Skip to Content

Podes atoparnos en...

            

Actividades

Letras Galegas 2016

 

 

Neste 2016 as Letras adícanse ó escritor Manuer María, poeta e home comprometido profundamente coa lingua e a cultura do noso país. Para conmemoralas, o Equipo de Dinamización de Lingua galega, coa colaboración doutros Departamentos Didácticos do noso instituto organizamos diversas actividades que para contribuír a un maior coñecemento da vida e obra deste insigne poeta.

 

  • Visita á Casa-Museo de M. María en Outeiro de Rei, que se complementará cun percorrido pola cidade de Lugo e o Centro de Interpretación da Muralla (4º ESO)
  • Exposición "Deconstruíndo cultura", conxunto de retratos artísticos e literarios elaborados coa colaboración da xente do Obradoiro de Fotografía en Curso e a artista Susana Diz
  • Teatro: a obra que se representará ("Ensaiade, ensaiade,  maldit@s") é froito do obradoiro de teatro que se desenvolveu os martes ó longo deste curso, obradoiro que conta coa participación de 18alumnos e alumnas e que está dirixido por Tero Rodríguez.
  • STARgal: mostra dos produtos elaborados ó longo do curso no STARcach (Seminario transversal de audiovisual e robótica). Un exemplo de que as novas tecnoloxías e o galego poden e deben ir da man na sociedade moderna que queremos construír.


Anexo con respecto á obra: Ensaiade, ensaiade, maldit@s

Innovación EDL

En colaboración con diferentes Departamentos ou organismos alleos ó centro, desde o EDL téñense impulsado as seguintes iniciativas:

Letras Galegas

Para celebrar o día das Letras Galegas realizamos cada ano diversas actividades multiculturais e STE(A)M, dado que entendemos que a Cultura Galega debe medrar parella ós novos tempos, onde xunto ó teatro ou a poesía cabe o audiovisual, a programación ou a robótica.

Ó longo do curso, o obradoiro teatro "Roberto Vidal Bolaño" de teatro prepara diversas obras, e na medida en que estean preparadas, represéntanse neste día.

  • Curso 2018/19, Antón Fraguas: obradoiro de traxe tradicional, STARgal, Planetario "o día que naceu Fraguas", Banquete da Cachada e Xogos populares.
  • Curso 2015/16: teatro RVB na Cachada, competición galega e mostra de videoxogos, robos e curtas STARgal, exposición de retratos artístico-literarios "Deconstruíndo Cultura", visita á Casa-Museo de M. María en Outeiro de Rei; camiñata e romaría en Pazo Goiáns, con música Folk e Galeoke 
  • Curso 2014/15: teatro RVB na Cachada, camiñata a Pazo Goiáns e concerto de Narf, desfile de traxes artesanais

 

  •  
  • Curso 2013/14: teatro RVB na Cachada, encontro con Marcos Calveiro, presentación da Xanela

Entroido

Xunto ó Equipo de Extraescolares e moit@s voluntari@s, cada ano celebramos unha festa de Entroido no instituto. Podes ver na Xanela as imaxes ou vídeos do desfile dos últimos anos. A nosa intención é que nesta festividade cobre cada vez máis presencia o aspecto cultural histórico galego. 

 

Aquí vos deixamos unha presentación onde podes atopar información sobre diferentes Entroidos de Galicia:

Magosto e Samaín

   

    Xunto ó Equipo de Extraescolares, vimos organizando nos útlimos anos diferentes actividades na época do Samaín:

  • Recreos arrepiantes A que dixen (lecturas interpretadas na Biblioteca baseadas en contos de terror)
    • Ver artigo da Xanela coas imaxes do curso 2014/15
    • Ver artigo da Xanela coas imaxes do curso 2015/16

Concurso Roberto Vidal Bolaño de Microtextos teatrais

Cada ano selecciónanse varias obras teatrais elaboradas polo noso alumnado e ensáianse para ser interpretadas na Semana das Letras Galegas.

Distribuir contido


by Dr. Radut