abalarMóbil - Guía para as familias
A Consellería de Cultura, Educación e Ordenación Universitaria da Xunta de Galicia, coa finalidade de facilitar a comunicación entre profesorado e familias do alumnado, ten á súa disposición a aplicación gratúita abalarMóbil, dispoñible tanto para para Android como para iOS.
Trátase dunha aplicación que permite ás familias consultar a información dos seus fillos e das súas fillas a través do teléfono móbil dende calquera lugar, de forma cómoda e rápida. A aplicación permite:
- Acceder aos datos persoais.
- Consultar as cualificacións.
- Consultar e xustificar as faltas de asistencia.*
- Consultar as faltas de conduta.
- Solicitar unha cita de titoría.*
- Consultar os datos do centro educativo.
- Consultar os avisos ou notificacións por parte do profesorado ou do centro educativo.
- Consultar as incidencias creadas polo profesorado.
* As funcionalidades de xustificación de faltas e solicitude de citas estarán dispoñibles unicamente nos casos nos que o profesor-titor correspondente así o autorice.
Neste curso a aplicación abalarMóbil será unha das ferramentas empregadas polo profesorado do IES Arcebispo Xelmírez II para a comunicación con pais, nais, titoras e titores legais do alumnado matriculado no centro, polo que se recomenda a súa descarga.
Para facilitar a instalación da app e a súa utilización achegamos unha guía, na que se explica todo o relacionado co funcionamento da mesma.
Máis información | espazoAbalar