Actividades

Actividades de Nadal 2019

   

Para este Nadal 2019 a EOI de Vilagarcía organiza unha chea de actividades coas que esperamos contaxiarvos o noso espíritu navideño.

Animádevos a participar na decoración da nosa árbore de Nadal coas vosas mensaxes navideñas e propósitos para o 2020. E gravade un discurso de Nadal con compañeiros/as dos vosos grupos. Para máis información destas dúas actividades, consultade ao/á voso/a profesor/a na aula.

Colaborade na Operación Quilo a favor da cociña e comedor da Asociación Lar Pro-Saúde Mental. Dos días 11 ao 19 de decembro podedes deixar produtos de alimentación na conserxería do centro.

Programa de radio: A violencia de xénero non é conto ningún - Historias do 25N

A Biblioteca da EOI de Vilagarcía emite a través da súa canle iVoox un programa de radio con algúns dos relatos participantes no Concurso do EDL "A violencia de xénero non é conto ningún: Historias do 25N".

A violencia de xénero non é conto ningún: Historias do 25N

 

 ¡NORABOA! GAÑADORES do Concurso "A violencia de xénero non é conto ningún: Historias do 25N"

 1ª categoría: Contos redactados en dúas linguas - "Look mum! Mira miña nai!" Autores: Cristina Torres Martín e J. Luis DaSilva Domínguez

Historias do 25N: A violencia de xénero non é conto ningún!

Para conmemorar o 25 de novembro, Día contra a violencia de xénero, xunto coa actividade de centro de Exposición de carteis, o Equipo de Dinamización Lingüística convídate participar no concurso: Historias do 25N.

25N

Consulta as bases premendo aquí.

Plan de Formación Permanente do Profesorado - Curso "Formando mediadores"

O luns 21 pola mañá contaremos no centro co experto Juan Vaello Orts que impartirá un curso sobre "Mediación". Esta actividade está aberta a toda a comunidade educativa da EOI de Vilagarcía (profesorado, alumnado e persoal non docente) e terá lugar no Salón de Actos de 12.00h a 14.00h.

 

Actividade cultural: Día Europeo das Linguas

Para conmemorar o Día Europeo das Linguas o alumnado da EOI poderá xogar dos días 25 ao 27 de setembro co seu/súa profesor/a e o alumnado do grupo ao noso Scrabble Multilingüe Xigante.

Internacionalización do centro

 

O proxecto “Observamos: Inclusión contra o abandono” da EOI de Vilagarcía de Arousa foi seleccionado para unha Mobilidade KA104 do programa Erasmus+.

Segue a evolución do proxecto no seguinte blog: EOI Vilagarcía de Arousa: Difusión Erasmus+

Consulte nesta ligazón o Plan de Desenvolvemento Europeo do noso centro.

 

Contacto coa xunta de delegados

As persoas representantes de cada grupo elíxense a principio de cada curso.

No curso 2019-2020, elexíronse entre os días 7 e 11 de outubro. A xunta de representates, elexíu a D José Manuel Pérez Reinoso como presidente.

A xunta de persoas delegadas dispón dun taboleiro de información ubicado na pranta baixa a carón da biblioteca.

Pode empregar a dirección de correo xunta.representantes.eoivga@gmail.com para contactar coa persoa que preside a xunta de delegados e forma parte do consello escolar do centro.

Distribuir contido