Mañá, venres 28, durante os dous recreos, haberá un mercado de libros de segunda man, doados por membros da comunidade educativa, para recaudar fondos para o “Proxecto Paleng”, que traballa polo fomento da lectura en lingua autóctona no Lesotho rural.
Se queres doar libros para o mercado e aínda non os trouxeches, estás a tempo! Entrégaos mañá a primeira hora na biblioteca ou na sala do profesorado. Libros en bo estado, de calquera temática. En edicións anteriores tiveron moi boa acollida os libros infantís.
Vinde mañá darlles unha segunda vida a estes libros, descubriredes interesantes futuras lecturas por prezos moi baixiños, e ademais estaredes colaborando con este bonito proxecto.
