O noso centro foi un dos que colaborou co Centro de Información a Muller do Concello de Cee  en SEN FILTROS CONTRA A VIOLENCIA DE XÉNERO. Trátase dunha Campaña de concienciación e prevención para a eliminación da violencia de xénero, unha campaña integral xa que conta coa participación de diferentes colectivos de persoas participantes, (alumnado dos centros educativos, equipos deportivos, escola de teatro, centro social...), a realizamos en diferentes formatos (vídeo, audio coas cuñas de radio, deseño gráfico para RR.SS, banner en medios de comunicación...) e está dispoñible en diferentes plataformas.

Buscando promover e dinamizar a participación cidadá, que toda persoa que queira poida ser protagonista desta campaña, sobre todo dirixida a implicar a xente moza, creando un produto co que eles e elas están moi familiarizados,un FILTRO DE INSTAGRAM que chamamos #senfiltroscontraaviolenciadexénero.

O filtro xa está dispoñible e listo para usa polas persoas que o desexen. Tan só haberá que entrar na Rede Social Instagram e buscar nos filtros de Instagram #senfiltros e xa aparecerá a imaxe que xuntamos. O aspecto do filtro é o que enviamos. Tamén sería interesante que escribiran o Hashtag da campaña na Stories. #senfiltroscontraaviolenciadexénero

O IES Agra de Raíces lamenta o pasamento de Jesús Garea, profesor de Matemáticas e antigo director e xefe de estudos do centro durante moitos anos. Jesús desenvolveu boa parte da súa vida laboral no noso centro e converteuse nunha figura de referencia nel. Os seus compañeiros/as lamentan profundamente a súa perda e recordan con agradecemento e agarimo o tempo compartido con el no IES Agra de Raíces.

Dentro do Programa Educativo Cultural O Mes da Fundación, organizado como tódolos meses de outubro pola Fundación Fernando Blanco de Lema de Cee, o alumnado de 4º da ESO asistiu a unha conferencia.

Trátase dunha charla impartida polos psicólogos Juan Carlos Permuy e Belén Montesa que leva por título "Mindfulness e regulación emocional" que tivo lugar o venres 29 de outubro, ás 11:30 horas, no Auditorio da Casa da Cultura de Cee.

De conformidade co establecido na Resolución do 20 de setembro de 2021 da Dirección Xeral de Educación, Formación Profesional, e Innovación educativa, pola que se establece o calendario para a celebración de eleccións de membros dos Consellos Escolares de centros docentes sostidos con fondos públicos (DOG. 29/09/2021), realizarase proximamente neste centro a renovación parcial dos membros do Consello Escolar. Corresponde a este curso renovar dous alumnos/as, un pai/nai ou titor/a legal, cinco profesores/as e un PAS.

A organización e supervisión do procedemento de elección dos novos membros do Consello Escolar estará a cargo da Xunta Electoral, que se constituirá ao efecto, e estará integrada por:

-A directora do centro.

-Un profesor/a.

-Un pai/nai ou titor legal.

-Un representante do persoal de administración e servizos (PAS).

-Un alumno/a.

Os catro serán designados por sorteo, segundo establece o Artigo 30 do Decreto 92/1998, do 28 de abril, conforme ao establecido na disposición adicional 1ª do Decreto 324/1996, do 26 de xullo, (DOG. do 9 de agosto). Dito sorteo será público e terá lugar na Sala de profesores/as do centro o día 27 de outubro ás 10:10 h.

Aqueles membros da comunidade educativa que desexen presentar a súa candidatura para formar parte do novo Consello Escolar deberán seguir as instrucións que figurarán nas distintas convocatorias que proximamente se farán públicas pola Xunta Electoral do Centro.

A directora

María Belén Pais Lago

A continuación, xúntase a relación de documentos de interese sobre a COVID-19, actualizados para o curso 2021-22: