Dinamización TIC

Dentro do Proxecto de Formación Permanente do Profesorado (PFPP), no itinerario que dedicamos ao desenvolvemento da competencia TIC, empezamos coa formación eDixgal, fundamental para a implantación, no noso centro, dos libros de textos dixitais.  Na primeira sesión de formación puidemos achegarnos aos procedementos básicos de xestión da aula dos novos computadores eDixgal.

    

   Dentro do Proxecto de Formación Permanente do Profesorado (PFPP), no itinerario que dedicamos ao desenvolvemento da competencia TIC, empezamos coa formación eDixgal, fundamental para a implantación, no noso centro, dos libros de textos dixitais.  Na primeira sesión de formación puidemos achegarnos aos procedementos básicos de xestión da aula dos novos computadores eDixgal.

Este curso 2018-19 o  IES a Basella formará parte do proxecto E-Dixgal da Xunta de Galicia. O alumnado de 1º ESO comezará esta nova etapa na que traballaremos sen libros e utilizaremos o entorno dixital de aprendizaxe (EVA) para traballar e aprender dun xeito diferente. Tanto o alumnado como o profesorado agardamos coan ilusión esta nova andaina chea de innovación e motivación.

Estade atentos ás novidades nesta páxina web

Comezou o novo curso e, desde a coordinación TIC, estamos a desenvolver unha acción formativa en 1º e 2º de ESO para que os alumnos poidan xestionar correctamente a súa nova conta no dominio iesabasella.org. Con esa conta van poder facer moitas cousas: compartir documentos cos seus compañeiros e profesores, facer presentacións, subir vídeos e un longo etcétera.

En definitiva, introducímolos no longo camiño do aprendizaxe do uso correcto das novas tecnoloxías.

Entre outras cousas, practicamos procuras na rede. Atréveste a atopar na rede as respostas a estas preguntas?

1. En que país existe unha catedral de sal? Que altura ten a praza onde se encontra?

2. Que nacionalidades tivo Albert Einstein ao longo da súa vida?

3. Tradicionalmente considerábase a Graham Bell o inventor do teléfono. Pero, a quen se lle atribúe na actualidade a invención deste aparato?

4. En que provincia española está Cenizate? Cantos habitantes ten, aproximadamente?

5. Que siginifica a expresión “duelos y quebrantos” e en que famosa novela aparece no seu primeiro paragráfo?

6. Nome completo do enxeñeiro mecánico escocés inventor da máquina de vapor.

7. Lugar de nacemento do industrial estadounidense que introduciu na súa fábrica a técnica da “cadea de montaxe”, axudando á expansión da industria norteamericana.

8. Lugar de nacemento do enxeñeiro e inventor español, fundador das escolas de enxeñeiros de Madrid e San Petersburgo (Rusia)

9. Lugar de nacemento do atleta medalla de bronce nos 1.500 metros, nos Xogos Olímpicos de Los Ángeles?

Sabes as respostas? Agora eles si