No confinamento, a actividade física non parou para o IES Antón Alonso Ríos. Como proba, este vídeo no que vemos a parte dos nosos rapaces e rapazas facendo deporte.En tempos difíciles, vida saudable!

Este curso que remata, o noso centro seguiu a participar en competicións de deporte escolar coma en cursos anteriores.Abría a temporada o zonal de campo a través en Soutelo (Salceda), alí nos representou Alma que rematou en sétima posición e acadaba así unha praza para o campionato provincial que se disputaría no mes de xaneiro en Portas. No campionato provincial Alma, a pesar de estar convalecente dunha gripe, non quixo faltar e deuno todo para conseguir estar na metade da táboa de clasificación.Xa no segundo trimestre foi a quenda do bádminton. Neste curso tivemos a maior participación na competición individual dos últimos anos, participando un total de 20 alumnos, 12 de elas rapazas.

O pasado mércores celebrouse a final zonal de tenis de mesa en Sobrada. O noso alumnado  desfrutou como nunca da xornada e obtiveron os primeiros postos da competición. Os resultados finais pódense consultar en www.agrudebam.es

Nesta vídeo-montaxe podes ver as mellores imaxes da actividade "Semana branca" deste curso.

Iria Muñoz (1º ESO E) e Andrea Piñeiro (2º ESO D), compoñentes do equipo de Agrudebam (Agrupación deportiva á que pertence o noso centro) proclamáronse este fin de semana por equipos no campionato provincial de bádminton disputado en Ponteareas. 

Campionato Multideporte IES de Tomiño 2015-2016

Xa temos gañadores do Campionato Multideporte

O Campionato estivo organizado pola profesora Ledicia e o alumnado de 2º de Electrónica,  e foi  patrocinado pola tenda de deportes “Lito Sports” de Tomiño. Durante os recreos do 1º e 2º trimestre, foron xogándose os diferentes partidos de brilé, baloncesto e fútbol, coa participación da maior parte do alumnado do IES e con gran éxito de público

Este mércores rematou a competición de deporte escolar de voleibol, organizada por Agrudebam, na que participamos cun equipo infantil mixto xunto a un xogador do cole de Goián. Os nosos alumnos, despois de dúas xornadas xogando contra equipos alevíns dos diferentes coles da zona, enfrontáronse na final cunha selección alevín do Baixo Miño. A competición do equipo foi impecable, gañando todos os partidos. Ademais tiveron un comportamento exemplar axudando en todo momento á organización e arbitrando partidos nas tres xornadas que durou a competición. Parabéns a todos!!!!

Compoñentes do equipo:

O equipo da Categoría Cadete Feminino do IES Tomiño formado por: Sandra Álvarez Gómez, Anahí López Martínez, Gisela López Martínez e Andrea Piñeiro Fernández, ven de conseguir o subcampeonato de Campo a través zonal celebrado en Pazos de Reis este sábado 21 de novembro.

Este sábado 21 de novembro celebrouse nas instalaciòns de A Macoca en Tui a fase zonal de Campo a través de deporte escolar organizada pola Agrupación Deportiva Escolar do Baixo Miño (Agrudebam) no que participaron varios dos nosos alumnos. Destacar a actuavión das rapazas do equipo cadete feminino formado por Gisela (2°D), Anahí (2°B),  Sandra (2°B) e Andrea (2°D) que non puido correr por lesiòn. O esforzo das nosas alumnas viuse recompensado cun segundo posto por equipos. Tamén se desprazaron Àngel (1°D), Olalla (1°C) e Rodrigo (2°A) que competían de xeito individual por non ser suficientes para formar equipo nas súas categorías. Todos eles realizaron boas carreiras e despois puideron disfrutar da exhibición de mushing (canicross, bikejoring e patín) organizada pola profesora deste centro Ledicia Seoane.

Noraboa campionas!