información.

 

Distribuir contido


by Dr. Radut