IES de Arzúa

Este ano de pandemia queremos destacar o efecto positivo das flores sobre o estado de ánimo das persoas. Así, partindo da premisa e da importancia do autocoidado e do coidado das persoas que máis queremos, o alumnado de segundo curso de Fp básica de Agroxardinaría e floraría, realizarán a creación de ramos florais para o vindeiro San Valentín, o día 14 de febreiro.

Pódense ver as condició para realizar os pedidos no cartel adxunto, realizado nas clases baixo a direción da profesora Pichel. 

As creacións con flores e plantas, promoción e ventas forman parte do currículo deste ciclo formativo.

Porque aínda que este curso non poidamos celebrar o entroido como a nós nos gustaría, non queremos perder a oportunidade de pasalo ben e por iso animamos a todos os membros da comunidade educativa a que cada día da semana veñamos disfrazados tal e como se recolle no seguinte cartel. Por que o obxetivo é desfrutar con sentidiño, e máis nestes tempos tan difíciles.

Durante esta primeira semana de febreiro o alumnado de 2º da ESO visitou a biblioteca e aprendeu a buscar fondos entre os diferentes estantes así como a colocar os libros de consulta.

De novo agradecer a implicación das profesoras, Cristina Santana, Patricia Gómez e Marisol Taboada a súa implicación e a colaboración pola organización destas xornadas tan educativas.

Picando na seguinte imaxe poderás observar algunhas das fotografías realizadas durante a actividade.

Esta semana estase a proceder ao reparto de paquetes de 3 máscaras hixiénicas e reutilizables ata un máximo de 70 veces. Este reparto vai dirixido ao alumnado da ESO que tivo dereito á axuda para o material escolar ao principio do curso.

Dende o Equipo de biblioteca e o Equipo de dinamización da lingua galega agradecemos a colaboración de toda a comunidade educativa, alumnado e profesorado, que participou neste traballo colaborativo e interdisciplinario co fin de conmmerorar o Día Escolar da non Violencia e a Paz. Picando na seguinte imaxe poderedes observar algunhas das fotografías dos traballos realizados polo alumnado.

Dende Biblioarzúa, inauguráronse esta semana unhas xornades de divulgación do uso da biblioteca. Está semana tocoulle ao alumnado de primeiro da ESO. Xogaron á busca de differentes exemplares para familiarizarse ca CDU. Aprendendo xogando!!! Agradecer ao equipo da biblioteca Patricia e Marisol, e tamén a Cristina Santana o esforzo e o traballo realizado para que estas xornadas resultasen tan exitosas.

Desta vez o noso alumnado de bioloxía de primeiro de bacharelato realizou unha práctica de reprodución por esgallo de distintas especies vexetais. A práctica realizárona nun dos invernadoiros do IES, polo que lle queremos agradecer ao Departamento de Agraria, e especialmente á Teresa, a súa colaboración por facilitarnos todo o material.

Picando na imaxe inferior poderedes observar algunhas das fotografías realizadas durante a actividade.

O grupo "Catroqueixos" integrado por Alba Santiso, Bieito Pereira, Antía Vázquez e Antía Seoane están a só 3 puntos de clasificarse para a gran final do programa "Young business talent" dun total de 157 equipos que se presentaron na provincia da Coruña.

O concurso consiste en levar a cabo unha simulación empresarial tomando decisións de produción, vendas, recursos humanos, finanzas, .... Tanto o alumnado como a súa profesora, Cristina Santana, valoran a participación deste equipo, así como de "Coronaqueens" e "Fresquísima" como unha experiencia moi motivadora á par que instrutiva. Parabéns a todas e todos por este fenomenal traballo.

Dende o IES desexámoslle toda a sorte na final.

O noso alumnado de bioloxía de 1º de bacharelato continúa a realizar prácticas de laboratorio coa súa profesora Ana. Porque como di o antigo proverbio chino “Lo que oigo, lo olvido; lo que veo, lo recuerdo; lo que hago, lo aprendo" na materia de bioloxía non hai mellor forma de aprender os contidos que poñelos en práctica no laboratorio.

Picando na seguinte imaxe poderedes acceder a algunhas das fotografías realizadas durante a práctica.

Este xoves, día 21 de xaneiro, tivemos a sorte de contar con Celso Rodríguez Fernández, unha das persoas que mellor coñece a USC e as probas Abau (Avaliación do Bacharelato para o acceso á Universidade). En Celso cae a responsabilidade de organizar todas as probas ás que se enfrontan o alumnado de segundo de bacharelato no mes de xuño e xullo. Grazas a el e ao Departamento de Orientación do IES o alumnado puido coñecer todos os detalles das probas ABAU e do funcionamento da USC.

Moitas grazas Celso por compartir a túa experiencia co noso alumnado.

Picando na seguinte imaxe poderedes acceder a algunha das fotografías realizadas durante o acto.